بنات هل كل اكياس المكانس بتتغسل ولا فى انواع لا؟

علي فكره يا لولو كده حرام..عشان أنا متغديه أنهارده رنجه ومفيش طبيخ وأنتي تيجي عاملالنا حشي وكمان بتنجان وكوسه ..لأ وكملتيها كمان بالجمبري أعمل أنا أيه بس يا نااااااس أعمل محشيييييي..ههههههه


علي فكره الحتت دي غيظاني أنا كمان هي كانت معووجه شويه في الصوره يعني هي أظبط من كده بس برضه حتي لو معدوله بتبقي مش تمام زي ا أنا عاوزه..الكسوه عملتها عند ترزي بياضات والقماش شا نيليا بس طبعا الشانيليا درجات أنا جبت يومها المتر ب14 تقريبا وهو عموما علي بعضه أتكلف 550 ج قماش وخياطه وكده..أنا مرضتش أستخدم قما البياضات العادي لأنه عند حماتي وبعد شويه بيدووووب..

بصي ده رابط للتحميل أههhttp://??????????/

الفكره بقي أن المكان اللي يغيظ ده يتداري أن الخياطه تبقي متقنه ورايقه..تعرفي أنا فكرت أعمله أنا بس بيني وبينك أنا كسوله وقلت هطول فيه فريحت دماغي وعملته عند الراجل وخلاص

بيبي..متحرمش منك يا قمر ..بس والله أتصدمت يعني حتي النبيتي مش نافع..بصي أنا بعد المقلب االلي وقعت نفسي فيه أحسن حاجه الأنتريهات المشجره برسومات هاديه والألوان تكون علي بنيات أو كحلي بحسها أكتر حاجه بتستحمل فعلا..لأ وأنا كل ما جوزي يجيب عينات قماش للشغل عيني تزوغ عليهم وأقوله عاوزه من ده..هههههههه

وخلاص طالما أنتو قلتولي شكله كويس يبقي هسيبه ..ممكن أبقي أحط صوره فيها الأنتريه من غير كسوه عشان لما الضيوف ييجو يبقو يشوفو شكله من غير ما أشيلها ..صح كده ..ههههههههه

http://??????????/

الرابط تاني يا لولو لأن الأولاني مش شغال..وقوليلي الرواني ده أيه ..معلش يعني الجهل وحش..أنا حساه حاجه معموله بالسميد

تعرفي يا لولو أنا شفت مره تقريبا هنا في المنتدي أم عزيزان هي تقريبا علطول فركن الكروشيه بس مشتركه برضه فمنتديات تانيه..شفتها عامله كسوه رائعه فعلا شغلها متقن وبالمسطره.. بس أنا داخله من جهاز جوزي كنت وريتهالك..

بصى يا ستيل
حاجة تانية ممكن نستعملها بدل ما تترمى انا لما بشترى جزمة او سابوة بطلب من البائع العلبة
واخد العلبة واحطها فى ادراج الشربات والغيارات علشان اعمل فى كل علبة حاجة علشان يتفصلوا بعيد عن بعض الانواع والاحجام
او كمان بحطها فى درج التوك بتاعى وكمان فى دولاب ملك بينفعوانى اوى علبة للتوك علبة للشربات وهكذا
وكمان فى مكتب ملك عاملة علب للاقلام وعلبة للالوان وكدة فهمتينى فكرة جميلة عندى علب جزم بالهبل مريحانى اوى لما اعوز ادور على حاجة
وبستعملهم للمكياج كمان

بيبي علي فكره فعلا عندك حق أستني لما أبنك يكبر وغيريه ..طب أنا بتاعي داسه القطر وأنا لسه معنديش عيال أصلا..
بس اللي عجبني أن تمنه فيه حقيقي يعني يدوب أمرر عليه فوطه مبلوله ميه سخنه ورشه مسحوق أتوماتيك بيبقي زي الفل أنا بقي برضه من خيبتي أول ما أتجوزت غسلت المفارش اللي علي المخادع في الغساله ..راح طبعا طبعا لون الفرنشه راااح

