وصفه مجربه وانا واثقه.............حتدعولى

انا شعرى اود جدا وطويل اوى لكن بدا يتساقط وبقى خفيف جدا وكنت بضطر اقصه (كريه) وكنت ببقى زعلانه ومتضايقه لانه وهو قصير مش بيسقط ولما يطول اوى يرجع يسقط تانى واضطريت اقصه 3مرات ولكن يوم خطوبتى الكوافيره لقت شعرى بيسقط ولما قلتلها انى بضطر اقصه قالتلى على وصفه يشهد عليا ربنا لحد النهارده بدعيلها
الوصفه هيا:-
تجيبى نخاع من عند الجزار والافضل نخاع جمل بس لصعوبة الحصول عليه بجيب النخاع العادى من الجزار واقطعه واسيحه حطيه على النار فى قدر وهو حيسيح لوحده وبعدين صفيه من الشوائب اللى حتتبقى فيه(ريحته وحشه هه؟اصبرى)
حطى عليه وهو سخن زيت خروع وعشان الريحه حطى زيت ورد او زيت ياسمين او اى عطور زيتيه وحطيه فى علبه زجاج
حيتجمد زى السمن لما تيجى تستخدميه خدى منه بملعقه حسب ما انتى عايزه وضعيه فى كوب زجاج ثم ضعيه فى حمام ماء ساخن مع التقليب حتى يسيح ويبقى زيت
استعمليه بقطعه من القطن اغمسها به وادعكى بها ارضية الراس جيدا حتى تنتهى الكميه
ثم غطى شعرك بكيس من البلاستيك لمده لا تقل عن ساعتين انا عن نفسى بسيبه من الليل للصبح وقبل ماتغسلى شعرك اعمليله زى حمام الزيت يعنى لفيه بفوطه سخنه لمدة ربع ساعه وبعدين اغسليه.

طولت عليكو بس لما تجربوا وتستمرو عليه لانه محتاج صبر حتطولو عليا بالدعاء

امانه عليكو ادعولى ربنا يوفقنى فدراستى ويعجل بزواجى


(((اللهم انى ظلمت نفسى ظلما كثيرا ولا يغفر الذنوب الا انت فاغفرلى مغفره)))
(((من عندك وارحمنى انك انت الغفور الرحيم)))