بسم الله الرحمن الرحيم

______________

بسكويت النشادر

__________________
المقادير
_______

2\1-1 كيلو دقيق

2\1 كيلو سكر

8 بيضات كبار + فانيليا

2\1-1 كوب سمن

2 ملعقة كبيرة( ممتلئة) مسحوق نشادر

1 ملعقة صغيرة بيكنج بودر

هذه مقادير صغيرة غير اللي بالصور انا عملت 3 كيلو دقيق
--------------------------------
الطريقة
____________
نضع السمن والسكر والبيض مع بعض ونخفقهم ثم الفانيليا ونخفق الي أن يمتزج الخليط جيدا

نضع النشادر والبكنج بودر على جزء من الدقيق وليس كله لربما لا نستعمل كل الدقيق (قد يتبقى منه جزء بسيط جدا حسب نوع الدقيق )

نضع الدقيق حبه حبة على الخليط السابق ونقلب بملعقة خشبية وأول ما نجد الخليط ثقل نبدأ العجن باليد
ونستمر في وضع الدقيق

نعجن العجينة جيدا

نغطيها ونتركها 6 ساعات أو اكثر , هكذا تكون النتيجة أفضل بكثير

انا اعجنها في المساء وأخبزها في صباح اليوم التالي
لاحظوا في الصورة العجينة تاني يوم وكأنها اختمرت

نحضر أدوات تشكيل البسكويت
وهي مفرمة وقمع أو أدة مخصوصة لتشكيل البسكويت وأنا أستعمل القمع لأنه يعطي تشكيل أفضل

نفك الجزء الأمامي من المفرمة ونخرج منه السكين ووجه المفرمة والجزء الحلزوني

نعجن العجين مرة أخرى ونأخذ جزء منه نضعه في القمع المستعمل ثم نقفل المفرمة ونضع باقي العجين من فوق

ونبدأ العمل ونقطع البسكويت بالمقاس المرغوب فيه ونرص في الصواني المدهونة بالسمن

نترك مسافات بين كل بسكويتة وأخرى لأنه بيتمد عند الخبز
وممكن برم البسكويت ليعطي شكلا جميلا او تركه كما هو

يحتاج الي فرن حامي
نخبز صينية بصينية حتى لو الفرن يكفي لصنيتين

نضع الصينية بالرف الأول لمدة 5 دقايق تقريبا ثم نرفعها للرف العلوي 5 دقايق اخرى وكلما اشتدت حرارة الفرن يقل وقت الخبز
ويجب الإنتباه له جيدا لأنه سريع النضج

واذا كان الفرن برف واحد فقط مش مشكلة أو ممكن طلب رف آخر من الشركة المنتجة كما فعلت أنا

بعد خروجه من الفرن قد يكون طري ولكن بعد قليل بينشف

خفيف وهش جدا

نتركه يبرد ثم نضعه في علبة صفيح جيدة الغلق
و نستعمل نفس الصينية لرص باقي البسكويت بعد دهنها بقليل جدا من السمن

هذه المقادير ( 2\1-1 كيلو دقيق ) تملأ صفيحة كبيرة مثل التي بالصورة

و تأخذ 4 ساعات تقريبا في الخبز

ملحوظة
___________
هذا البسكويت يحتاج خبرة
لأنه أحيانا يحتاج لبعض الماء أو الحليب وأحيانا لا يحتاج
وقد يحتاج أيضا لزيادة نصف كوب دقيق مثلا
وقد تكون النشادر قديمة عند العطار فنزيد ملعقة على المقادير الأساسية
بالنسبة للمفرمة فمنها مقاسات ولذلك عند شراء أدة التقطيع لها يجب معرفة مقاسها

