انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 45 1234511 ... الأخيرالأخير
عرض النتائج 1 الى 10 من 448

**موضوع متميز**الفطير المصرى على اصوله (المشلتت-المحشى-عجينه الرقاق)بالخطوات المصوره

(المعجنات والسندويشات والفطائر والخبز - منتديات لكِ النسائية - الأرشيف)
...
  1. #1
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة

    المواضيع المتميزة **موضوع متميز**الفطير المصرى على اصوله (المشلتت-المحشى-عجينه الرقاق)بالخطوات المصوره

    اخواتى فى الله جئت لكن اليوم بوصفه مشتركه بها فى مسابقه المعجنات واردت ان انسخها هنا حتى تعم الفائده يارب تعجبكم
    اخواتى استكمالا لموضوع الاكلات العربيه وخاصه اكلات التراث اليوم جبتلكم معايا اكله مشهوره اوى اوى فى مصر الا وهى الفطير المصرى والرقاق المصرى لانهم بنفس العجينه الاختلاف فقط فى نقطه واحده حتعرفوها على فكره ده كان من ايام الفراعنه وسموه الفطير الملتوت وانتقل عبر الاجيال الى ان وصل لجدتى وكنت بحب اجلس امامها وهى بتسويه ربنا يرحمها ويغفر لها
    المقادير
    كيلو طحين ننقص منه نصف كوب ونتركه جانبا لان ممكن العجينه تحتاج على حسب نوع الطحين
    كوب ونصف ماء دافىء وممكن نحتاج اكتر ربع كوب مثلا لو العجينه احتاجت
    ملح
    عجينه الفطير عجينه سهله جدا اهم شىء فى هذه العجينه هو طريقه عجنها او بمعنى اخر مده العجن فهى تحتاج حوالى ربع ساعه بالعجانه او 45 دقيقه باليد ماتستغربوش فعلا تحتاج هذا الوقت وسر نجاحها هو عجنها جيداالاول كنت بعجنها بيدى قبل ما اشترى العجانه وكانت بتطلع ممتازه
    نضع الدقيق والماء والملح فى العجانه ونبدأ العجن

    بعد مرور عشر دقائق مثلا نحاول نشد العجينه حنلاقيها بتتقطع مننا وده معناه انها لسه موصلتش للشكل المطلوب

    وبعد ربع ساعه شوفى شكلها شوفوا بتتشد ازاى من غير ما تتقطع لازم تبقى ملساء وتتشد زى اللبانه (العلكه )

    ودى صوره كمان شوفوا اهم حاجه انها توصل لكده لانها لو كانت لسه مرمله حتتقطع مننا فى الفرد ودى ملحوظه مهمه التزموا بيها

    وهنا قطعت العجين الجزء اللى حعملوا فطير مشلتت بضع كور العجينه فى طبق به زيت واللى حعمله رقاق يوضع فى طبق مرشوش بدقيق وده الاختلاف بينهم

    يتبع

  2. #2
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    نترك العجين يرتاح فتره حوالى ربع ساعه قبل الفرد ونغطيه بقطعه قماش نظيفه

    هنا العجين جاهز للفرد نبدأ نعمله
    الفطير المشلتت
    نحتاج لزبده او سمن للحشو
    بدايه نضع زيت على الرخام اللى حنفرد عليها ونفرد العجين بالنشابه ماشاء الله شوفو متقطعتش لانها مفروده تمام الحمد لله نفرد العجينه وتكون رقيقه جدا ونضع عليها زبده ونوزعها عالعجينه كما بالصوره

    نطبق العجينه ونضعها جانبا ونفرد قطعه اخرى ونضع الزبده وبعدين نضع القطعه اللى طبقناها قبل كده

    ونطبقهم على بعض هكذا ونتركهم جانبا

    ونفرد قطعه اخرى وايضا نضع الزبد والعجينه المطبقه ونفردها بايدنا هكذا حتى تأخذ شكل الدائره

    يتبع

  3. #3
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    بعد ذلك نطبقها للمره الاخيره وشوفوا شكلها اخذت شكل الدائره

