السلام عليكم ورحمه الله وبركاته
كل عام وانتم وجميع المسلمين في البلاد كافه بخير والله ينصر اخواننا المظلومين في جميع بقاع الارض وحسبي الله ونعم الوكيل في كل ظالم ما بخاف الله
طبعا باين من عنوانه حتقولوا شو جاب المحاجيب الجزائريه لعندي هههه
انا كنت مشاركه فيها في موضوع حول العالم 80 طبق للغاليه وعود ومن يومها وهي دخلت معدتي وعقلي طبعا
وكانت هي مشاركتي الاولي ووجدتها عن طريق بحث لاطباق بلاد المغرب وقدمتها
بدون طول السيره امبيرح ايجت علي بالي اعملها وطبعا الصايم بتوحم مثل الحامل وبدون تفكير عجنت العجينه بسرعه هي اصلا ما بتوخد وقت وطيبه وخاصه العجيبه بتطلع بتقرقش شوي بسبب السميد والحشوه مممم ما بقدر اوصفها الا لما تذوقوها وخاصه اذا كانت حراقي (سامعه يا وعود )انا بعرفك بتموتي بالحراقي
المهم نيجي للمقادير انا عملت كميه بسيطه لانه كانت عامله اكل وما حبيت اكتر
هي المقادير الاساسيه
1 كوب سميد
1 كوب طحين اسمر
ملح وماء للعجن وبس
انا عملت نصف المقدار
تعجنهم مع بعض ويتركوا شوي عبال ما تعملي الحشوه
الحشوه انا عملتها قبل العجين حتي تبرد
بصله مقطعه شرائح تحوس مع فص ثوم حتي تذبل شوي
وينضاف عليها فلفل حراق انا شيلت العرق البيحرق لانه ما حبيت اتعب معده زوجي بس عملتها قبل هيك بالفلفل الحراق وطلعت جنان وطعمها بعده تحت سناني
تنضاف عليها بندوره مقطعه وفليفله حلوه وخليهم علي الواطي حتي يستوي وتعدلي الملح والفلفل الاسود اذا بتحبي
وبعد ما يبردوا نضع قليل من الزيت علي الطاوله ونفرد قطعه صغيره من العجين حتي تكون رقيقه ونضع بالمنتصف الحشوه ونطبق الاطراف ثم الجوانب
ونضع قليل من الزيت في المقلي ونحمرها علي الوجهين وتقدم
بس بدكم الصراحه ما في بعدها
وهي شوي صوره
شو رايكم ؟؟؟
كل عام وانتم بخير
الروابط المفضلة