منزل انيق نضيف وشيك

**أم تسنيم 2009** · 09-05-2009, 01:16 AM

لولو الف سلامه على يوسف وربنا يعافيه خدى بالك منه وهيبقى زى الفل بامر لله
ويت ان شاء الله تجربيها وتعجبك
وعلى فكره فكرة برنسس بردو حلوه بس ابقى خلى بالك لو الذهب الى فى النجفه جه عليه المياه مره مع مره هيطوص ويغير لونه خلى بالك علشان اعرف وحده حصل معاها كده

**muslema4ever** · 09-05-2009, 08:10 PM

الرحمة 1

انا آسفة اني اتأخرت عليكي في التصميم

بصي كده وان شاء الله يكون هو ده التصميم الصح يا قمر

**muslema4ever** · 09-05-2009, 08:13 PM

انا شفتكم بتتكلموا عن النجف وافترض انه معناه الثريات

هناك طريقة في تنضيفه من غيره فكه وهو باستخدام فرشاة اسنان قديمة تبلل بالماء الدافئ والصابون

انصح بهذه الطريقة فقط في حالة كون الثريا متدرجة في بعض الاماكن حيث يمكن للفرضاة الدخول الى الاماكن الصعبة

لكن اذا كانت الثريا مسطحة ومساحاتها شاسعة بموضوع الفرشاة يكون متعبا جدا رغم انه فعال

**muslema4ever** · 09-05-2009, 08:14 PM

لولو الف سلامة على ابنك

ربنا يشفيه ويعافيه يارب

طمنينا عليه قالك ايه الدكتور؟

**wbaby** · 09-05-2009, 08:33 PM

لولو الف سلامه على يوسف وانشاء الله خير
ربنا يتم شفاه على خير

**برنسس لك1** · 09-05-2009, 08:41 PM

ام تسنيم وبابى ولولو وملوك ومسلمه
مساكم معطر وكريستال منور

**wbaby** · 09-05-2009, 10:12 PM

اهلا يابرنسيسه ازيك مساء الفل

**doaa sarhan** · 10-05-2009, 01:31 AM

السلام عليكم ورحمة الله وبركاته ازيكم جميعا يا بنات ياريت تقبلونى معاكم والنبى احسن انا بموت فى النضافه وترويق البيت وتنضيفه وياريت اقدر افيدكم فى اى حاجه وطبعا انا اكيد مستفيدة معاكم ومنكم

**lolo habeby** · 10-05-2009, 04:55 AM

السلام عليكم يا قمرات
الحمد لله يوسف احسن بس بنكمل الدواء
بس ملك من امبارح الحمد لله تعبانة جداااااا ومفيش حاجة بتعد فى بطنها الحمد لله الدكتور اداها حقنة والحمد لله اتحسنت
اهلا بيكى يا دعاء بينا وتنورى يلة قوليلنا خبرتك فى النظافة
باركوالى يا بنات خلصت النيش اخيرا بعد صراع دام شهر تفكير انى انظفة بس نفذت الحمد لله وخلصت فاضل بس تنظيف باقى البيت ان شاء الله ربنا يعينى يا رب
متشكرة جدا يابنات لكل اللى افتكرو ودعوا لسوفى حبيبى ان ربنا يشفيه

**noana** · 10-05-2009, 09:10 AM

السلام عليكم ازيكم يا بنات ايه اخباركم الف سلامه على يوسف و ملك و كل اطفال الدنيا كلها
و الله موضوع تنظيف النجف ده مشكله عندى لانى انا دايما الى بدبس فيه لما بيكون عندى حد بيساعدنى بيخافوا منه و من الكهربا و علشان كده مش هاتصدقوا انا عملت ايه
كان النجف عندى مليان كريستال فى مرة و انا بنظفه شلتوه كله و ركبت حاجات بسيطه فى كل ذراع بقى الموضوع اسهل بكتير جدا و بقى شكله جديد يعنى تغير لان بصراحه كانت الواحدة فيهم بتهد حيلى من الشعلقه على السلم رفعه ذراعى
على فكرة يا لولو انتى حاته مفارش فى النيش كله و ياترى تقترحى تكون شكلها ايه يعنى بكنار فقط ولا تكون كلها مشغوله لانى عايزة اغير الى عندى

**whietangel** · 10-05-2009, 01:13 PM

برنسس ام تسنيم وبيبى لولو مساكم سكر وعسل ان شاء الله ممكن يا جماعه نتكلم على تنظيف المطبخ كله الثلاجه والبوتاجاز والمطبخ من الداخل والافران يعنى كل حاجه

**أم تسنيم 2009** · 10-05-2009, 01:16 PM

وايت منوره

**أم تسنيم 2009** · 10-05-2009, 01:22 PM

لولو حمد على سلامه يوسف وسلامه ملوكه القمر ومتخفيش من الوقوع اصل انا ياما توتا وقعت بس كنت بجرى على الدكتور كان يقولى متقلقيش ان ربنا بيخلق جسمهم مرن بس بردوا لا قدر الله ان وقع وبعدها رجع او اغم عليه لزم تجرى على الدكتور دول بس الى خطر وربنا يعافى اولادنا

**whietangel** · 10-05-2009, 03:37 PM

ام تسنم انت الى منوره يا قمر

**lolo habeby** · 10-05-2009, 08:56 PM

شكرا يا ام تسنيم ربنا يكرمك يا قمر الحمد لله على اى حال
انجيل ازيك يا قمر
انا لسة مخلصة النهادرة
من اول امبارح مسكت دولاب المطبخ والادراج رتبتهم وفضيت التوابل فى علبها ورصصت المكرونات والارز وكدة
ورتبت ادراج البصل والبطاطس ونظفتها الاول
ووضبت النيش غسلت الصينى والزجاج بماية ومسحوق
وشطفتهم بماية وخل لان الخل بيلمع الزجاج كويس اوى
بس ولمعت النيش والزجاج بتاعة
نونة بصى يا قمر انا عن نفسى بحب بس قنار صغنن اوى مشغول انا عندى بيج والقنار طرفة بس على ذهبى وبنزل طرف صغنن فى النص بس مش بحب المفارش كتير بحس انها كركبة
لو اقدر اصور كنت صورتهوالك بعد ما عملتة بس عندى مشكلة فى التصوير اليومين دول
اى خدمة انا ان شاء الله موجودة

منزل انيق نضيف وشيك

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

حول هذه المجموعة

المالك

الأعضاء (103)

تصنيفات المجموعات الاجتماعية

Latest Group Topics