أفضل نوع سشوار((تفضلي وشاركي))

**بريق الزمرد** · 28-07-2002, 05:56 PM

شوق دليني لعمل سشوار في البيت

لان بصراحه شعري طويل .. وحتى اذا اسوويه في البيت يتعبني وايد وفي النهايه بعد ما يكون
اوكي

لان يوم اروح الصالون يسون بالاستشوار الاحمر القوي .. ويعجبني
فقلت مب كل مره اروح الصالون لان بصراحه انا ما احب اروح وايد الصالون اتعايز .. فشتريت هذا الاستشوار مالهم الاحمر .
ويوم يت اسوويه في البيت حسيت تعب تعب وما رمت اسووويه لان لازم امسك الاستشوار والمشط الرول في نفس الوقت .. وبما ان شعري طوووويل تعبت وايد
فخليته يووولي ومن يومها ما استعملته ههههههه

..

تحياتي ..

**شوق الإمارات** · 28-07-2002, 06:13 PM

مرحبا اختي زمرد،،
هيه والله احسن شي هالسشوار الاحمر مال الصالون،،وانا مثلج حاولت وايد معاه
ترى هذا السشوار للاختصاصيين فقط،،يعني لازم وحدة غيرج تسويه،،
0000000000000
انا عندي نوع من ماركه براون لون السشوار اسود وقوته 1000 وات
ويعطي نتايج مثل السشوار الاحمر،،
000000000000
لكنه المشط ماله يتركب عليه،، ومشطه مثل هذا إلي يستخدمونه الصالون لكن شوي اصغر
وهو حلوو واييد انا شريته من السوق المركزي
0000000بس المشكلة مو منه ،،المشكلة من شعري إلي بعد ربع ساعة تقريبا ينفش
هههههه شو نسوي

ان شاء الله بكمل لكم بعديننن

بااااااااااااااااي

**دانا الغيداء** · 28-07-2002, 06:25 PM

هلا حبيبتي شوق ....
بالنسبه للسشوار انا استخدمت انواع كثيره وما لقيت احسن من سشوار لونه اسود ماركة براون
بصراحه ممتاز جدا وطريقة استخدامه سهله مرررره يعني نفس كلامك
بس تكفين قولي بسرعه عن طريقتك لاني مشكلتي نفس مشكلة بريق الزمرد ولا احب اروح للصالون الا في المناسبات وتعرفين الوحده لازم تطلع بأحلى شكل قدام زوجها

**بريق الزمرد** · 28-07-2002, 06:52 PM

شوق الامارات و دانا2 تسلمون والله على هذه النصيحه

حالياً استعمل Hair Styler من National
وبمشي على نصيحتكم مع براون بما ان انتو مجربينه
بس مافيني عقب ينفش شعري (( يويلكم مني )) ترى نفس الحاله شووق هههههههههههه

**وهج** · 28-07-2002, 06:53 PM

انا بصراحه جربت ماركة تسكوم يابانيه هو حلو مره ونفس الطريقه الفرشاه في نفس السيشوار بس عيبه اذا سخن يفصل وبراون الابيض يفصل بعد لكن الاسود ماجلربته
لكن قالو لي على ناشيونال ماادري ايش رايكم فيه ياريت اللي جربته تقولي رايها
وشكككككككرا على الموضوع الرائع ياشوق

**شوق الإمارات** · 28-07-2002, 06:55 PM

مرحبا حبيبتي دانا،،ان شاء الله مرتاحة
،،،،،،،،،،،
بالنسبة لطريقتي المتواضعة،،ان شاء الله ترتاحين معاها،واذا في وحدة عندها الاحسن رجاء ما تبخل علينا،،،
---------------------
1-ضعي على شعرك كمية بسيطة من الموس(ممكن تجربين من ماركة ويلا)
2-خذي الغرة وثبتيها بمشبك صغير(المهم تبعدينها عن باقي الشعر)
3-بالنسبة لباقي الشعر اقسميه لنصفين متساويين(فوق وتحت)
4-ابعدي القسم العلوي من الشعر وثبتيه بمشبك،،
5-قسمي القسم السفلي إلى قسمين
6-ابداي استشوري القسم الاول من القسم السفلي========>عورت راسكم ههههه
7-اذا كنتي تستخدمين الفرشاة المدورة،،لفي الشعر عليها لعدة ثواني
هذا سوف يعطيكي كثافة للشعر
8- بالنسبة للقسم العلوي نفس الشي
9- قسميه نصفين واستشوري كل قسم على حده
10- وآخر شي الغرة ،،استشوريها على حسب القصة،،
-----------------------
ان شاء الله ادور لكم على طرق لعمل الغرة بشكل حلو اذا تبون،،وكنتو متمللين من شكلها الحالي
خصوصا اذا كانت طويله وما تبون تقصونها

ملاحظة:بالنسبة للموس استخدميه فقط وقت المناسبات لانه كثرة استخدامه مو زينه
ملاحظة 2:عند تمرير الفرشاة على الشعر مرريها ببطء للحصول على نتايج افضل

**وهج** · 28-07-2002, 06:56 PM

حبيبتي بريق الزمرد ياريت تقولين لي عن ناشيونال ايش رايك فيه بالضبط وكم وات بسرعه تكفين

