كنت محتاره اعمل تارت ازاى وخصوصا
ان عجينه التارت لازم يكون فيها نسبه ذبده كتير
بس طعمها بيكون لذيذ
فعملتها بعجينه عاديه
والحمد لله طلعت تحففففففففففففففففه
والطعم اكتر من راااائع
كوب دقيق قمح
كوب دقيق ابيض
كوب دقيق اسمر
2 ملعقه سكر
رشه ملح
ملعقه زعتر جاف
ملعقه لبن بودره
خميره فريش فى حجم عين الجمل
2 ملعقه زيت زيتون
ماء دافىء للعجن
ملعقه كبيره زيت زيتون
بصله كبيره شرائح
2 فص ثوم شرائح
4 حبات مشروم شرائح
ربع كوب لبن خالى الدسم
بيضه
ملعقه جبنه رومى مبشوره
ملح وفلفل
نحط البصل على النار مع الزيت حتى تصفر البصله
ثم نضيف ليها الثوم والمشروم ونقلب لمده دقيقتين
ونضيف ليهم اللبن او الحليب
ونقلب البيضه مع الجبنه ونضيفهم للخليط
ونتيل بالملح والفلفل
اعداد العجينه
نذوب السكر مع الخميره مع شويه ماء دافى وتترك للتفاعل
نخلط باقى المقادير مع بعض
ونضع عليها الخميره والماء الدافىءونعجنها كويس جدداااا ونلتها كويس
نتركها فى مكان دافئ حتى تتضاعف حجمها
ناخد جزء من العجينه ونفردها على سطح مرشوش بالدقيق
وندهن قالب التارت كويس بالزيت وننقل ليه العجينه
نتركها ترتاح شويه ونحط عليها الحشو
اخذت باقى العجينه وفردتها وقطعتها دوائر
وحطتتها على قوالب الكب كيك
وتركتها ترتاح هى كمان
ودهنتها بصفار بيض وملعقه لبن وفلفل اسود
دخلتهم فرن ساخن على درجه حراره 180 حتى احمرت تماما
وده الكب انا حطيت فيها مجموعه من الخضروات
(كوسه وباذنجان وجزر وفلفل وبصل وطماطم مكعبات وبصله مكعبات وريحان فريش
وثوم ناعم وزيت زيتون وملح وفلفل وشوربه وماء ربع كوب منها للتسويه)
جميع الخضروات مقطعه قطع صغيره
الطريقه(((نضع الزيت وبعدين البصله نشوح خفيف وبعدين نحط الخضار كلا على حده وتشويحه خفيفه وفى الاخر نضيف الشوربه وتستوى الخضار على نار هادئه
وتتبل بملح وفلفل ))
الطعم فعلا اكتر من رااااااائع
وحلوة قوى للعشاء وخفيفه
واتمنى انها تعجبكم
لا تنسونى من دعواتكم اخواتى الاعزاء
الروابط المفضلة