بسم الله الرحمن الرحيم
حبيت شارككم بخلاطي المتميز يلي اشتريتو من أربع سنين من محل بالصدفة كان عليه تخفيض وانا كنت انتقلت جديد على بيتي وبحاجة لهيك خلاط مشان اطحن اكل بنتي الصغيرة
وهي صورتو نزلتا من النت
من يوم اشتريتو لهلق بتقدرو تقولو إني بستعملو كتير احيانا بشكل يومي يعتبر إيدي اليمين بخلط عليها حمص شوربا عصير سموثي كوكتيل
الأومليت بطحن توابل وبن بفرم بصل وتوم وخليط التشيتني والصوص حتى الكيك يلي بينعمل بالخلاط بعملو عليها
ميزاتو أنو حجمو صغير فطول الوقت جنبي على المجلى بالمطبخ معاه قريب العشر قطع وشفرتين
جك كبير للعصير والكوكتيل وما شابه
طحانة توابل وبن
واربع كاسات بلاستيك مع الرينغ تبعها لحتى تخلطي العصير او الكوكتيل او السموثي بنفس الكاسة يلي بتشربيها
بتقدري تحطي القطع بالمايكرويف لتسخين المحتوى وهي معاها غطا من فوق للمايكرويف
العيب يلي فيها قطعة العصارة ما الها لازمة لانها ما بتعصر منيح
شفت اعلان متلها على الجي ام ال بس غير شركة
ارجو انو تكون التي عجبتكم
ودمتم بود
رد مع الاستدلال
الروابط المفضلة