* متميز *تسريحة حلوة و سريعة تنفع للمناسبات
السلام عليكم و رحمة الله و بركاته...
بدون مقدمات.. <<< ما بتعرف عليها
عندي ليكم تسريحة روعة يمكن تقولوا قديمة لكنها سهلة و بسيطة بتنفع للمناسبات و الاعياد للبنوتات الصغيرونات و حتى التين ايجر -المراهقات-.
هلأ حتشوفوا بنتي الله يرضى عليها قومتني من ال3 الصبح تقول يلا اعملي شعري و كل نص ساعة رايحة جاية تصحيني و تسأل: is it time yet???
قولوا بسم الله ما شاء الله, الله يجعلها من البارات الصالحات.
المواد الللي استخدمتها عبارة عن: جليتر للشعر + بكلات bobbi pins + مشط بطرف رفيع + ربطات للشعر مثل المطاط خاصة لللشعر بس اوعكم تستعملوا المطاط العادي خصوصا على شعر البنوتات الصغار لانه بتمسك بالشعر و بتألم لما تشيلوها.
و برضه احتجت الى ربطة ribbon من القماش و فيكن تستعملوا وردة او طوق او تاج او ورود صغيرة او اكسسوارات للشعر.
و برضه سبراي الشعر. لا يوجد صورة <<< بتشوفوه بالصورة التالية العلبة السوداء و العلبة الزهر مع انه مش مهم ايا نوع متوفر تحد ايديكم.
هلأ اول خطوة اذا الشعر كيرلي (ما بعرف شو بيقولولها بالعربي يعني ملفلف يمكن) المهم اذا كيرلي غني بعبك لانه ارتحتي من خطوة لف الشعر.
و اذا ناعم لفي الشعر سواء باستخدام اللفات اللي بتنترك بالشعر عدة ساعات او باستخدام الفير او المكوى كله بينفع.
حصوة بعين اللي ما يصلي على النبي عليه الصلاة و السلام
بعدها مرري اصابعك باللفات لتفككيها شوي و تصير تقريبا مثل هيك
هلأ بطرف المشط عملت فرق بالشعر لعند الاذن و مسكت الشعرات ببكلة لانه كل الشعر اللي امام الاذن ما بدنا يختلط بالشعرات خلف الاذن و ذلك لغاية في نفس يعقوب.
هلأ بنعمل اول ربطة بالشعر كما هو بالصورة, و ما شديت الربطة كثير لانه اساسا الستايل انه يكون loose و مش مشدود <<< المشدود بيكون ارتب شوي بس ما بدنا مرتب.
و بقية الشعرات قسمتهم نصفين و ربطتهم كما الصورة و برضه نفس الشي بدون شد كثير
برجع بعيد عليكم انه يا جماعة مش مهم الترتيب لانه كله راح يكون مخبى
هلأ الربطة الاولى ثبتها بالبكلات السود لحتى ما تتحرك من مكانها و برضه و انا بثبت فيها دفعتها حبة صغيرة لفوق لحتى تعمل ارتفاع صغنن <<< شايفين ليه ما شدينا
و بديت ارفع الشعر خصلة خصلة و اثبتهم بالبكلات السود بشكل يطلع حلو <<< ما في طريقة محددة ادلكم عليها خلاص دام لفيتوا الشعر مسبقا بس ترفعي الخصلة لوحدها بتاخذ شكل حلو
هلا بعد ما خلصت تقريبا نص الشعر
جبت الربطة الribbon و ربطها على راسها كانها طوق و غطيت فيها الخط اللي عملته لما فصلت الشعرات الاماميات
و هون اتذكرت انها لسه بالبيجامة و ما بدلت ملابسها
و هلأ بنجي للقطع الامامية, الاولى اللي مش من ناحية الغرة -الغرة عندها جاية على جنب و ضبطتها بالسبراي و ثبتها ببكلتين سود تحت اللفات اللي رفعتهم
و جيت للجهة اللي فيها الغرة و عملت فيها لفتين لحتى تمسك الغرة -و للاسف ما مسكتها و اضطريت اثبتها ببكلة لوحدها- المهم و عملت نفس الشي و ثبتتها
و هلأ بقية الشعر اللي ما ارتفع رفعته كله لحتى ما وصلت لنتيجة ارضتني الحمد لله
و بعد هيك رشيت سبراي و رشيت جليتر
و هاد بعد ما رشيت الجليتر على الشعر...
ان شاء الله تكون اعجبتكم التسريحة و تجربوها حتى لو بدون مناسبة و ان شاء الله بتلاقوها سهلة جدا...
بنتي عمرها 6 سنوات الا حبتين ما شاء الله, ما بعرف اذا صورها بحاجة لتظليل؟؟؟
مايا <<<< بتوقع بتوصلي لنتائج مرضية جدا مع بنوتاتك و ان جربتيها فيهم فرجيني النتيجة حتى لو على الخاص....
و اخيرا تم موضوعي بحمد الله
تعليق