زوجك معاه حق هم كفره بس ما بيجوا بحدي يعني في قانون لو بايدهم كان زمان قتلونا بس في ناس مالهم في شئ ولا بعرفوا شو دينها ولا شو في بالحصل بالبلاد

اولا الله بيخلي لك زوجك وابنك دولا هم رفقتك باستراليا وحياتك كلها لهم
ثانياً انا بشوف ماشاء الله الحيويه فيكي والطاقه
وهذا شي طبيعي لوحدة بعد العمليات والحمل والبيبي بتحسي نفسك ماعملتي شي وانقطعتي عن نشاطات والخيرة فيما اختاره الله حبيبتي لازم تحبي وضعك اكتر واكتر
كيف راح اجاوبك
اولاً من جوه حبي وضع انه انتي مع زوجك باستراليا وراح تستفيدي من الغربه لان في السفر سبع فوائد
ثانيا جيبي للبيت سير للمشي

ثالثا اعملي هوايه بتحبيها جيبي الوان مثلاً وجربي ترسمي ع الصحون ع الكوبايات اعملي زراعه بالبيت لو تحبي الكروشيه اعمليه لو تحبي لغه جديده تعلمي نحن أمة اقرأ حاولي تخصصي وقت تقري البنات كمان ما قصروا بالافكار ممكن تحولي قطع بالبيت لقطع تانيه يعني لتدبير وتنظيم مثلا انا عملت كراتين الاحذيه اكرمك الله للملابس الداخليه
لو تقديري تنظمي لجمعيات خيريه او جمعيات أيتام مثلا تساعديهم بتغليف هدايا او تصميم كروت من النت وتراسليهم في مصر بالنت
واتمنى حياه حيويه لك

اهلا بيكى انا بيلا
اولا حبيبتى احسبى عندك وقت اد ايه كل يوم يعنى مثلااليوم 24 ساعة احسبى وقت النوم والوقت

المخصص لابنك والاوقت اللى بترتبى البيت والاكل والحاجات دى

طبعا غير اوقات الصلوات المتوزعة على اليوم كله

الوقت الباقى هتقسميه على عدة اجزاء علشان تستفيدى منه كويس ودى احد مميزات الغربة انك

بتستفيدى من وقتك وتتحكمى فيه كويس

اول فترة من اليوم اللى هيا اول ماتصحى من النوم وبعد الفطار ويكون ابنك نايم الوقت ده احلى حاجة

تعمليها هو حفظ القرآن

اعملى لنفسكك ورد للقرآة وورد للحفظ هتلاقى على النت برامج لحفظ القرآن ومراجعته بس المهم

تلتزمى بيه واعملى لنفسك مكافآت وعقوبات اذا لم تلتزمى بالبرنامج

حطى فى دماغك هدف فى الاول زى مثلا حفظ سورتى البقرة وآل عمران او مراجعتهم باتقان اذا كنتى

حافظاهم وحددى لنفسك وقت محدد مثلا شهر او شهرين على حسب وقتك وهمتك وافتح النت دورى

على فضل القرآن وحفظه علشان تتحمسى اكتر

واذا ماكانش عندك فكرة عن التجويد هتلاقى على النت برده

ممكن تقضى ساعتين فى اليوم فى برنامج الحفظ يوميا باذن الله الوقت ده هيبارك فى اليوم كله وفى

عمرك كله كمان وهتلاقى بركة فى زوجك وابنك

اهل القرآن هم أهل الله وخاصته

تانى حاجة تعميليها خصصى وقت للعب مع ابنك كل يوم

ماشاء الله ابنك 6 شهور يعنى ممكن تشاركيه الالعاب وتعمليله تمارين لتقوية عضلاته الصغيرة

والقصص المناسبة لسنه زى ما امانى قالت والافضل يكون الوقت ده مع والده كمان يعنى انتو التلاتة

مع بعض , كل يوم لازم لازم تعمل ولو نص ساعة ليكو مع بعض ووقت تانى انتى وابنك بما انك عندك وقت كبير

الاطفال فى الغربة مش بيشوفو ناس كتير ومش بيخرجو كتير وبالتالى لازم تعوضيهم علشان البيئة

حواليهم تبقى غنية شوية توسع مداركهم اقضى معاه وقت اكتر والعبى معاه وكلميه كتير
وكللل الانشطة اللى ممكن تخطر على بالك

