اولا ازيكم يا حبايب قلبى وحشتونى جدا مش بدخل كتير الحمل تقل و طلبات الانسه ايمان زادت زى شقاوتها باظبط
(عندها سنه و سبع شهور ) و ربنا يعيننا عليهم و على سى السيد الحمد لله
ثانيا عملت كيكه بسيطه قوى و دى باعتمدها فى اوقات الزنقات مابتخدش و قت و لا مجهود و لا زواق و جوزى
بيحبها قوى مع شاى العصارى
المقادير 3 بيضات متوسطى الحجم طلعيهم بره التلاجه قبلها بشويه --- كيس فانيليا ---كوب لبن (حليب سائل)---
2 ونص م\ك سمن ---كوب سكر---2 ونص كوب دقيق منخول ---كيس بكنج بودر
***لو حبيتى تعمليها كيكه برتقال شيلى الفانيليا و حطى بداله م\ك بشر برتقال و شيلى كوب الحليب و حطى بداله
كوب عصير برتقال و بتطلع خرافه
الطريقه نضع السمن مع السكر و ببالمضرب يدوب 3 دقايق يندمجوا و ممكن بالمضرب اليدوى و ممكن بايدك
بايدك بعدين تحطى البيض و الفانيليا و تضربى لثوانى بس ينخلطوا و بعدين نحط الحليب و نخلط كويس و نحط
الدقيق و البكنج بودر و نخلط و فى صنيه مدهونه و مرشوشه دقيق نحطالخليط و لو تكون الصنيه المفتوحه من
النص هاتكون حلوه انا عملتها المقدار ده فى 2 قالب الطويل بتاع التوست و واحده عملتها قسمت العجين 2 واحده
عملتها بالفواكه المجففه الكريز الملون و التانيه اخدت م\ك و حطيت عليها معلقه نسكافيه مدوب فى نقطه ميه
سخنه و خلط المعلقه معاه و حطيت المقدار و من فوق معلقه العجين بالنسكافيه و خلطه من فوق بس و دخلتهم فرن
حار فى الرف اللى فى النص 180 درجه لغايه ما استوت و بعدين تبرد تماما و نقطعها و بالهنا و ياريت تعجبكم
خلينا مع الصوره
الروابط المفضلة