أختى الحب الحقيقى ساعدينى

بجد كنت محتاجة مساعدة

اسفه حبيبتى ان كنت اتأخرت عليكى لانى مبدخلش كتير النت ومشفتش رسالتك الا دلوقتى

بصى يا ستى انتى عايزه النتيجه

الحمد لله ماشاء الله انا شعرى رجعله صحته ومظهره بقى احلى من الاول كتيررررررررررر جدا والشعرايه التقصيف قل كتير فيها وبقت صحيه اكتر بس علشان دى امانه الطول زاد بس مش بصوره كبيره بس خلى بالك لازم تقصى الاطراف كل ثلاث شهور

ولو عايزه اى سؤال انا موجوده

ألف ألف شكر
فعلا عشمى فى بنات بلدى كبير

وانا على فكرة محفظة قرآن لو عاوزة أى مساعدة انا مستعدة

سبحان الله وبحمده سبحان الله العظيم

العفوا حبيبتى احنا اخوات واكيد انا نفسى انى احفظ القرأن وحاولت مع نفسى كذا مره بس للاسف نسيت الى حفظته

ربنا يبارك فيك

اختي ( الحب الحقيقي)
ياريت تفيدنا عملتي ايه لشعرك عشان بقى أحسن كده
أصلي انا شعري صار خفيف بعد ما كان كثيف وهو أصلا جاف وعاوزه يطول بسرعة

اهلا اختى بنت حواء بصى يا ستى البرنامج اهو

السلام عليكم ورحمه الله وبركاته

بصوا يا بنات انا جيبالكم حاجات للشعر علشان تقويه وتطوله وتغذيه

قبل ما تقرأو ادعولى ربنا يجمعنى انا وحبيب عمرى فى بيت واحد فى ظل رضى الرحمن

بصوا بقى يا عساسيل

انا رحت لدكتوره جلديه علشان شعرى كان ومقصف وتعبان وما بيطول وخفيف

واتبعت برنامج هايل للشعر

1- قصيت اطراف شعرى (اوعى تستخسرى قص شعرك لانك انتى الى خسرانه فى الاخر انا كنت زيك وبستخسر قصه بس صحيت على مأساه وان شعرى كل مبيطول مبيبنش لان التقصيف بيطلع لفوق وفى الاخر لقيت شعرى كله قصف لازم تقصى المقصف لازم انا بقول اهو )

2- استخدمت كبسولات اسمها بنتوجار
الروشته بتعته مكتوب عليها

بانتوجار - هو علاج مخصص للشعر والاظافر

بانتوجار -له تأثير متميز فى حالات سقوط الشعر بغزاره (لاسباب غير معروفه )

يمد الشعر بتركيبه متوازنه من مكونات غذائيه دقيقه هامه للنمو الصحى للشعر والاظافر (احماض امنيه -

مجموعة فيتامين ب - بروتينات )

فى دراسه علميه عديده اثبت الباتوجار تحسين واضح فى نمو الشعر ونوعيته وكذلك قلل من شقوط الشعر

دواعى الاستعمال

سقوط الشعر بغزاره (لاسباب غير معروفه )

سقوط الشعر نتيجه تغيرات وتحليل فى تركيب الشعر (الاجهاد - جاف -مقصف -غير حيوى وغير ناصع )

فى حالات ضرر الشعر نتيجه التعرض للشمس والاشعه الفوق بنفسيجيه

وكذلك فى حالات قصور نمو الاظافر (مشققه- مقصفه- غير مرنه )

3 - استخدمت زيت يوجد فى جميع الصيدليات اسمه أكت هير (act) هو يستخدم ثلاث مرا بالابوع بس الدكتوره

قالتلى استخدميه مرتين بالاسبوع

الروشته مكتوب فيها
يتكون زيت اكت هير من مزيج من الزيوت الطياره والمستخلصات العشبيه المتميزه والتى اختبرت بعنايه فائقه للعنايه القصوة بالشعر
يتكون من( خلاصه الكاموميا - زيت الخروع - زيت جنين القمح - خلاصع اللافندر - زيت اريوكا - زيت الزيتون - زيت الثايم - زيت السليكون - خلاصه الروزميرى - زيت الجاجوبا - حمض الساليسيلك - زيت اللوز )

وهو يحفز ويزيد من نمو الشعر عن طريق زياده نشاط الدوره الدمويه التى تغذى الشعر

يعمل كمضاد للقشره - يحتوى على مضادات الاكسده - يعمل كمضاد الالتهاب خاصه المصاحب لحالات شقوط الشعر

معزز بمجموعه كبيره من الفيتامينات التى تزيد من كثافه الشعر وحيويته ولمعانه

لم ترد ايه موانع للاستخدامه ولا توجد موانع لاستخدام الحوامل له وليس له اى اثار جانبيه

استخدمى معاه شامبو اكت هير


انا بستخدمه مرتين بالاسبوع وبستخدم خلطه للشعر مره بالاسبوع وهى

( حنه +معلقه ك سدر + فنجان زيت ذره + بيضه + معلقتين ك عسل + علبه زبادى كبيره ) ثلاث ساعات


4 - بستخدم بعد الحمام امبولات ايفا بالصبار بدلكى بيها فروه الرأس

امبولات ايفا بالصبار تحتوى على 12 فيتامين و20 معدن و17 بروتين تقوى الشعر وتمنع تساقطه وتعيد اليه

الحيويه تستخدم بانتظام للحصول على شعر كثيف وناعم ولامع

يستخدم مرتين فى الاسبوع لمده شهرين

انا يابنات بستخدم الحاجات دى بقالى شهر ونصف والحمد لله ما شاء الله شعر فى تحسن ملحوظ فيه ربنا يديموا قولوا انشاء الله

انا قلت اقول تجربتى للبنات وانا مبحبش اقول حاجه اله لما اكون مجرباها

متنسوش تدعولى بالى قلتلكم عليه

واى سؤال انا موجوده

بصوا بقى خلصوا البرنامج ده علشان انا بأذن الله هبدء برنامج تانى وعقبال متخلصوا البرنامج الاول اكون انا خلصت البرنامج التانى واقولكم عليه وعلى نتايجوا اوعوا تكسله لان وجع ساعه ولا كل ساعه فعلا

طيب الكبسولات دي أهم حاجة انها تكون ما بتزيدش الوزن ولا شو رأيك بعد تجربتها يعني بتزيد الوزن؟

متهيألى ملهاش دعوة بالوزن لانها لتقوية بصيلات الشعر