اقرأى كتير عن التربية وكل مايتعلق بالطفل فى المرحلة دى زى التغذية والرضاعة الطبيعية


تالت حاجة مهمة من رأيى هيا اللغة لاااااازم تتعلمى اللغة علشان تقدرى تعيشى وتتفاعلى وتستفيدى من غير لغة هتفضلى فى البيت مش هتتحركى
استراليا بلد متقدم حاولى تستفيدى من وجودك فيه ومن الامكانيات اللى مش موجودة فى بلدك بما لايضر دينك طبعا
كونى قدوة حسنة للاسلام باخلاقك العالية وزيك الاسلامى

عندك انشطة كتير زى ما الاخوات قالو ماشاء الله حاجات كتير حسب ميولك

ممكن تعملى معادلة لشهادتك فى الوقت اللى ابنك لسه صغير وعلى مايكبر شوية تكونى جاهزة لشغل مناسب

و تذكرى الآية ( وماخلقت الجن والأنس إلا ليعبدون) والآية ( ومن أعرض عن ذكرى فإن له معيشة ضنكا)

ربنا يوفقك

شكرا كتييييييييييير mayaaaaالغالية حقيقة الsupport اللى انتو عملتهولى مع amani 1جميل جدااااااا تقريبا الرجالة كلهم نفس التفكير سبحان الله ايوة عندى early childhood care centre & reading &playing times for babies ودول مع السوبر ماركت هى المشاوير اللى باروح فيها لوحدى ( طبعا حصل كده بعد وقت) لكن موضوع المسجد او ال islamic centre ده شبه مستحيل لان للاسف مناطق تجمع المسلمين هنا بتبقى اماكن فوضى - للاسف- وفيها جرائم وحوادث كتير (غالبا اماكن افقر من الباقى) حتى فى هنا Egyptian Islamic society بيلتقو فى المناسبات الاسلاميه او كل فترة (شهر مثلا) لكن مش مسموح لى طبعا اروح لوحدى
انا متشكرة جدا لاهتمامكن ده احسن حاجه والله وكويس الواحد يحس ان فى غيره زيه كده

الاخوات الغاليات parsise و ام مريم وهاجر انا بصراحه حبيت ردودكم جداااااااا
1000 شكر وبخاصة ام مريم وهاجر انتى حطيتى ايديكى على نقطة مهمة جدااااااااااااااا
الحقيقة الواحد مقصر جدااا وشبه توقفت عن الحفظ بتاعى _ الله يهدينا جميعا - فعلا فكرة كويسة اوى بصراحه القرآن والصلاة اكبر انيس للانسان
مش هانسى نفسى فى رمضان وضيقى وقهرى اما رمضان كله يمر بدون صوت اذان واحد اسمعه الا فى الراديو
وفعلا لازم انشطنفسى من الناحيه الدينيةو دى لانه للاسف البلاد دى مش زى بلادنا لو الواحد ما شجعش نفسه وجاهدها كويس جدااااااا هيضيع لانه مفيش اى حاجة ولا حد يشجعه او يذكره او يعظه
لا اله الا الله سبحانك انى كنت من الظالمين

ﻫﻠﺎ ﺣﺒﻴﺒﺘﻲ,ﺍﻧﺘﻲ ﻣﻠﻴﺘﻲ ﺍﻟﻘﻌﺪﻩ ﺑﺎﻟﺒﻴﺖ و ﺍﻧﺎ ﻧﻔﺴﻲ ﺍﻗﻀﻲ ﻳﻮﻡ ﻛﺎﻣﻞ ﺑﺪﻭﻥ ﺧﺮﻭﺝ ﺧﺨﺦ ﻣﻊ ﺍﻧﻪ ﻫﺎﻟﺸﻲ ﻣﺴﺘﺤﻴﻞ ﺑﺎﻟﻨﺴﺒﻪ ﻟﻲ ﻟﺎﻧﻲ ﻧﻔﺴﻲ ﻣﺎ ﺑﺘﺤﻤﻞ ﺍﻟﺎ ﺍﻃﻠﻊ ﺍﻥ ﺷﺎﺀ ﺍﻟﻠﻪ ﺧﻤﺲ ﺩﻗﺎﺋﻖ ﻟﻔﻪ ﺑﺎﻟﺴﻴﺎﺭﻩ.

