بعد غياب اليوم حابة اذوقكن مافن كيك رهيب وطعمة كتير لذيذ.. لقيت عندي كتير بسكويت اوريو وولادي ما عم بياكلو .. ولقيت الوصفة هاي عندي وقلت بجربها وهيك الاولاد بياكلو .. والحمدلله طارت الكيكات ع بطونا ..
ملاحظة:
- انا كسرت الاوريو مع الكريمة ما شلتها ..
- الكمية المذكورة تعمل حوالي 24 كيكة ..
المقادير:
5 بيضات
1 وربع كوب سكر
1 كوب بسكويت اوريو مطحون خشن (حطي بكيس نايلون وبالشوبك كسري)
2 كوب طحين
نص كوب زيت ذرة او دوار الشمس
1 ملعقة كبيرة بيكنج باودر
نص ملعقة صغيرة بيكربونات الصوديوم
1 ملعقة صغيرة فانيلا سائل او بودرة
للتزين:
كريمة اي نوع (انا استعملت بيتي كروكر الجاهزة)
حبات اوريو ( استعملت الحجم الصغير)
الطريقة:
في خلاط الكيك نضع البيض والفانيلا- السكر - الزيت ثم نضيف باقي المقادير حتى يتجانس الخليط ثم نضع اوراق المافن في صينية المافن ونصب حوالي للنص او ثلاث ارباع من الخليط وتوضع في الفرن المسبق تسخينة لمدة ربع ساعة او حتى ينضج الكيك ..
يزين بالكريمة وحبات الاوريو بعد ما يبرد الكيك ..
وهذا الشكل ..
أتمنى أن تكون عجبتكن .. وأن تدعولي بتفريج الهم ..
الروابط المفضلة