    ونضعها فى صينيه فى الفرن حوالى عشر دقائق فى الفرن الاوسط على حراره 200 وبعدين نخرجها ونفتح الشوايه من فوق حتى يحمر الوجه
    ملحوظه مهمه الفطير بينشف لسببين اما ان نكون مفردنهاش كويس لانها لازم تكون رقيقه اوى
    ثانيا لو تركناه مده كبيره فى الفرن
    وهنا شكلها بعد ماخرجت من الفرن ماشاء الله

    وطبعا الفطير حلاوته انه يتاكل مع العسل النحل

    او الجبنه البيضاء او القشطه

    ملحوظه
    لو عاوزين الفطير يقرمش يبقى بعد خروجه من الفرن نتركه بدون تغطيه ولو عاوزينه طرى نغطيه بورق قصدير وهو سخن
    برجاء عدم الرد الموضوع لم يكتمل بعد

  4. #4
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    نستكمل باقى الفطير
    طبعا بنفس العجينه نعمل بيها الفطير المحشى ونا كنت نزلته قبل كده بس حنزل لكم الصور تانى يارب يعجبكم
    مقادير الحشوه
    وده اختيارى انا استخدمت لحمه مفرومه معصجه وللوجه استخدمت جبن رومى مبشور-زيتون-فلفل-طماطم-بيض





    بعد ذلك نفردها بالنشابه ويكون السطح مدهون بزيت ونحاول على قد ما نقدر نجعلها رقيقه





    نضيف الحشوه ونبدا بطيها







    وبعد ذلك ننقلها فى صينيه وندخلها فرن حامى حوالى سبع دقائق لكل وجه
    وبعدين نخرجها ونضع عليها بيضه وفلفل اخضر وطماطم وزيتون وجبنه مبشوره هكذا

    ونفتح عليها الشوايه من فوق حوالى خمس دقائق فقط وانتبهى الا تحترق
    وبعد ماتبرد قطعيها ورصيها فى طبق التقديم




    ودى حشيتها مربى وقشطه ومكسرات وزينتها بالسكر البودره

    رجاء خاص عدم الرد الى ان يكتمل الموضوع

  5. #5
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    الرقاق المصرى
    خدوا بالكم وانتبهوا يا اخواتى
    الفطير فردناه على زيت صح
    لكن الرقاق يفرد على رخامه بها دقيق ويفضل يكون دقيق قمح بيعطيه طبقه جيريه جميله اوى

    طبعا واحنا بنفرد حنلاقى صعوبه شويه فى الفرد وحجم الرقاق اختيارى انا عملته صغير نضعه فى صاجه الفرن مفروشه بورق زبده ونضعه عالرف الاول الملاصق للنار على حراره 200 خمس دقائق فقط حتلاقيه احمر شيليه من الفرن وهوه طرى وافرديه فى صينيه وحينشف بسرعه

    هنا شكله بعد خروجه من الفرن

    نحضر صينيه وندهنها زبده ونحضر شوربه سخنه ياسلام لو شوربه بط تجنن ونسقى ورقه الرقاق بالشوربه ولازم تكون سخنه هكذا

    نكرر العمليه مع ثلاث ورقات رقاق مثلا وبعدها نضيف لحمه مفرومه معصجه

    ونكرر العمليه السابقه واخر طبقه من الرقاق نضع عليها زبده
    وندخلها الفرن ربع ساعه تتحمر من تحت وبعدين نحمرها من فوق
    برجاء عدم الرد
    يتبع

  6. #6
    noorelhoda's صورة
    noorelhoda غير متواجد "متميزة صيف 1429هـ و مُبدعة صيف 1430هـ "صانعة الأطايب
    تاريخ التسجيل
    Nov 2007
    الموقع
    اللهم هون على غربتى واحفظ لى زوجى وابنتى
    الردود
    21,464
    الجنس
    امرأة
    وده شكل الرقاق



    شوفوا جميل ازاى


    على فكره تعبت جدا ونا بعمل الموضوع ده لانى افتكرت جدتى ربنا يرحمها ويسكنها فسيح جناته