ﻣﺎ ﺷﺎﺀ ﺍﻟﻠﻪ ﺍﻟﺒﻨﺎﺕ ﻣﺎ ﻗﺼﺮﻭﺍ ﻣﻌﺎﻛﻲ, ﺑﺲ ﺣﺒﻴﺖ ﺍﺿﻴﻒ ﻧﻘﻂﻪ ﻣﻬﻤﻪ ﺍﻟﻠﻲ ﻫﻲ ﻃﻔﻠﻚ ﺍﻟﻠﻲ ﻋﻤﺮﻩ ﺳﻨﻪ ﻫﻠﺎ ﻣﺜﻞ ﺍﻟﺎﺳﻔﻨﺠﻪ, ﺷﻮﻓﻲ ﺍﻧﺎ ﺍﻭﻟﺎﺩﻱ ﻣﻦ ﻳﺒﻠﺸﻮﺍ ﻳﺘﺠﺎﻭﺑﻮﺍ ﻣﻌﻲ ﻳﻌﻨﻲ ﺑﺎﻟﻨﻆﺮﺍﺕ و ﺍﻟﺤﺮﻛﺎﺕ و ﺍﻟﺎﺑﺘﺴﺎﻣﻪ ﻣﺎ ﺑﻮﻗﻒ ﻣﻌﺎﻫﻢ, ﻛﻞ ﺍﻟﻮﻗﺖ ﺍﻟﻠﻲ ﺑﻴﻜﻮﻥ ﻓﺮﻱ ﻋﻨﺪﻱ ﺑﻜﺮﺳﻪ ﻟﻴﻬﻢ ﺑﺒﻠﺶ ﻣﻌﺎﻫﻢ ﺗﻌﻠﻴﻢ ﺑﻜﻞ ﺷﻲ ﺣﺘﻰ ﻟﻐﻪ ﺍﻟﺎﺷﺎﺭﻩ ﻛﻢ ﺣﺮﻛﻪ ﺑﺘﻠﺎﻗﻲ ﺍﺳﻢ ﺍﻟﻠﻪ ﺍﺳﻢ ﺍﻟﻠﻪ ﻋﻠﻴﻬﻢ ﺍﻭﻟﺎﺩﻱ ﻗﺒﻞ ﺳﻦ ﺍﻟﺴﻨﺘﻴﻦ ﺟﺎﻫﺰﻳﻦ ﻳﺪﺧﻠﻮﺍ ﻛﻴﻨﺪﺭﺟﺎﺭﺩﻥ ﺑﺪﻭﻥ ﻣﺒﺎﻟﻐﻪ. ﻓﻨﺼﻴﺤﻪ ﻟﻴﻜﻲ ﻣﺎ ﺗﺮﻛﻨﻲ ﻋﻠﻰ ﺍﻟﻮﻗﺖ ﺍﻟﻠﻲ ﺑﻴﻘﻀﻴﻪ ﺍﺑﻨﻚ ﻓﻲ ﺍﻟﺪﻱ ﻛﻴﺮ و ﺑﻴﺘﻌﻠﻢ ﻓﻴﻪ ﺷﻮ ﻧﺺ ﺳﺎﻋﻪ ﺳﺎﻋﻪ ﺑﺲ?? ﻟﺎ ﺣﺎﻭﻟﻲ ﺍﻋﻂﻴﻪ ﻭﻗﺘﻚ ﺍﻟﻔﺮﺍﻍ ﻛﻠﻪ و ﻋﻠﻤﻴﻪ ﺑﻨﻔﺴﻚ. ﺣﻂﻴﺘﻲ ﺻﺤﻦ ﻛﺮﺍﻛﺮﺯ ﻗﻮﻟﻲ ﻫﺎﻟﺼﺤﻦ ﺷﻜﻠﻪ ﺩﺍﺋﺮﻩ و ﻟﻮﻧﻪ ﺍﺯﺭﻕ و ﺍﻟﻜﺮﺍﻛﺮﺯ ﺷﻜﻠﻬﺎ ﻣﺮﺑﻊ و ﻟﻮﻧﻪ ﺑﻨﻲ و ﻫﺎﻟﺸﻮﺭﺑﻪ ﺍﻟﻠﻲ ﺭﺍﺡ ﺗﺸﺮﺑﻬﺎ ﺷﻮ ﻧﻮﻋﻬﺎ ﺳﺎﺋﻠﻪ و ﺍﻟﺮﺯﺍﺕ ﻧﺸﺎ ﺻﻠﺐ و ﻳﻠﺎ ﻧﻔﺘﺢ ﺍﻟﺘﻲ ﻓﻲ ﺍﻟﻤﺮﺑﻊ و ﻧﻘﻌﺪ ﻋﻠﻰ ﺍﻟﻜﻨﺒﻪ ﺍﻟﺒﻴﻀﺎ ﻣﺜﻠﺎ و ﻧﺸﺮﺏ ﺍﻟﻌﺼﻴﺮ ﺍﻟﺴﺎﺋﻞ ﺍﻟﺎﻭﺭﺍﻧﺠﻲ و ﻧﺴﺤﺒﻪ ﺑﺎﻟﻨﺼﺎﺻﻪ ﺍﻟﺎﺳﻂﻮﺍﻧﻴﻪ و ﻛﺒﺮﻱ ﺑﺎﻟﺸﻐﻠﻪ ﺍﻭﻩ ﻭﺍﻭ ﺷﺎﻳﻒ ﻫﺎﻟﻨﺼﺎﺻﻪ ﻭﺍﻭ ﻋﺎﺭﻑ ﺍﻧﻬﺎ ﺍﺳﻂﻮﺍﻧﻪ. ﺻﺪﻗﻴﻨﻲ ﻣﺎ ﺭﺍﺡ ﺗﻨﺪﻣﻲ ﺑﺘﺮﺑﻲ ﺍﺑﻨﻚ ﻳﻜﻮﻥ ﻓﻂﻦ و ﺑﺘﻠﺎﻗﻴﻪ ﻳﺪﻭﺭ ﺑﻨﻔﺴﻪ ﻋﻠﻰ ﻫﺎﻟﺎﺷﻴﺎﺀ ﺷﻜﻠﻲ ﺑﻌﺪ ﻟﺎ ﺍﻭﻟﺪ ﺑﻔﺘﺢ ﻣﻮﺿﻮﻉ ﺷﻮ ﺑﻌﻤﻞ ﻣﻊ ﺍﻭﻟﺎﺩﻱ ﺧﻂﻮﻩ ﺧﻂﻮﻩ ﺍﻥ ﻓﻀﻴﺖ ﺍﻥ ﺷﺎﺀ ﺍﻟﻠﻪ =ﻳﺎﻩ ﻳﺎ ﻣﺎ ﺍﻛﺜﺮ ﺍﻓﻜﺎﺭﻱ و ﻣﺎ ﺍﻗﻞ ﺗﻨﻔﻴﺬﻱ ﺧﺨﺦ==
و ﺑﺮﺿﻪ ﺷﻮﻓﻲ ﺟﺎﺭﺍﺗﻚ ﺍﺫﺍ ﻓﻲ ﻭﺣﺪﻩ ﺣﺴﻴﺘﻴﻬﺎ ﺍﻭﻛﻲ و ﻣﻤﻜﻦ ﺗﺼﺎﺩﻗﻴﻬﺎ ﺍﻋﻤﻠﻲ ﻛﻮﻛﻴﺰ و ﺭﻭﺣﻲ ﺯﻭﺭﻳﻬﺎ ﺗﻌﺎﺭﻑ و ﻫﻴﻚ ﺷﻲ.
ﺍﻟﻠﻪ ﻳﻌﻴﻨﻚ و ﻳﻆﻮﻱ ﻏﺮﺑﺘﻚ ﻋﻠﻰ ﺧﻴﺮ.

