السلام عليكم ورحمة الله وبركاته
الدرس الثانى لتعليم الويندوز اكس بى وطبقا للفهرس اللى بلتزم انا به اذن هنتعلم الاتى:
1- اعدادات البيوس BIOS لتسطيب الويندوز
2- تسطيب الويندوز خطوه بخطوه بالصور
3- تقسيم الهارد وهذا للهاردات الجديده فقط لكن لو بنسطب ويندوز جديد لان النسخه السابقه اصيبت بفيرس او تعطلت عن العمل فلن نحتاج الى تقسيم الهارد لانه مقسم فعلا.
نبدأ على بركه الله تعالى
اول شئ لابد ان يكون معاكم اسطوانه تسطيب الويندوز شرط تكون Bootable يعنى ايه بوتابل
يعنى ذاتيه الاقلاع اول ماندخلها تشتغل مباشره دون الحاجه الى الدخول الى النظام لاننا بنسطب نسخه جديده واذا كانت النسخه القديمه مش شغاله اذن ازاى هندخل ونسطب من الاسطوانه
اذن اتفقنا ان اول شئ لازم نتاكد منه ان يكون لدينا اسطوانه ويندوز اكس بى ذاتيه الاقلاع
ندخل الاسطوانه لمشغل الاسطوانات CD-ROM كما بالشكل فى بدايه تشغيل الجهاز
عند وضعك للاسطوانه فى السى دى لتنصيب الويندوز اذا لم يظهر لك الجمله Press Any Key To Boot From CD
فمعنى ذلك انك لابد ان تظبط الاقلاع للكمبيوتر ليصبح الاقلاع يبدا من السى دى
فيجب عليكم ان تجعلو الاقلاع للسى دى اولا بدلا من الهارد بمعنى ان الكمبيوتر يقرا السى دى اولا بدلا من ان يقرا الهارد
وهذه ستجدها فى اعدادات البيوس BIOS اول عنصر ساقوم بشرحه فى هذا الدرس ولكن تحتلف شكل اعدادات البيوس من ماذر بورد Motherboard لأخرى باختلاف النوع لذلك ساضع شرح للوحه بنتيوم فور Pantium 4 وان لم تكن مثل لوحتك فاسالو اى شخص يقوم بعمل ذلك لك
ملحوظه هامه جدا: بعد ادخال الاسطوانه اذا ظهرت لكم الجمله دى
Press Any Key To Boot From CD
يبقى ليس هناك داعى للدخول الى اعدادات البيوس لان هذا معناه اننا هنبدأ فى تستطيب الويندوز مباشره فليس هناك اهميه لضبط الاعدادات لانها مضبوطه من الاول .
تعالو نشوف ازاى نعدل اعدادات البيوس BIOS علشان الجهاز يبدأ من السى دى وليس الهارد فى حاله عدم ظهور الجمله السابقه (Press Any Key To Boot From CD) اتبعوا الخطوات التاليه:
ملاحظه هامه جدا: اعدادت البيوس احنا بنعملها مره واحده بس والجهاز بيحفظها بعد كدا ومش هنحتاج نعملها تانى فالجهاز سيقوم بالاقلاع تلقائيا من القرص الصلب (الهارد ديسك) اي من الويندوز عندما لايجد سي دي الويندوز في مشغل السي دي لذلك متتعقدوش من اعدادات البيوس افهموها كويس واقرأوها اكثر من مره حتى تثبت
هنا المشكلة الوحيدة في هذه العملية هو نوع اللوحه الام
لان نوع البيوس يعتمد على نوع اللوحة الام بمعنى ان لوحات المازر بورد تختلف لذلك سيكون الشرح على اللوحه التى موجوده عندى
و هناك عدة انواع من هذه اللوحات لكني سأشرح اعتمادا على التي عندي و هي الاكثر انتشارا الآن و هي
Pentium 4
للدخول الى البيوس نقوم بتشغيل الجهاز و في نفس الثانية و نفس اللحظة و بشكل سريع نقوم بالضغط المتتابع و المتكرر على زر
Delete زى الصوره السابقه ماوضحت وزى مااتفقنا هذا الزرار فوق الاسهم التى فى الكيبورد
واثناء ظهورها لابد من الضغط على هذا الزرار والا اذا تغيرت مش هنقدر ندخل للاعدادات
عندها سيتم الدخول على البيوس و اذا لم يتم الدخول نقوم باعاده تشغيل الجهاز والضغط مره اخرى
هتظهر لنا الشاشة الرئيسية للبيوس كما هو واضح بالصورة
اسفل الصورد هتلاقوا ارشادات استخدام الشاشه لاننا مش هنستخدم الماوس هنستخدم الكيبورد فقط وكما هو موضح بيقولنا اذا كنا عايزين نخرج من الشاشه نضغط ESC واذا كنا عايزين نخرج ونحفظ التغيرات نضغط F10 وللتنقل بين الخيارات اللى فوق نضغط الاسهم للاعلى والاسفل ولاختيار العنصر نضغط انتر Enter
نختار منها
Advanced BIOS Feature
ونضغط انتر
فتظهر لكم الشاشة التالية حيث عليك أن تحدد تتالي الاقلاع البدئي
Boot Sequence
First Boot Device أو
واحنا عايزينه من السي دي روم أولاً
وذلك باستخدام مفاتيح الاسهم اعلى واسفل لاختيار العنصر
