.. وبه نستعين ..
السلام عليكم ...
اللهم صلي وسلم على سيدنا محمد وآله وصحبه وسلم
لا حول ولا قوة الا بالله ...
الله أكبر .. ما شاء الله
لا اله الا الله
اللهم ادم لنا هذه النعمه وارزقنا خيراً .. واجعلنا من عتقاء النار في هذا الشهر .. انك على كل شيء قدير
" تمنياتي لكن اخواتي الحبيبات بصيام مقبول وإفطار شهي ... وأيام مباركه ان شاء الله علينا وعليكم وعلى جميع المسلمين ...
طبعاً هذا فطورنا وسحورنا ..
من بعد صلاة المغرب نحط الكل والي يبغي ياكل .ونخليه مغطى ومغلف على الطاولة في المطبخ ... واللي يشتهي ياكل ..(بوفيه .. خخخخخخ)
وطبعاً في نفس الوقت اهو السحور...
يعني يكفينا فطور وسحور ... والشكر والحمدلله رب العالمين على نعمته وفضله ...
السفرة ...
الهريسه
عيش أبيض( رز أبيض) .. وفي الوسط كباب بالباذنجان ... نصيحه مني جربوه ... يعجبكم حيييييل
وهو عبارة عن ... كفته ملفوفة بشرائح الباذنجان
لحم مفروم +بصل مفروم ناعم + ثوم مدقوق ..
ملح وفلفل وملعقة طحين نخج (نخي)
اخلطيهم مع بعضهم وسويهم اصابع صغيرة وحمريهم في زيت خفيف جداً ... بس يتغير لونهم ..
إقلي باذنجان شرايح ... ولفي كل اصبع كفته بشريحه باذنجان وصفيهم في صينيه فرن ...
سوي لهم مرقة ... (صوص)
نقعي صبار ..(تمر هندي) في ماي حار ..
سوي شوربة ماجي بالخضار وصفيها والماء المصفى اخلطيه مع التمر الهندي
و اضيفي 3 ملعقة صلصة طماطم .. وقليل جداً من الهيل ... الدارسين ... كزبرة محونه ... لا تكثرين .. قليل جداً بس نكهة ...
وصبيهم على الكفته ودخليه الفرن ...
وتركيهم يتسبكون مع بعض ويبقى نص الصلصة ...
وخلاص طلعيها من الفرن
وهذا صورته ...
التورتيلا .. طبق الأصل (مطعم هرفي)
احبها حيييييل .. ودائاً نطلبها من المطعم ... وحاولت اني اعرف طريقتها ... وبحثت عنها وطلعت لي الطريقة
وهذه هي
سمبوسة اللحم .. المعروفة عندنا والمعتمده منذ عدة سنوات
تتكون من لحم مفروم .. وماش .. وبقل .. وملح وفلفل .. واللي يحب يحط فلفل حار
واحلى من أي سبوسه ذقتوها
مع كيكة مالحه ... رااائعه
مثل الكيكة العادية لكنها بدال الطعم الحالي طعم مالح
وتذووووب في الفم مثل الزبده . نرش عليها زعتر ونحط عليها شرائح فليفلة وجبن كيري ..
معجناتي الحلزونيه المشهورة ...
دائماً يسئلوني عنها ويقولون مانعرف نسوي مثلها...
طريقتها من كتاب (خفايف) للكاتبه الكريمه القطرية .. مريم محمد عبدالله
[center]بسكويت البندق ...محشو كاكاو جلكسي ... يموتون عليه العيال الصغار ...مسويين لي معركه في البيت اذا جيت اسويه..
واضطر اني اشيله عشان ما يقضون عليه هههههههه
طريقته من كتاب center]
هاه شرايكم في أطباقي؟
شرايكم اكمل ولا لا؟
ترى مب بكمل اذا ماشفت ردود حلوه مثلكم
وكل ما اسألكم هو الدعاء ...
الروابط المفضلة