السلام عليكم ورحمة الله وبركاته
هاد الموضوع باذن الله رح يكون مرجعنا لكل مستحضرات الشعر من سشوار مرطبات شامبوهات كريمات وصبغات اللي بتجرب صبغه لون معين رقم معين نوعيه معينه تحكيلنا النتائج والتقييم
اول شي رح ارجع احطلكم سشواري الدديد (الجديد)اللي هريته اله شهرين عندي
بيجنن وبيفش القلب متل سشوار الصالونات الفرشاي تبعته معدنيه عشان تساعد بفرج الشعر وما بتتسبب بشحنات بالشعر يعني الشعر ما بيطلع يفرقع من الشحنات اللي فيه وبلبس قفاز صوف وانا اشتغل بشعري بايدي اليسار لانه الفرشاي بتسخن وبتحرق متل المكوى
استعملت زيت جديد الي اسبوع ورائع جدن
شعر بناتي ملمسه ناعم لكن فزي فيه شعر صغير بيضل يتعقد من قدام ومن عند الرقبه التمشيط بيصير عذاب والنتيجه العامه يادوب خمس دقايق وبيرجع بينكش الشعر من قدام ومن كل مكان
بس شعرهم كيرلي نوعا الصعيره لسه ما سحب شعرها بس الكبيره امبلى الكيلر خف كثير بس لسه بيتعقد من قدام وصعب تمشيطه
لحد ما لقيت هالزيت
هل بالاول كنت احطلهم زيوت طبيعيه مسحه ايش يصير شوي ويغرق شعرهم كاني ما غسلته واضح انه عليه زيت
الكريمات كذب اول ما تمشطي بالكريم ماشاء الله الشعر اوكيه شوي والا هو نافش وثاني يوم من غير ما ارجع اغرقه كريم مارح يمشي المشط
بس لما جربت هالزيت ابدن الشعر بيجنن كله مسرح مع بعضه واللي من قدام صار ناعم متل الريش بيجنن ونايم ومش مزيت الشعر بيتشرب الزيت بالراحه وثاني برجع بحط مع التمشيط وبرضه بيتشربه الشعر
هل انا لشعري لأ شعري ناعم بحط شوي صغيره بعد ما ينشف شعري لان مرات ما بحتاج ومرات لا امبلى الاطراف بتكون ناشفه فبحط شي خفيف لان طبيعة شعري بتغرق بنقطة زيت
Proclaim Natural 7 Argan Oil
اشتريته من سالي بيوتي ب6 دلر
الكميه منيحه
هل هاد الزيت هو مجموعة الزيوت السبعه + زيت الاركان المغربي الغني عن التعريف ريحته بتجنن وزياده بيستعمل للجسم بيطري الجلد وجربته على وجهي بالليل الصبح كان صراحه بيجنن بالعاده بيصبح وجهي ناشف وكان فيه حبه ولما بحطلها علاج بتتقشر فمع الزيت صبحت القشور رايحه والحبه طافيه انا كنت معالجيتها بس كانت لسه بتتقشر مو رايحه بالمره
ممتاز للاظافر عشان لما تبردوهم وتشيلوا اللحم المست بيرطريهم
الموضوع الكم كلكم تشاركوا فيه بانتظار تنوروني
الروابط المفضلة