وعلشان نحدد نوع الاقلاع نستخدم مفاتيح page up او page down وموقعهم فوق الاسهم او باستخدام مفاتيح الجمع والطرح + او - وكل الارشادات دى مكتوبه فى اخر الشاشه من تحت
المهم ننزل بالسهم لحد جمله First Boot Device والصوره بتوضح ان اول اقلاع بيكون من الفلوبى ديسك Floppy Disk لذلك هنضغط + او - للتنقل بين الاختيارات علشان نختار السى دى روم وكما هو موضح بالصوره ان ثانى اقلاع بيكون من الهارد ديسك ودا مش هنغيره هنتركه كماهو
ثم نضغط F10 لحفظ الاعدادات هيطلع مستطيل احمر لتاكيد الحفظ نضغط حرف Y من الكيبورد
ملاحظه هامه : اذا حدثت تعديلات على البيوس او حد لعب بصوره خاطئه فى الاعدادات يمكن استرجاع البيانات السابقة بالضغط على تحميل الأفضل حسب الصورة التالية
خلاص كدا احنا خلصنا ضبط اعدادات البيوس اتمنى يكون الشرح بسيط وواضح علشان ندخل فى المرحله التانيه وهى تسطيب الويندوز نفسه
خلاص بعد الانتهاء من ضبط اعدادات البيوس نعيد تشغيل الجهاز بعد وضع السى دى الخاصه بالويندوز وهنلاقى ان الجمله اللى احنا عايزينها ظهرت
Press Any Key To Boot From CD
نضغط على اى زرار فى الكيبورد علشان نبدأ التسطيب من الاسطوانه
ملحوظه هامه: احنا بنضغط اى زرار فى اول مره تظهر الجمله دى بس اما اثناء التسطيب للويندوز واعاد تشغيل الجهاز هتظهر الجمله دى لكن لا تضغطوا على اى شئ اتركوا الجهاز حتى يكمل التسطيب لانكم ااذا ضغطتوا على اى زرار هيعيد التسطيب من الاول
اذن اتفقنا احنا بنضغط فى اول مره لظهور الجمله بس
عند بدايه تسطيب الويندوز هتظهر هذه الشاشات تابعوا الصور لان الشرح الاتى هيعتمد على الصور اكثر من الكتابه
وصلنا الان الى نقطه تقسيم الهارد فى حاله كونه هارد جديد لم يسبق استخدامه
تابعوا لمعرفه الطريقه
وبكدا نكون خلصنا عمليه تقسيم الهارد الجديد
وهنكمل عمليه التسطيب عادى جدا
اما فى حاله ان الهارد مقسم اصلا فهنبدأ من هذه المرحله وهى نفس المرحله التى انتهى عندها التقسيم السابق
يعنى فى كلا الحالات سواء كان مقسم او غير مسم فهم مشتركون فى الشرح التالى دون اى اختلاف
بعد ذلك ستظهر شاشة لتحديد الخيارات الاقليمية والمنطقة الزمنية واعدادت اللغة
هنا هنيجى لملاحظه مهمه :
عند تثبيت الويندوز اذا كانت النسخه الموجوده لديك اصليه سيطلب منك كتابة السريال الموجود مع النسخه اما اذا كانت غير اصليه فسيتم تنصيبها دون ان يسالك عن السريال
اذا كانت اصليه ستخرج هذه الشاشه
خلاص تم بحمد الله وبكدا نكون انتهينا من تسطيب الويندوز وتعلم كل شئ عنه بالتفصيل الممل
اتمنى يكون شرحى خفيف عليكم وتكونوا استوعبتم الدرس كويس
واى استفسارات امامكم ثلاثه ايام حتى نزول الدرس القادم
جاء موعد الاسئله والمره دى هى اسئله نظريه
علشان اتاكد انكم قرأتو الدرس كويس واستوعبتوه وياريت بلاش تسرع
اتعبوا شويه الدرس دا علشان احضره واصلت من الليل لحد تانى يوم
يبقى انتوا كمان اعملوا اللى عليكم والاجابه لازم تكون من تعبيركم انتم مش نسخ للى كتبته فوق وتحطوه فى الاجابه اللى هيعمل كدا هينقص فى الدرجات
الاسئله
س1 ماهى الخطوات اللازم اتباعها فى الحالات التاليه:
1- فى حاله ظهور هذه الجمله Press Any Key To Boot From CD
2- فى حاله عدم ظهور الجمله السابقه (الخطوات بالتفصيل ولكن كتابيه فقط)
س2 متى نتبع خطوات تقسيم الهارد؟
س3 لماذا نقوم بعمل فورمات للهارد؟
س4 ماهو سبب هذا الخطأ:
عند عمليه نسخ الملفات من السى دى الى الهارد حدث ان ظهرت رساله تقول انه لا يستطيع نسخ احد الملفات من الاسطوانه .
س5 ماهى المواصفات الواجب توفرها فى اسطوانه تسطيب نسخه ويندوز اكس بى؟
نظرا لكثرة الصور فى الدرس ربما تاخذ وقتا فى الظهور لذلك انا رفعت الدرس لكم حتى تستيعوا تحميله على اجهزتكم بكل سهوله وتستطيعوا مراجعته فى اى وقت حتى لو لم يوجد انترنت وهذا ساطبقه على باقى دروس الدوره باذن الله تعالى
لتحميل الدرس الثانى اضغطوا
سبحان الله
كلمه السر لفك الضغط هى
emk
بانتظار اجاباتكم الاول وبعدها استفساراتكم فى اى شئ
اتمنى تستوعبوا الدرس كويس
الروابط المفضلة