السلام عليكم ورحمة الله وبركاته

اول مرة أدخل الركن

وأتمنى أكون ضيفة خفيفة عليكم

لعمل الشمعة الرومانسية

بنحتاج قالب شفاف .. انا استخدمت القالب البايركس الصغير .. طبعا ممكن اى علبة شفافة وممكن نعمل نفس الفكرة فى كاسات شفافة ونخليها فى زوايا السفرة ..

وبنحتاج ورود صناعية .. الاشكال اللى تحبيها ..

وبنحتاج شمعة مدورة او اى شكل تحبيه برضوا

بنملى القالب او العلبة اللى هانعمل فيها الشمعة بالمياه ..

وبعدين ندوب فى المياه أى لون من الوان الطعام .. انا استخدمت اللون الأحمر (بيدى شاعرية جميلة مع الاضواء)
<<< رومانسية البت
وممكن تستخدمى لون اخضر او اصفر المهم اللون اللى تحبيه .. وبعدين تحطى الورود ومش مهم انها تنزل لتحت او تفضل على وش المية .. لأنها لو غطست فى المية هاتدى ظل جميل برضوا ..

وتحطى الشمعة بالراحلة .. وتسيبيها تعوم براحتها .. وبعد ما توضبى السفرة تستخدمى آخر حاجة ..
وهى الرائحة ..
انا هنا استخدمت روح التفاح .. وممكن روح الاناناس او الليمون او جوز الهند .. بتحطى حوالى 4 ملاعق كبيرة فى الماء الملون وتدوبيهم بالراحة ..
واخيرا تولعى الشمعة ..
هتلاقى ضوء الشمعة الجميل المنعكس على لون المياه وهتلاقى الغرفة كلها غرقت فى جو من الرومانسية والرائحة المنعشة ..

انا حطيتها فى وسط السفرة طبعا كانت مبهرة ..












والسفرة وفى وسطها الشمعة







ولمعرفة طريقة الأكلات .. على هذا الرابط


http://www.lakii.com/vb/showthread.php?t=751401

بيرووووووووووووووووووووو
انتي بتعملي ايه هنا

قفشتك
هههههههههههههههه

يا عم انتا يا رومانسي واصللها ايه فتحتي اوضة السفره
ماشي بجملة الرومانسيه
ههههههه

ربنا يسعدك

فكرة هايلة وبسيطة وبنفس الوقت اكيد بتدي نتائج هايلة

تسلم ايديكي يا عسل على فكرتك

بصراحة فكرة كتير حلوة وشكلها جميل

شكرا لك

فكرة جميلة
يسلمو الايادي

يا ولد انت يا رومانسي

طيب كنتي اعزميني معاكي << عزول يعني

تسلمي يا قمر بجد فكرتها حلوه أوي وشميت الريحه من عندي << ريحه الأكل

رووووووووووووووووووووعه يسلمؤؤ

يا سيدى على الروقان والناس اللى شغالة رومانسة فى رومانسية
يا بنتى تتحسدى والله على رومانسيتك دى ههههه
فكرتها جميلة فعلا تسلم الأفكار يا جميل
وربنا يحلى ليك حياتك وتفضلى رومانسية على طووووول

يا عينى على الافكار الجميلة والاقتصادية بنفس الوقت تسلم ايديكلى حببتى

فكره جميله ورومانسيه جدا تسلم ايدك