ياااااااااه فكرتيني بنفسى يا بيللا أول ما جيت هنا كنت شايلة طاجن ستى على طول ومكشرة فى وش زوجى مركبة له الوش الخشب خخخخخخ
وهاات يا عياط وخلاص هاموت من القهر والوحدة و و وكان عندى طفلين ٤ و سنة ونص تقريبا ولتهم فى مصر وجينا هنا أمريكا وأنا بقى اللى كنت عاملة زى جوزك .. خايفة من الناس الكفرة ولا الــ ....... الأنجاس عبدة المش عارف إيه و و و وطلعوا ناس والله طيبين أغلبهم يعني أكيد طبعا فيهم وحشين ويتمنوا لنا اننا نغور من وشهم لكن فعلا الناس هنا أغلبهم طيوبين وبيضحكوا فى وشنا ... طيب تعرفى بعد اللى حصل فى السفارة فى مصر وليبيا الناس لما بتسألنى فى السوبر ماركت إنتى منين بأقول مصر وأنا حاسة إنهم هيضربونى بحاجة علشان طبعا اللى حصل والسفير بتاعهم وكده بألاقيهم ولا هم هنا !!! المهم أنا طبعا ما أعرفش الوضع بأستراليا لكن كل مكان فيه وفيه .. فيه الوحش وفيه الحلو وإحنا إن شاء الله بأخلاقنا وحسن معاملتنا للناس نخليهم يحترمونا ويعاملونا كويس ويعرفوا إننا مش كده والمسلمين ناس نضاف وبيحبوا الخير ومش إرهابيين

