كيفكم حبيباتى ان شاء الله تكونو افضل حااااااااالا
انتو عارفين بعد رمضان وقفت المطبخ بقت ممله جدااا
وانا عن نفسى مش جيلى مزاج للطبخ خااالص
وطبعا علشان مش لوحدى لازم اطبخ وصحيت النهارده
وانا مليش مزاج نهائى للمطبخ
وطبعا مطلوب من اكل فوراااا للغداء
قولت اعمل ايه سهل وبسيط
دورت عندى لاقيت لحمه بتلو ومشروم وفريش كريم
قولت اسرع حاجه
بيكاتا بالحمه البتلو و المشروم
مفيش اسهل من كده
وقولت اقدم طبق خفيف قوى للغاليه برنسس لكى
فى ملفها الرائع عن المشروم
وده الرابط بتاعها
قبل البدء
التقديم مش قوى بصراحه مزاجى مكنش رايق خااالص
المقادير
بفتيك بتلو
مشروم فريش شرائح
علبه كريمه لبانى صغيره
فلفل اسود
ملح
مستطرده
زيت ذره
دقيق
الطريقه
فردت البفتك ورشيت عليه فلفل اسود وملح ومسحه مسطرده
طبعا من الناحيتين واخذت كل شريحه وبطنتها بالدقيق
وحطيتها فى طاسه مع الزيت ساخن علشان احمرها
حمرتها من الناحتين وبعدين اضفت المشروم الفريش
وقلبتها كويس
اضفت الكريمه اللبانى وضبط الملح والفلفل وسبتها على النار 10 دقائق
كانت طبعا البيكاتا استوت تماما
وقدمتها مع مكرونه بالذبده والثوم والبقدونس
الحمد لله كان طعمها رااائع جدااااا
وطعمها غنى جداا عن الموجوده فى المطاعم
ملحوظه
لو اللحمه كندوز نفس الطريقه بس تاخذ وفت اكتر فى التسويه
وممكن تتضيفى لبن+ كريمه
او لبن+قشطه
وممكن تقدم مع ارز ابيض
وان شاء الله تجربوها وتعجبكم
وتعجب حبيبتى برنسس لكى
لا تنسونى بدعواتكم حبيباتى
الروابط المفضلة