* متميز*منوعات ..تنفع سحور وأطباق جانبية على سفرة رمضان..من لبنـــــان!"الجزء الثاني"

السلام عليكم يا أغلى صبايا

ان شاء الله صيام مقبول وطاعات مقبولة .. أعاننا الله جميعا على الصيام والقيام وتقبل منا صالح الأعمال

متل ما وعدتكم .. في جزء ثاني ويلي بتحب تشوف الجزء الأولا تتفضل على هذا الرابط

*متميز*منوعات ..تنفع سحور وأطباق جانبية على سفرة رمضان..من لبنـــــان!"الجزء الأول"

نبدأ باسم الرحمن

البداية بمهرجان الكفتة

كفتة التونة

نحتاج لعلبة تونة من النوعية الممتازة (لحم أبيض)
بقدونس
ثوم مدقوق
ملح وفلفل أسود
بيضة مخفوقة

نخلط الجميع مع بعض واذا طلعت العجينة رخوة ضيفي البقسماط..
نمررها بفرّمة الكبّة

ونشكلهم بالشكل لي ترغبينه ونغمسها بالدقيق ثم البيض ثم البقسماط.. ونقليهم ..

ما شاء الله ولا قوة الا بالله

قدمتهم مع الجزر والزهرة السوتيه

اللحمة المدلّلة

هذا النوع من الكفتة منعمله لما يكون عندنا أرز بايت ..
تاخذي الرز واخلطيه بمقدار من اللحم المفروم وضيفي الملح والبهارات ومرريها بفرّامة الكبّة...

نشكلها أقراص مفلطحة ونقليها...

هذا شكلها ومعها كفتة التونة

وهذا بعد القلي

كفتة الدجاج (كوتليت)

نقلب بالزيت بصلة الى أن يصبح لونها ذهبي
نخلط الدجاج المفروم مع بيضة والبصلة وزيتاتها وفلفل أسود وملح وشوية بقسماط حتى تصير عجينة ممكن تمسكيها...

نشكلها كرات كبيرة ونغمسها بالبقسماط ونقليها بزيت عائم وليس عميق .. بس انا عشان يستوي الدجاج جيد بقليها على نار هادية وبعدين بغطيها شوي على النار..

وممكن تقليها بالزيت العميق!

شوربة العدس

لاااااااااااااااااا نستغنى عنها على سفرة رمضان لما فيها من غذاء وللذّتها

نقلب بزيت الزيتون البصلة المفرومة ثم نضيف كوب عدس احمر مع نصف كوب رز قصير
نضع الماء ونضيف بندورة مقشّرة وجزرة ونضيف ملعقة ونص صغيرة كمّون ناعم وشوية كركم

بعد ان تغلي وتستوي نضيف عصير الليمون والملح

اضربيها بالخلاط

ملاحظة: اذا اضفت الملح من البداية حتلاقي الغاز عندك مطروش بالشوربة.. لما تغلي بتبدأ تبقبق وتفرقع
جربي عدم اضافة الملح الا عند انتهاء الطبخة..

وقدميها بالهنا والشفا..

عندي بيحبوا يضيفوا على الوجه الخبز اللبناني المحمّر (متل خبز الفتّوش)

متبّل الباذنجان بالرمان والخضار

ما شاء الله ولا قوة الا بالله

نحتاج الى باذنجانة حجم كبير ونشويها اما بالفرن أو على الغاز من فوق ونقشّرها ونهرسها..

نضيف اليها فلفل حلو مقطع صغير وجوز مفروم الطحينة وعصير الليمون وثوم مدقوق ونضبط الملح ونخلطهم جيدا!

نزين بدبس الرمان والنعناع الطازج وحب الرمان الحامض وألف هنا وعافية

لبّ الكوسى

في طنجرة نضع زيت زيتون ونقلب بصلة مفرومة ثم نضيف لبّ الكوسى

بعد10 دقائق تقريبا نضيف الثوم المدقوق والنعناع الناشف ونتبّل بالملح وعصره ليمون..

تؤكل بالخبز مع المخللات ممممممممممممم...

الفطور الانكليزي English Breakfast

ما شاء الله

نأتي باللحم المقدد (ديك رومي أو بقري) Bakon
ونقلّبه بملعقة زيت بالمقلاية حتى تتحمّر..
نكسر بيض جنبه ونرش الفلفل والملح ونغطيهم الى درجة الاستواء يلي بتحبوها..
تقدم مع الفاصوليا المخبوزة بالطماطم (علبة جاهزة)

وألف صحة

ما شاء الله ولا قوة الا بالله

لا تنسوني انا وأهل بيتي من صالح دعائكم في هذا الشهر الفضيل

وكل عام وانتم بألف خير يا رب

كل عام وانت بخير
تسلمي عزيزتي لبنان اطباق شهيه
مشكوره
تقبل الله منك الطاعه واعانك على الصيام والقيام

تسلم الايادى يارب
أطباق شهيه جميله ومنوعه
بارك الله فيك وبأهل بيتك وتقبل صيامكم

ماشاءالله تسلم الايادي على الاطايب

الله يعطيكي العافيه ويبارك فيك وفي اهل بيتك يارب

ربنا يباركلك يا ام ادم ويحفظك وال بيتك
وكل عام وانت بخير وتسلمى يارب عالاكلات الروعه

ما في أروع من هيك
يسلملوا إيديكِ وعينيكِ
تبارك الله
ربنا يحميكِ انتي وأهل بيتك
ويوفقكم مع بعض

ماشاء الله
اطباقك بتجنن

ما شاء الله
اختى لبنانيه
بتعرفى طريقه المحمره
هى نوع ن المقبلات
مثل الطحينه تقريبا
لونها احمر
ولكن بيكون في طعم عيمن الجمل وتزين به
وتكون حاره
هل تعرفى طريقتها

ماشاء الله اطباق روعة
تسلم ايديك يا قمر
عجبتني كفتة التونة لآنها ناعمة

لب الكوسا باعمله هيك بس باضيفله عصير ليمون في الاخر كمان

كل عام و انت و احبابك بألف خير حبيبتي
و يسلمو ايديك يا رب