توهتك أنا فى مسائل جانبية أنصحك وبشدددددددددة بالمنتدى ده ... والله من أنضف وأحسن المنتديات على الإنترنت وبتلاقى فيه أحسن صحبة وبنات من كل إتجاه ومن كل مكان فى العالم وكله بيساعد حتى لو إختلفنا فى وجهات النظر فعلا ناس كويسين جدا ..<<< مين يشهد للعروسة

بجد طيب تعرفى أنا سجلت بالمنتدى هنا أول ما إتغربت لأنى كنت عايزة أعرف أعمل العيش البلدى هامووووووت عليه - ولسه مش عارفة أعمله زى الأفران بتاعة مصر - بس الناس ساعدونى جدا ومن هنا بدأت أنتشر وأتوغل فى المنتدى وكان بيآخد وقتى كله وأجرب الطبخ والعجن والخبز وأنا ما كنتش أصلا بأعرف أطبخ يا دووووب كام حاجة حفظتهم وبس .. وكنت بأشتغل فى مصر ورامية العيال فى الحضانات وخلاص لكن هنا فعلا إعتمدت على نفسى ٢٠٠٪ وبدأت أسمع دروس التجويد على الإنترنت ودخلت فى حلقات هنا بالروضة لحفظ القرآن الكريم وبدأت أشارك فى المسابقات فعلا فعلا المنتدى هنا بيآخد العقل والوقت والحمد لله كله مفيد
إعملى بس كده هتلاقى جوزك بدأ يغير من المنتدى خخخخخخ ويقول لك هو اللابتوب ده لزق فى رجليكي واللا إيه هههههههههههههههه
ويقول لك ما تتحركى واللا تنزلى تعملى شوبينج أو تخرجى تفسحى الواد فى الجنينة .... طب بس جربى وإدعى لى

ربنا يحفظك إنتى وإبنك وزوجك ويكرمكم وما تغيبيش علينا تانى تعالى هنا وفضفضى وسطنا وإحنا أهلك وأصحابك وأخواتك وأمهاتك كمان
حبى لك وتقديري مواااااه كبيرة ليكي وللنونو إسمه إيه بقى؟

شكرا Tuta على اهتمامك

هههههههههههههههههههههه
والله ضحكتينى ياصاحبة المسك الله يخليلك جوزك واولادك النونو بتاعى اسمه كوكو وصوره فى البوم عندى على الموقع هنا
طبعا حطيتها عادى لانى عضوة قديمة فى المنتدى ده وعارفة انه فعلا من احسن وانضف المنتديات
احب الفت نظرك لنقطة مهمة اصل واضح ان فى ناس كتير فهمتنى غلط فيها
فعلا الناس حلوين ولذاذ ومش بتوع مشاكل خااااااااالص بالعكس انا كنت اقصد كفرة بمعنى تانى
الحقيقة قى سلوكاياتهم الشخصية اللى احنا مش متعودين عليها زى اللبس ( او بقايا اللبس) وسلوكاياتهم مع بعض فى الاماكن العامة وكده ده مرة الشركة بتاعت جوزى كانت عاملة زى حفلة عائليه كده ومع انى محجبة كان فى ناس زمايله هيسلمو عليا بطريقتهم (طبعا الرجل مش بيبوس الرجل لا بيبوس الستات وبس) بس ربنا ستر الحمد لله
الحقيقة جوزى مش بيحب حتى انى اشوف مناظر زى دى خاصة ياجماعة انتو عارفين استراليا مش برد زى اوروبا والحر هنا مخلى الناس مصييييييييييييييييفة على الاخر