    بكيت كتير لما افتكرتها وهى بتعمل لنا الفطير

    اللهم اغفر للمسلمين والمسلمات والمؤمنين والمؤمنات الاحياء منهم والاموات

    انتهى موضوعى يارب يعجبكم ويعجب المشرفات

    وانتظرونى فى باقى الاكلات التراثيه من

    مصر ام الدنيا

  7. #7
    شخبط شخبيط's صورة
    شخبط شخبيط غير متواجد صاحبة الحضور المتميز بمطبخ لك "مُبدعة صيف 1430هـ" زهرة العطاء في ركن المعجنات
    تاريخ التسجيل
    Jul 2007
    الموقع
    فى قلب بناتى
    الردود
    6,448
    الجنس
    امرأة
    ما شااااااء الله ايه الجمال ده
    تسسسسسسسسسسسلم الايادى

    عاوزة الطبق ده

    وكماااااااااااااااااان ده علشان عامله رجيم

    "اللهم إني أستودعك جنيني الذي في رحمي، أنت الذي لا تضيع ودائعك يا الله"
    "اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة"



  8. #8
    شخبط شخبيط's صورة
    شخبط شخبيط غير متواجد صاحبة الحضور المتميز بمطبخ لك "مُبدعة صيف 1430هـ" زهرة العطاء في ركن المعجنات
    تاريخ التسجيل
    Jul 2007
    الموقع
    فى قلب بناتى
    الردود
    6,448
    الجنس
    امرأة
    يعنى نور الهدى معلش طمعانه فى كرمك ممكن ده كمااااااااااااااااان



    بسم الله ما شاء الله يجننننننننننننننننننننننن وشكله حلو واكيد طعمه احلى
    وكفايه انه من ايدددددددددددددددك

    "اللهم إني أستودعك جنيني الذي في رحمي، أنت الذي لا تضيع ودائعك يا الله"
    "اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة"



  9. #9
    سيلفر's صورة
    سيلفر غير متواجد النجم الفضي
    تاريخ التسجيل
    May 2007
    الموقع
    الاسكندريه. مصر
    الردود
    2,865
    الجنس
    أنثى

  10. #10
    فرح الفروحه's صورة
    فرح الفروحه غير متواجد النجم البرونزي
    تاريخ التسجيل
    Mar 2008
    الموقع
    بلادالحرمين
    الردود
    852
    الجنس
    أنثى
    بسم الله ما شاء الله يجننننننننننننننننننننننن انا اموووووت في الفطير المشلتت
    بس للاسف ماهو موجود دائمآ عندنا يجي فتره ثم ينقطع من الاسواق
    ونفسي اسويها بس ابغى اسألك
    هل تضعين الطبقه الاولى ثم تفردين ثانيه وتضعين الاولى في الوسط الثانيه وهكذا
    اررررجو التوضيح وارررجو الرد من اختي
    وشكرآآآآآ على هذه الوصفة الاكثر من رائعه

مواضيع مشابهه

  1. ** موضوع متميز ** الفطير المصرى المحشى زى بتاع الفطاطرى بالصور التفصيليه
    بواسطة noorelhoda في المعجنات والسندويشات والفطائر والخبز
    الردود: 197
    اخر موضوع: 10-09-2014, 01:54 PM
  2. **موضوع متميز**الشوريك المصري..اجمل و اهش و الذ مخبوزات..بالخطوات المصوره
    بواسطة الزينب في المعجنات والسندويشات والفطائر والخبز
    الردود: 169
    اخر موضوع: 16-04-2013, 07:08 PM
  3. **موضوع متميز**ô§ô ô¤*~الفطير والمرق بالخطوات المصوره ~*¤ôô§
    بواسطة * بريق الامل * في المعجنات والسندويشات والفطائر والخبز
    الردود: 25
    اخر موضوع: 07-06-2009, 09:22 AM
  4. **موضوع متميز**الفطير المشلتت اعاده بالصور
    بواسطة سائله الرحمن في المعجنات والسندويشات والفطائر والخبز
    الردود: 54
    اخر موضوع: 26-11-2008, 03:27 AM
  5. الفطير المشلتت المصري
    بواسطة sweety-lady في المعجنات والسندويشات والفطائر والخبز
    الردود: 10
    اخر موضوع: 11-02-2007, 08:51 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96