بسم الله الرحمن الرحيم
سأنثر بعض ابجدية هنا ..!!
حينما اختلجتني الذكرى .. خطها ذاك الالم الذي يقطنني ..
في رحيل احدى صديقاتي المقربات .. رحمها الله
لن أنثر قصتها كرواية هنا .. و انما سأكتفي بمجملها ..
فتاة لم تتجاوز الثامنة عشر من العمر .. بعد اسبوع واحد من فرحتها " زواجها " ..
رحلت إلى ربها .. لتترك لنا بقايا الحنين عند تلجلج الذكرى ..
اليكم ابجديتي :
ابحكي قصة أيام و ايام ..
سواليف و هرج \
من الماضي ..
قصتنا يوم كنا ثنتين ..
أسولف وانت تسمعين ..
و الا بهالدور انت تبدلين ..
اقوم الصبح بداخلي حكي ..اقوله لمين ..!
!من اشوفك ..والا انت تسبقين ..
بصوتك الحزين ..
احكي وش اللي صار بماضيك الدفين ..
ادري انك كنت تفهمين ..
تحسين ..
و تشاركين الألم لجل تهدين .
.ويوم الوداع القصير ..
اخنقتني العبرة ..وليتها ظلت بجفني وانت تودعين ..
كنّي حسيت أنه لقانا الأخير .
.كنّي دريت ان عقب هاللقا بترحلين ..
و كل يوم ..اسمع سواليفك وانت تهرجين ..
و كيف همك قبل لا تنزّفين ..
كنت أتمنى أمسك بيدك وانت تنزلين ..
لكن المكتوب اجبرنا ع الرحيل ..
و ليلة الزفة مشاعرك لي كنت توصفين ..
وثالث ايامك ي عروسة الجنة ..ترسلين ..
صورة من فرحتك و تسألين ..
” فديتك بذمتك وش رأيك ” « بالرسالة تقولين ..
م كفاني ردها ..صوتي لازم تسمعين ..
و عدت الثواني وانت تهرجين ..
و بعدها قلتي لازم اسكر الحين ..
و م دريت انه عقبها م بتكلمين ..
ويوم الألم يوم الحزن ..في آخر الليل ترسلين ..
توصفين لي أشواقك وانت تنطرين ..
و بعدها بزمن م هو طويل ..
ودعتيني وكان لقانا الأولي هو لقانا الأخير ..
و رحلتي ي نوال .. و خليتي بقلبي بقايا الحنين ..
صرت أناظر بالزوايا ..
كل زاوية تحكي قصة سالفة وضحكة وكل شي حزين ..
المرايا .. الزوايا .. وكل ركن بمدرستنا كنت تجلسين ..
و أفتح صندوق ذكرياتي ..
و بوسطها كانت أكثر حكاياتي ..
الألم والحزن ..التعب .. الفرح .. والشجن ..
سواليفنا وسط الحصص ..يوم كنت ارسل وانت تردين ....
آهي البقايا ..
رجعينا للذكريات القديمة ..
واسينا بأحلامنا لو ليلة ..
بشرينا بالفرح ..
باللقا ..
و صبرينا بشوفتهم ..
لو كنت ترحمين ..
كل الحروف بوسط جوفي اختصارها :
و دعتك الله ي اللي بهالقبر تسكنين
لا تنسوها من دعواتكم فهي بأمس الحاجة لها ..
جرح الزمن ..
الروابط المفضلة