بس بعت عملت زيها فالمحله اللي عاملي الستاير قريبنا وظبطنا فيها الحقيقه..والخداديات كان باظ منهم أتنين بعتنا بعدها كود القماش وجبنا قماش تاني للخداديات من المصنع..فيعيني تلاقيه أصلا شليف الغلب معانا الأنتريه ده..أنا ناويه أن شاء الله قدام شويه أبقي أغيره وأجيب حاجه كلاسيك كده لطيفه بفرانتونات بدل أقتراحي المنيل قال أيه أعمله أمريكان فكلاسيك..لما يعيني قرفت جوزي أيامها

شكرا على الرابط يا قمر
بصى هبعتلك الرابط بتعها الروانى اوك
ههههههههههه
ضحكتينى على الصورة

ماشي يا جميل علي فكره أنا كتبت رد طويل عريض وموصلش ربنا يسامحه بقي..بصي بصي بصه كده فمجموعه الخرز وقوليلي رأيك..
أنا شويه كده وهمشي علشان نازله لحماتي أصلها هتحشي كرنب يلا ربنا مخلاش فنفسي حاجه أهه..

250 جرام دقيق ابيض
• علبة زبادى كبيرة الحجم
• 100 جرام سكر
• فانيليا
• خميرة
اخلطى مقدار الدقيق بالزبادى ويعجن جيدا باطراف الاصابع ثم يضاف البيض بعد خفقه واضافة الفانيليا والخميرة والسكر.
اعجنيهم جيدا بحيث تصبح العجينة لينة .ويمكنك اضافة مقدار صغير من الدقيق فى حالة سيولة العجينة او مقدار من الزبادى فى حالة تماسك العجينة.
اخلطى العجينة بالفواكه الجافة وضعيها فى صينية فرن مدهونة بالزبده .ثم يسوى الوجه ويضاف القليل من الزبده على وجه الصينية وتوضع فى فرن ساخن لمدة 5 دقائق ثم تهدئى نار الفرن حتى نضوج الكيكة.

يلة يا سيتى اى خدمة
ههههههههههه
ماشى هبص وارد عليكى

ايه ده في خيانه بتحصل هنا
مقادير ايه دي

بالنسبه للقماش انا حماتي جابتلي عينه قماش المتر ب110 جنيه فلقيت الحسبه مكلفه اجلتها شويه
لكن اذا كده هشوف القماش ده
لاني مخنوقه من الانتريه ونفسي اغير في حاجه

مقادير كيكة الزبادى
يا وبى

مممممممممم
تسلم ايديك ياقمر باين عليك بريمو فالمطبخ

لوللا يا قمر متحرمش من ذوقك...بس يا تري طعمها بيبقي أيه الكيك اللي بالخحميره مختلف عن العاديه ولا في فرق فالطعم؟؟علي فكره انا نزلت لفيت المحشي وجيت ومن حظي البمب بقي لقينا فالفريزر بتنجان وحشيت وهيصت...لولولولي

بيبي....حتي لو مش علي التكلفه بس في قماش معقول وكويس جداااا...تعرفي أنا قماش الأنتريه كان ب130ج وأديه طلع أوت....
تعرفي جوزي مشطب طقم لواحد صاحبه وجميل جدااااااااااااا والمتر كان ب30 ج بس...لما جيت أقوله بدل الكسوه كملي علي الفلوس وهات قماش للتنجيد زي بتاع أحمد صحبك صوووت فوشي وقاللي عاوزه تشيلي أبو 130وتجيبي ب30 حرام عليكي طيب لما يقدم شويه...ههههههههه

وبعدين لو أنتي من القاهره أنا أسمع من صحابي القاهره فيها أقمشه كويسه بأسعار ممتازه لأن أحنا هنا أسعارنا شويه غاليه الحقيقه