..السلام عليكم يا غاليات ..أتمني يارب تكونوا بخير وكل عام وأنتم طيبين العيد خلاص علي الأبواب...
...أنهارده موضوعنا سهل وأن شاء الله ينفعنا في تقديمات العيد لأن السنه دي أعتقد محدش هيفكر فالكحك والبسكوت مع الحر اللطيف جدا اللي أحنا فيه...
..الحلي أنهارده سهل الأعداد والتحضير والأبتكار فيه باب مفتوح لأنك بتعمليه من حلي ..فالموضوع وصفاته حلي من حلي ...
..حلي من حلي هنستخدم الحلي اللي بنجيبها من الماركت زي الكيك الجاهز والبسكوت فأننا نقدم منها صنف شيك ولذيذ وأتمني يكون جديد...
المقادير كلها تقديريه وتقدري تغيري وتشكلي علي ذوقك نكهاات مختلفه وعلي حسب رغبات أفراد عيلتك وضيوفك..
بسم الله نبدأ...
**..حلي السويسرووول
المقادير:
-باكيت سويسرول جاهز
-علبه زبادي بنكهه الفراوله أذا تحبي
-جيلي فراوله
-كريمه
-بسكوت الجيلي وأستخدمته للتجميل النهائي
-قشطه وسكر
الطريقه:
-حضري الجيلي بالطريقه العاديه وصبيه في كأس لربع حجم الكاس
-سيبيه يجمد فالتلاجه ورصي فوقه شرائح السويسرول كما بالصوره
-بين الشرائح هتكوني محضره خليط من الكريمه والقشطه والزبادي والسكر تصبيه في منتصف الكاس
-جملي الوجه بالبسكوت ودخليه التلاجه
**..حلي البوريو
المقادير:
-بسكوت بوريو أو أوريو حسب المتوفر
-زبده طريه
-كريمه وكمبوت خوخ أو أناناس أو أي فاكهه
-للتزيين أستخدمت شبكه الكراميل
الطريقه:
-أطحني البسكوت وضيفي عليه الزبده بحيث يكون متماسك
-في القالب بطني بورق بلاستيك وأفردي البسكوت فيه
-أحشي الفاكهه والكريمه
-أقفلي ببسكوته سليمه ودخلي التلاجه
-
شبكه الكراميل"سيحي سكر علي نار هاديه وعلي بوله الشوربه أدهني زيت وبالمعلقه أعملي خطوط من الكراميل علي البوله بعد ما تنشف أنزعيها بهدوء وزيني بيها"
وده الشكل من جوه
الروابط المفضلة