اهلا وسهلا بضيفتنا الغاليه
نور ركن الاطباق بتواجدك اختى العزيزة
ستكون ضيفتنا الاخت صاحبة الـ@ـسك
اختى الغاليه عرفينا على نفسك
أنا بطوط أو بطة دايت أو مسوكة أو أم حسن دى أسماء الشهرة بتاعتى فى المنتدى الحبيب
عندى من الله 3 ودائع حسن - عبد الرحمن - جلال متزوجة والحمد لله بقالى 13 سنة ونصف
ما مدى علاقتك مع المطبخ ومن متى ؟؟
قبل ما أتغرب كانت علاقتنا سطحية جدا جدا ... يا دوب شوية رز على مكرونة ولو فيه فراخ أو لحمة بالفرن يبقى كتر خير الدنيا ... لأنى كنت معتمدة إعتماد كلى وجزئى على والدتى ربنا يعطيها الصحة ويطول لى ويبارك لنا فى عمرها
فى اى بلد انت مغتربه ؟؟
أمريكا
وما اشهر طبق فى البلد التى انت مغتربه فيها ؟؟
الماش بوتيتو والميت لوف ( بالعربى البطاطس المهروسة وقالب اللحم المفروم)
هل تفضلين المطبخ العربى ام الغربى ؟؟
أكيد العربى ولو إنى أحب التغيير لكن الأكل العربى هو اللى تربيت عليه
ما هى اكلتك المفضله من بلدك الحبيب ؟؟
يا خراشى كله كله أقول لك إيه واللا إيه محشى وكفتة رز ومكرونة بالبشاميل واللا صينية البطاطس بتاعة والدتى ما تقوليش لعدوك عليها واللا نخش على الحلو وما أدراكى ما الحلو ... البسبوسة والكنافة وأم على والقطايف و و و.... خليني ساكتة أحسن
هل تفضلى الأكلات التقليدية الخاصة ببلادك؟؟
أم تفضلى التنوع و تجربة وصفات جديدة؟؟
نعم أفضل أكلات والدتى وجدتى ... ولكنى أحب التجربة وبعد ما أجرب أرجع تانى أحلى بأكل والدتى وجدتى
الان ما هو الطبق الذى ستقدميه لنا ؟؟
كوكيز بحبيبات الشيكولاتة مشهور جدا هنا وأولادى بيموتوا فيه
http://www.lakii.com/vb/a-16/a-803665/
من اين تعلمتى هذا الطبق ؟؟
من ويب سايت إسمه all recipes
اسعدنا جدا تواجدك بيننا اختى الغاليه جزاك الله كل خير
وأسعدنى تواجدى معكن يا غاليات وألف شكر على إستضافتكم الغالية لى وأتمنى ألا أكون ضيفة ثقيلة على أركان التسمين الجميلة
الروابط المفضلة