مرحبا مغترباتنا الفاضلات
نظرا لاهمية المواضيع وكثرة الردود فيها
حبينا نفتح كل موضوع على حدة كي لا تقل أهميته بالنسبة للمواضيع الأخرى
وكل من تذكرت معلومة تضيفها في موضوعها الأصلي على حسب العناوين
نيجي لموضوع العوده للوطن
اول شي بنات الي هون عشر سنوات زادن اونقصن زهقت وانا اعد بنزل دايمن للاردن نزلت وسافرت كثثثثثثير كانت توصل اروح مرتين بالسنه وبس اوصل اعطيني اسبوع زمن والا انا ندمانه شو جابني كنت قعدت كمان شهرين زمان ههههههه هاد وانا الي اربع خمس اشهر بالاردن شوفيه بالاردن مابتعرفوا بس انا بعرف بكون مبسوطه فايته طالعه واهلي ساكنين بمنطقه حلوه اكتيف والي صاحبات كثير وبحب جمعة اهلي مين مابحب.؟
احنا هون صح عايشين عيشه صراحه كريمه ومريحه لدرجة الملل بس تقريبا متل اللي متفرزين بثلاجه الجانب الاجتماعي يكاد يختفي بتلاقيني هون ما بحتاج البس ولا اطلع من البيت بطلع بس عشان الصغار حرام والا انا مليت الطلعه زمان بحس بس بدي اضل نايمه بمعنى فروزن صار عادي اليوم والاسبوع ينقضي وانا ماحكيت مع حدى يعني لولا المنتدى انا مع مين بحكي انا مفرزه لما بنزل عالاردن بحس الوقت واقف من اخر نزله
المهم كل هاد وماكنت مفكره بالنزله بالمره لشغله ان زوجي مو مفكر فيها ولا على باله لا الاردن ولا كل الدول العربيه المهم لما كبروا الاولاد هلأ صرت بنقطه حرجه لازم اقرر انا وين بدي اعيش العشر سنوات الجايه او قررت اضل هون خلص ما رح اقدر اغير رايي لسبب الاولاد صعب يدخلوا مدارس البلاد رح يتاخروا بالعربي لو بيقرئوا ولو شو ماكان مستواهم بالعربي مارح ينجحوا متلهم متل اللي درس من زمان بالمدارس العربيه الا اذا بدي ادخلهم مدارس امريكيه بالاردن وهاد انا شايليته من راسي مارح اسكن عمان
طيب فكرت كثير كل ما اتاخرت رح يتغلبوا اولادي بتقبل بلدنا يمكن ما يتقبلوها ويصيروا اولادي امريكان اميتى بدنا نرجع لما يكبروا ويتخرجوا مارح يتقبلوا الرجعه ابدن درست الموضوع مع زوجي واشترطت يشتريلي شقه ووافق على ان الوضع المادي عايف حاله بس فكرت بالبنوك الاسلاميه ودفعه اولى والباقي اقساط زي خلق الله قلنا بتتدبر طيب حكيت للبنات طاروا من الفرحه وبلشنا ايمتا وايمتا ؟ وانا نفسي كثير تشجعت بدي اذوب الثلج اللي انا عايشه فيه واتقفنا النزله تكون تدريجيه يعني بجرب انا بالاول وبعدين لو اشترينا البيت منفكر كيف ننسحب نهائي لو لقيت انه الحياه صعبه ايش خسرانه انا بيت وكسبته والرجعه سهله الانجليزي سهل ممكن باي وقت اولادي يلحقوا الطلاب هون يعني شايفه انه خسايري اقل من لو اتاخر كمان سنتين ثلاثه
اخواني بسن زواج وبيخطبوا وبيتزوجوا ومابحضر ونفسيتي كانت تعبانه لما تزوج اخوي وماقدرت احضر فلازم انزل ماما بتكبر وانا ما بشوفها ايمتى بدي اشوفها؟ الحياه الاجتماعيه عاملين متل المقطوعين من شجره انا واولادي بينما الي اهل واهل زوجي مناح فحابه اولادي يعيشوا حياه بدون ديسابيليتي انا بحس البعد عن الاهل للاطفال ديسابيليتي وبس سلامتكم هاي افكاري عن الاردن والنزله
الروابط المفضلة