للاستمآآآآآع :-




روحي بحايل ما تفارق جبلها=وحبي لها عيّا على كل الاوصاف

أفرش حصاها واتوسد سهلها =وأرقد بحضن جبال سلمى ولا اخاف

اسمح واراضيها واداري زعلها=واشتاق له شوق الطنايا للاضياف

او شوق سمر جبال حايل لاهلها =وجاوزت من حبي لها حد الاسراف

وعيني بأجا ما تسمع اللي عذلها =وخشوم سلمى مثل شذرات الاسياف

قصة غرام تراب حايل نقلها = تحكي على التالين من ما ضي الاسلاف

أجا تهضم عبرته واحتملها=ولا هي بعادة عبرة الحر تنشاف

وحوّل على سمر الجبال ونزلها=عن دار ذل عقب ما شاف ما عاف

وسلمى تغني له قصايد غزلها = على الوفا والود وسلوم الاشراف

وحاتم زرع عود الصخا في جبلها = وأوقد بشامخ ضلعها نار الاضياف

وعنتر على سلمى ركابه عقلها=وشحوا عليه عيال سلمى بالانكاف

دار بها الشلقان صاغوا مثلها=خويّهم شالوه من فوق الأكتاف

وقصة معشي الذيب محدِ جهلها=يا من يعد الذيب من عرض الاضياف

وراع اللبون اللي علينا نزلها =ترعى لبونة بالقريّة والأرياف

مالوم من روحه لحايل بذلها = وأرخص لها قلب من الود ينلاف

كلمات الشاعر: أحمد الفهد العريفي


إنشاد: ابو مهند


من شريط: دار حاتم