تسلم الايادى حبيبتى
لى عوده

أهلا شخبوطة منورة
وشكرا على ردك السريع

حبيبتى روزااااااااااااا
اولا كل عام وانتى بالف خير
شكل البسكوووت رائع وانا سمعت فيه كلام كتير من كارمن
وروينا وشهيره عن طعمه ومدى هشاشته بس واضح انهم
مش بيعرفو يوصفو صح فعلا راااااااائع جداااااااااا شكلا ومضمونااااا
ان شاء الله اجربه فى نصف المقدار بكره باذن الله بس اجيب نشادر
بس شوال ازاى اعرف ان النشادر قديمه ولا جديده
وممكن استبدل السمن بالذبده الصفراء
وانا اخذت الطبق ده تصبيره لحد ما اتعلم اعمله

كارمن وروينا مش بيعرفوا يوصفوا صح ازاى يعني وصفوه احلى من كدة ولا اوحش

على كل حال انا عاملة حسابك في علبة بسكويت من ده ولو خلصناه قبل ما اروح القاهرة أيقى اعمل غيره ولا يهمك
بالنسبة للنشادر أنا مش باعرفها غير لما باستعملها

لكن اللي قدرت اعرفه ان الجديدة بتكون مش مرطبه
وكمان تشتريها من مكان يكون عليه سحب كتير مثلا من درب البرابرة

وانا دايما باشتري كمية اكتر من اللي محتاجاها علشان لو لقيت البسكويت ما نفش أضع معلقة كمان يعني باشتري ربع واقول له يحط لي كل 8\1 لوحده لأني باستعمل 8\1 كيلو نشادر على ال3 كيلو دقيق

بس الحمد لله دلوقت عرفت عطار حاجته طازة دايما

نسيت أقول كمان في الوصفة ان في جزء من العجينة بيفضل في المفرمة

ده بنفرده في الصينية ونقطعه اى شكل ونخرمة بالشوكة وندخله الفرن
بس انا نسيته في الفرن واتحرق مني وعلشان كدة ما صورتش صورته بعد الخبز
وبالنسبة للزبدة , ممكن تستعمليها بس الأفضل تسيحيها الأول من غير ما تحرقيها , وتسبيها تبرد وتجمد

تسسسلميلى حبيتى كلك ذووقك واكنى اكلت منها يا قمر
وان شاء الله مره على مره احاول يكون زى بتاعك
وفكرت العجينه اللى بتبقى فى الماكينه حلو
انا بعملها برضه اشكال بالقطاعات

كارمن وروينا مش بيعرفوا يوصفوا صح ازاى يعني وصفوه احلى من كدة ولا اوحش

لا حبيبتى معرفوش يدوله حقه من حلاوته هما قعدو يغيظو فيى ويقولو بسكوت تحفه راائع يجننن
ويكلمونى هما بيكلو منه ويقولو الله يجننننننننننننننننننن
بس بصراحه شكله يخبل واحلى من الجهاز بكتير

كل عام وانتى بالف خير
ما شاء الله تبارك الرحمن
شو هاد
روزا انا عيني طلعت عالبسكويت
ممممم الشكل راائع و جميل
يا مين يجيبلي اخر صحن و لا اقلك ابعثيلي العلبة
جوعتيني و شهيتيني يسلموووا يامبدعة

شخبط شخابيط
انا لو كنت عارفة الدور اللي فات اني حاقابلك كنت جبت لك علبة انت كمان
على كل حال المرة الجاية اجيبلك انت وهم لأ وتغيظيهم برضه

كتبت بواسطة **ام البنات **

كل عام وانتى بالف خير
ما شاء الله تبارك الرحمن
شو هاد
روزا انا عيني طلعت عالبسكويت
ممممم الشكل راائع و جميل
يا مين يجيبلي اخر صحن و لا اقلك ابعثيلي العلبة
جوعتيني و شهيتيني يسلموووا يامبدعة

أهلا بأم البنات
انا ام البنين ايه رأيك نجوزهم لبعض علشان تضمني علبة بسكويت كل شهر
وأنا أخد معجناتك
انا ما عنديش مانع ابعت لكل المنتدى منه
البسكويت ده مشهور عندنا بمصر بس في ناس بيعملوه بمقادير مختلفة عن مقاديري
ومش بيكون هش زى ده

ما شاء الله روووعة
تسلم الايادي يا روزا
وكل سنة وأنتي طيبة يا رب