**بريق الزمرد** · 28-07-2002, 07:05 PM

مشكوووره عزيزتي شوق على المعلوومه الحلوه .. بس بنسبه لي احسها تعب وايد
لان شعري طويل لو عندج طريقة ثانيه يكون افضل لي

وهج .. بخصوص National والله انا صارلي فتره طويله الحين استعمله
واشووفه بنسه لي حلوو ومافي اي مشكله .. بس بعد اذا زادة حرارته يفصل ويوم يبرد
شويه يرد يشتغل
ولاني ما استعمله الا في الغره .. فسالفة الفصل هذه ماعندي فيها مشكله لان ما اخذ وقت طويل في الاستشوار

بس بشكل عام ترى National ترى زين وايد

تحياتي لج اخت وهج

**Pink_Rose** · 28-07-2002, 07:46 PM

أنا ما خليت استشوار الا وجربته.. والأغلبيه حرقو شعري.. كلهم تقليد ههههههههه ميد ان تايوان هههههه.. بس هذا ينفع..
أحسن واحد ظهر:
Hair Styler من National
الي لونه وردي..
أعتقد هم كم من لون..
البنفسجي مب شي.. هذا للشعر الناعم مره والسايح..
الابيض هذا يعني اوكيه للشعر المجعد أظني..
الوردي اوكيه للشعر المموج..
الازرق الغامج للشعر العادي على ما اظن..
ترى لكل لون قوه وحراره.. صح والا؟!
والله هذا النوع لا تعب و فوق هذا اتخلصين بسرعه..

بس أخواتي ممكن سؤالين؟
شو هي الغره؟؟؟؟؟؟؟؟؟
وشو هو الموس؟؟؟؟؟؟؟؟؟
ممكن الجواب؟؟ تراني هنديه ما افهم بسرعه هههههه..

**شوق الإمارات** · 28-07-2002, 08:01 PM

اهلا pink rose

الموس هو عبارة رغوة لتصفيف الشعر
والغرة هي شعر مقدمة الراس احنا نسميه(القصة)
--------------------
بريق الزمرد ،،وهج اهلا وسهلا فيكم دايما
بالنسبة لناشيونال احسن نوع هوالوردي(( والبنفسجي والابيض جربتهم،،مو حلوين
لان الوردي حرارته عاليه،،،
وينفع حق الاوقات العادية،،،،
---------
البراون زين وااااايد لان المشط ماله مثل مال الصالونات ينعم الشعر بشكل جيد وحرارته 1000وات مثل ما قلت

يلا يا بنات ورونا خبرتكم ونصايحكم

اترياكم

باااااااااي

**بريق الزمرد** · 28-07-2002, 08:09 PM

اي انا عن نفسي كنت استعمل الابيض ويوم اخترب خذت الوردي والحمدالله احسه اوكي معاي
بس اصدقوون ما يه على بالي ان كل لون على حسب نوعية الشعر.. كنت اخذه كذا اللون اللي يعجبني ههههههههههههه
عندي خالتي تستعمل اللون الازرق وبصراحه اشووف شعرها وايد حلوو .. مع ان شعرها مموج وايد ..
بس تسلمين أخت Pink_Rose على معلومتج بخصوص ان كل لون على حسب نوع الشعر

والله موتيني من الضحك .. يوم عرفت اني اخذ على حسب اللون اللي يعجبني

**شوق الإمارات** · 28-07-2002, 08:13 PM

لا تخلوني انا بروحي ويا كشتي قولو شو الحل
يلا بسرعة،،ابي شي يقضي على الكشة بعد الاستشوار

يلا بنات شو عندكم

**Pink_Rose** · 28-07-2002, 08:59 PM

عندي طريقه ويمكن تنفع لكم..
ليش ما اتسوون التمليس الامريكي هذا للشعر قوم بو كشه ههههههههه.. هذا ما يطيح الشعر واذا بتسوونه.. خذو الكريمات والمغذيات ماله من الصالون نفسه.. عشان لا يطيح شعركم.. وفوق هذا اترومون اتسوون حمام زيت أسبوعيا عشان ما يخترب شعركم ولا يطيح..

واذا ما اتحبون التمليس.. عندي فكره..
أنا شعري مموج وأكرهه يوم اغسله يصير كشه وتظهر الرادارات.. ههههههههه
المهم..
فأنا شو اسوي!؟؟! أخلي الشعر يجف عادي طبيعيا ما امشطه لان اذا الشعر كان خرسان ومشطتيه بيتكسر على قولتهم وبيخترب.. وعقب احط هالكريم الي اسمه: بالمرز.. هذا مغذي وفي نفس الوقت يعدل الشعر.. احط هالكريم يعني اوزعه على شعري واستشوره.. يعني اقسم الشعر قسمين و(القصه) ابصوي واتم استشور ببطئ لينما يصير شكله اوكيه.. والكشه تعتدل والرادارات يقل عددهن هههههههه..
ما اوصيكم ترا كثر استخدام الاستشوار يخرب الشعر ويحرقه ويقصفه ويغير لونه..

**مرايم** · 28-07-2002, 09:38 PM

شو رايكم في السشوارات اللي تطلع في دعايا التلفزيون .. اللي بالبخار .. في حد منكم جربها؟؟!!!

أفضل نوع سشوار((تفضلي وشاركي))

أفضل نوع سشوار((تفضلي وشاركي))

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق