الطبخ فن ونفس وتوفير كمان

**noorelhoda** · 11-03-2009, 01:21 PM

السلام علييييكم ورحمه الله وبركاته
اهلا بيكى اخت بسمه
ان شاء الله تجدى معنا الصحبه المترمه والفائده المرجوه
ام خالد اهلا انتى اللى منوره يا قمر

**ghada00** · 11-03-2009, 02:08 PM

السلام عليكم يا بنات

بما انكم دخلتم فى المخللات و ام نور قالت على مخلل الخيار الف شكر يا ام نور على فكرة نفس طريقتى بس ساعات بقطع عليه شوية كرفس صغننين بيديله طعم و رحة خطيرة

حاشارك معاكو بطريقتى البسيطة اوى في المون المخلل و ده انا باحبه اوى اكتر من الطريقة التانية اللى هى التمليح العادى

باجيب اللمون الكبير الاصفر و اغسله و اسلقه في ميه لحد ما يطرى شوية و بعدين انقعه في ميه و اغير عليه الميه كل شوية علشان المرارة بتاتع تروح و تانى يوم احط عليه ميه مملحة و اقفل عليه كويس ابوع بالكتييييييييييير و بيبقى تحفففففففففة

انا بحبه اوى بالطريقة البسيطة دى اكتر من اللى بالملح و العصفر مع انها برده بتبقى تحفة و مستنية حد من الاستاذة الكبار هنا يقولها لنا

**--ايمي--** · 11-03-2009, 06:54 PM

ازيك ياام نور ام خالد الحمد لله انا بخير وسلامى لك الموجدات فى مجموعتنا الجميلة انا هاقول طريقة جميلة قوى لليمون المعصفر السريع ودى طريقة حلوة قوى تاكلية بعد ثلاث اسابيع تجيبي الليمون وتغسلية وتسلقية بس نص سلقة وبعدين تبردية وتشقية من النص هو عشان مسلوق مش هينفع يتشق اربع وتجيبي الخلطة وهى عصفر حبة البركة وشطة حمراء متقطعة لا اما بالكبة او بمخرطة الملوخية وتحطى 3 معالق كركم وكمان ثلاث معالق ملح وتحشي الليمون في الشق اللي انتى شقتية وبعدين ترصي الليمون فى برطمان وتجيبي محلول ملحى اللي هو لوحطيتي كوب ملح تحطى 9 اكواب مياة وهكذا او لو معلقة ملح يبقى 9 معالق مياة ماشى وتغطى الليمون بالماء وبعدين تحطى علية شرايح ليمون اخضر وكمان تحطى على الوش طبقة زيت عشان تحفظة وتقفلية كويس قوى باحكام لان الهوا هو عدو اي مخلل انا الأول بغطى البرطمان بالبلاستيك الشفاف كويس جدا وبعدين احط غطا البرطمان ان شاء الله تجربوة ويعجبكم وصدقونى هو بيبقا احلى من الليمون المعصفر التانى اللى هو مش بيتسلق عشان مش بيقشعر الجسم لما بيجي تحت الاسنان ههههههه

**lolo habeby** · 11-03-2009, 07:00 PM

ام نور شكرا على طريقة الخيار
ايمى طريقتك جميلة اوى هجربها باذن الله
غادة طريقتك بسيطة ومامتى بتعمل كدة

**--ايمي--** · 11-03-2009, 07:14 PM

هقولكم طريقة الزيتون المحشي وهى زيتون تفاحى يكون حجمة كبيروتغسلية وتسبية تحت سرسوب مياة لمدة طويلة تتغير علية المياة عشان المرارة تروح ولو عندك عندك الألة اللي بتخلى بيها البزرة بتاعت الزيتون هى عندى مش عارفة هى عندكم ولا لأ المهم لو مش عندكم فدغية يعنى ازاي دقية دقة بسيط بايد الهون بتاع التوم علي كل زتونة دقة تفتحية شوية وبعدين تجيبي الخلطة وهو توم وكرفس وجزر مبشور وفلفل احمر متخرط ومعلقة كركم صغيرة وتحشي كل زتونة وبعدين تجيبي شرايح ليمون وشرايح جزر وترصي في البرطمان طبقة زتون وطبقة شرايح ليمون وجزر وهكذا لحد ما الكمية تنتهى وبعدين تحطى كوب عصير ليمون وربع كوب خل او اقل وتتغطى علية تعملى محلول ملحي وتكملى البرطمان ولا زم تسيبي مسافة لطبقة الزيت وتحطى طبقة الزيت لحد ماتغطية وتحطى بلاستيك شفاف تغطى البرطمان كويس وبعدين تغطى الغطاء وتسبية لمدة 25 يوم وبيبقى جميل جدا

**--ايمي--** · 11-03-2009, 07:19 PM

تكملة للي معندهيش الآلة اللي بتخلى البزرة تحط الخلطة اللي هى الكرفس والتوم والجزر والكركم والفلفل طبقات من بين كل طبقة زيتون طبقة خلطة وهكذا شكرا افتكروا محدش دعالى من امبارح ادعولى ربنا يرزقنى زرية صالحه دعوة المسلم لاخوة المسلم بظهر الغيب مستجابه

**بسمة الأقصى** · 11-03-2009, 10:04 PM

اللهم آمين ربنا يرزقك الذرية الصالحة ويقر أعيننا بأولادنا ويجعلهم من حفظة كتابه الكريم والعاملين بأحكامه المتدبرين لمعانيه
الحقيقة
طرق المخللات رائعةوسهلة وان شاء الله اجربها وحابدأبالليمون جزاكم الله خيرا

**lolo habeby** · 11-03-2009, 11:27 PM

مخلل الكرنب
المقادير:
نصف رأس كرنب
3 ملاعق طعام ملح
3 فص ثوم
1/2 كأس صغير خل أسود
8 حبات فلفل أخضر
1 كأس ماء
2 حبة بنجر أو ملعقة صبغة حمراء

يقطع الكرنب قطعاً صغيرة ثم يغسل ويصفى ويسلق بالماء لمدة 10دقائق ثم يصفى من ماء السلق
يوضع في البرطمان ويوضع عليه الملح والخل والفلفل الأخضر والثوم وقطع البنجر أو ملعقة الصبقة ثم يقلب جيدا ويضاف الماء.
اغلقي البرطمان واتركيه لمدة ثلاثة أيام،، ثم استخدمي الطرشي

**lolo habeby** · 11-03-2009, 11:30 PM

مخخلل الجزر
2 كيلو جزر
8 كؤوس ماء
1/2 كأس ملح
8 قرون فلفل حار
6 فصوص ثوم
ملعقة طعام حبة سودة
ملعقة طعام زيت زيتون
1/4 كوب خل
ملعقة صغيرة سكر
يقشر الجزر ويقطع أصابع رفيعة ويغسل ويصفى
يسخن الماي ويبرد ثم يضاف في برطمان زجاجي ويضاف له الملح والخل وقرون الفلفل ثم يضاف الجزر وترش الحبة السوداء ويضاف قليل من زيت الزيتون على وجه الطرشي حتى لا يفسد ويترك لمدة 4 أيام ويقدم

**lolo habeby** · 11-03-2009, 11:37 PM

مخلل القر نبيط
2 حبة قرنبيط
4 فصوص ثوم
3 ملاعق طعام ملح
3 حبات بنجر
2 حبة فلفل أخضر
2 ملعقة خل أسود
ماء كافي لتغطية المخلل
الطريقة:
ينظف القرنبيط ثم يقطع ويغسل جيداً ثم يسلق في الما لمدة عشر دقائق ثم يصفى
احضري برطماناً أو علبة بلاستيك
ضعي القرنبيط في البرطمان وضعي عليه الثوم والفلفل الأخضر المقطع والملح والخل
اغسلي البنجر ثم قطعيه وضعيه على القرنبيط اضيفي بعد ذلك الماء الكافي لتغطية القرنبيط قلبي جيداً ثم غطي البرطمان واتركيه لمدة ثلاثة أيام

**wbaby** · 11-03-2009, 11:52 PM

مساء الخير يالولو ازيك
اخبارك ايه عامله ايه دلوقتي
يارب تكوني بخير

**lolo habeby** · 12-03-2009, 12:06 AM

يا بنات الخل الاسود هو البلسمك
بس ممكن الاستعاضة عنة بالعادى

**lolo habeby** · 12-03-2009, 12:07 AM

بيبى حبيبتى ربنا يخليكى على ااهتمامك انا الف حمد وشكر لله تمام احسن من الاول بكتير ولسة بكمل هو شغل البيت بيخلص ابدا

**wbaby** · 12-03-2009, 12:53 AM

على رايك
ده انا لسه كل يوم انضف واحس انه لسه منضفش بعد اليومين التراب الي عدو

**wbaby** · 12-03-2009, 12:54 AM

متهيالي يالولو مينفعش العادي بدال البلسمك
لان معلوماتي ان طعمه مسكر ؟؟؟

الطبخ فن ونفس وتوفير كمان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

حول هذه المجموعة

المالك

الأعضاء (135)

تصنيفات المجموعات الاجتماعية

Latest Group Topics