[CENTER]بصو يا بنات الحمد لله في مجموعه منكو عارفني بس هعرف نفسي بردو عشان لو في حد جديد علينا المهم
الاسم : ساره (srs.com)
السن : 23 سنه تنطح سنه عادو عليا اكنهم يوم
الطول :168 سم
الوزن :من يومين 87 كيلو جرام و لو حد قال جوه نفسه حتى كتيييييير هموته انا مراقباكو كتيير مين احنا كنا فين و بقينا فين انا كنت 108 كيلو الحمد لله كده رضا و في شهرين كمان
الحكايه :
انا من يومين لقيت تليفون مش لطيف جالي اني عندي مقابله مهمه جدا و هي مساله حياه او مووووت بعد تقريبا شهر من دلوقتي اعمل ايه اعمل ايه عيطت شويه و بعدين قلت ينفع بايه البكىىىىىىىىىىىىىىىىىىىىىىىىىىىىىى
قومي يا بت يا سرسور نطي الحبل شويه و فكري و انا بنط قلت انا قلقانه ليه ده انا حققت رقم قياسي قبل كده و خسيت 8 كيلو في 10 ايام مش هعرف اعمله تاني يعني و بما اني عنيده جدا جدا قررت يا انا يا اما كتله الدهون اللي لازقه دي و جايبالي الاحباط هخس يعني هخس فقلت انا هعيد الريجيم اللي عملته تاني يمكن اخس عليه حتى 5 كيلو مش 8 كل 10 ايام هيبقو حلوين و ده طبعا اقل تقدير لو من غير رياضه كمان
المهم كنت بكلم صحبتنا الاخت فينا و اكيد عرفينها بردو لقيتها عماله تغيظني و تقولي انا هوريكي يا ساره انا هخس اكتر منك و هعمل نفس اللي انتي هتعمليه دماغي قفشت و قلت يا انا يا هي الاقي البنيه تاني يوم فاتحه موضوع جديد تحدي لساره بس و الكل اشترك معاها الخونه قلت خلاص مبدهاش كل دول اتحدوني انا هوريكو فهفتح انا كمان صفحتي عشان نتحداهم و على فكره انا بدخل هناك كمان عشان اقولهم انا بعمل ايه و افرسهم و بصو ده اللينك بتاعهم
http://www.lakii.com/vb/showthread.php?t=335878
بس على مين يا بنات البقاء للاقوى فينا مين اللي تغلبني انا هنزل الدايت هنا و هنعمل نفس الريجيم اللي قولتلها عليه بس هنا عاوزين ناس متعرفش الكسل و لا اللخبطه عشان اللي هيعك هيبقى ليه عقاب و هينفذه و مش هنشوفه بس ربنا اللي شاهد عليه و كلنا هنشترك مع بعض عشان نختار العقاب
الدايت الاول هوالدايت السحري
اللي بيخسس 5 كيلو في 5 ايام
اليوم الأول : زبادى
اليوم الثانى : بطاطس مسلوقه بدون ملح
اليوم الثالث : فرخه مشوية
اليوم الرابع : جزر
اليوم الخامس : برتقال ويوسفى او تفاح
اعملوه و ادعولي و ان شاء الله بيجيب نتيجه هايله هتشوفو بس فيه شروط:
1.شرب ماء على الاقل 3 لتر في اليوم.
2.المشي على الاقل نص ساعه في اليوم.
3.اخر ميعاد للاكل الساعه9 بالكتيير و متناميش غير بعدها بساعتين.
4.تقسيم الوجبات على الاقل 5 وجبات في اليوم.
5.اوعي تاكلي في كل مره لحد الشبع بتاكلي في كل واحده حاجات صغيره يعني مثلا في الزبادي ممكن زبديه من غير وش طبعا كل 3 ساعات او ساعتين.
الدايت التاني
الرجيم المجنون
بيخسس على الاقل 5 كيلو في الاسبوع
الافطار ثابت طيلة الاسبوع
شاي او قهوة بدون سكر او السكر الخاص بالرجيم الموجود في الصيدليات ان رغبتي 2 كاس ماء
يومي الاول و الثاني
الغذاء : قطعة لحم بقري "ستيك"مشوية ومعاها كثير من السلطة الخس +الطماطم +وخيار +جزر بدون زيت ولكن قليل من الملح واليمون
العشاء سلطة الى حتى الاشباع
يومي الثالث و الرابع
الغذاء:
بيضتان مسلوقتان وصحن سلطة
العشاء سلطة
يومي الخامس و السادس
الغذاء:
خيارتان وعلبة صغيرة زبادي خالي الدسم
العشاء خيارتان فقط
يوم السابع
الغذاء تفاحة
والعشاء تفاحة
وكثري شرب الماء عشان تشبعي في اليوم ده بالذات
هنعمل ان شاء الله الاتنين ورا بعض بدون قياس للوزن و بدون وجبه فري بينهم عشان كده بتلاقي رقم محترم خساه و اسال مجرب اللي هو انا
كفايه عليكو كده اللي عاوزه تبتدي معانا يللا اهلا بيها سجلو بيناتكو بس تكون صحيحه يعني اللي متعرفش وزنها تقيس اكتبولي و لو حد محتاج اي استفسار ده ايميلي ]!!!!!!!!!!!
الروابط المفضلة