مكواة الشعر السيراميك (الدخول للمصريات فقط)

**yomizo** · 29-12-2006, 08:27 PM

لي عودة مرة اخرى
عشان اقولك هتلاقيها فين بالتفصيل في اسكندرية
بس مؤقتا هتلاقيها فى محلات تجهيزات الكوافيرات
او ممكن فى محلات الاجهزة الكهربائية
بس الاول اكيد

**angelina jolly** · 29-12-2006, 11:14 PM

شكرا لكى Yomizo

**هنودة هنانيدو** · 30-12-2006, 12:38 PM

ممكن اعرف هى مفيدة للشعر ازاى معلش جاوبونى

**angelina jolly** · 30-12-2006, 02:01 PM

أنا سمعت أنها بتفرد الشعر زى الفير بس من غير ما تحرق الشعر لانها مش معدن و لكن من مادة السيراميك

**angelina jolly** · 31-12-2006, 02:21 PM

ايه الحكاية يا جماعة انتوا عمركم ما سمعتوا عن مكواة السيراميك و لا فى حد منكم جربها
شكرا و ماكنش العشم

**هنودة هنانيدو** · 31-12-2006, 08:26 PM

انا كمان من اسكندرية وياريت لو حد يقولنا نجبها منين

***مسلمه*** · 31-12-2006, 09:31 PM

ايه الحكاية يا جماعة انتوا عمركم ما سمعتوا عن مكواة السيراميك و لا فى حد منكم جربها
شكرا و ماكنش العشم

بالراحه!!!!!!!!!!!
ده موسم اعياد وكل واحد احتمال يكون مش فى بيته ومبيدخلش عالنت!!!
بصى ياستى المكواه السيراميك انا جبتها من شارع عبد العزيز عشان انا من القاهره هى حلوه اوى بس مش عايزه شعر خشن عايزه شعر طرى الى حد ما
تانى حاجه الاصليه من براون ب298 جنيه لكن انا جبت الصينى ب25 جنيه بس وهى كويسه والحمد لله شغاله فمتضيعيش فلوسك عالفاضى
حاجه كمان: المكواه تعملى شعرك بيها بعد ماينشف ودى ميزتها لان طبعا الشعر المبلول ضعيف فانتى تستنى لحد ماشعرك ينشف
اخر حاجه اقولهالك بما ان انتى من اسكندريه وانا معرفش فيها كتير انتى هتلاقيها عند محلات بيع الاجهزه الكهربائيه يعنى شوفى عندكو شارع فى اسكندريه كده زى عبد العزيز هنا
ومتجيبيهاش من عند الكوافير لانهم بيستعبطوا فى تمن الحاجه

***مسلمه*** · 31-12-2006, 09:36 PM

اه نسيت اقولك انها مبتعملش دوشه خالص لانها ملهاش صووت
وكمان بتفرد الشعر بطريقه حلوه جدا ومبيلزقش زى السشوار
انصحك تجيبيها لانها حلوه جدا

**Wasola** · 31-12-2006, 11:35 PM

ana kaman 3ayza wahda 9aloli inaha hilwa awii

**angelina jolly** · 01-01-2007, 03:27 PM

أشكرك كثيرا يا Polo Try و كل سنة و أنتى طيبة و معلش على الاستعجال بس انا كنت عايزة أشتريها بعد العيد على طول ، معلهش أنا عندى كام سؤال أولا هل المكواة اللى عندك من النوع اللى بيتركب فيها قطع لتكسير الشعر أم لا و أيه لون السيراميك فيها و ايضا ماهو أسم الماركة اللى انتى جبتيها و كمان عايزة أعرف هل بتفرد الجذور كويس و هل الشعر بيطلع زى ما بنعمله عند الكوافير و الا ايه ؟
و شكرا جزيلا مقدما و خدى وقتك مش ح أستعجللك

**المتر شيماء** · 02-01-2007, 04:18 AM

يا جماعه المكوه السيراميك دى هيا اللى بالكهربه وبيجى اعلانتها فالتلفزيون ولا لاء
اصل انا عندى دى وهيا حلوه اوى بس بتسحب كهربه كتييييييييييييييييييييييييييييييييير
انا عندى ماركه ( بيبى ليس) وهيا من دبى مش هنا فمش عارفه بكام
وشكراااااااا

***مسلمه*** · 05-01-2007, 08:01 PM

ا هل المكواة اللى عندك من النوع اللى بيتركب فيها قطع لتكسير الشعر أم لا

لا بتاعتى مفيهاش قطع بس ممكن تلاقى انواع تانيه فيها القطع بس اغلى شويه

أيه لون السيراميك فيها

لون السيراميك دهبى

أسم الماركة اللى انتى جبتيها

مكتوب عليها

GUANG MING RCT528

كمان عايزة أعرف هل بتفرد الجذور كويس و هل الشعر بيطلع زى ما بنعمله عند الكواف

اه بتفرد الجذور ومتخافيش مش هتلسعك
بس لو شعرك خشن بلاش تجسيبيها لانها عايزه شعر طرى الى حد ما
وبيطلع احسن من اللى بنعمله عند الكوافير
واى خدمات تانى انا تحت امرك

***مسلمه*** · 05-01-2007, 08:05 PM

ودى صوره لمكواه سيراميك
بس دى مش بتاعتى
دى صوره لقيتها عالنت قلت اجيبهالك عشان تبقى عارفه شكلها كويس

**nono_fara7** · 07-01-2007, 04:35 AM

بصراحه انا جبتها وجربتها ما عجبتنيش رغم اني شعري ناعم وكنت عايزه اكسره ورجعتها تاني انصحك ما تجيبيهاش مش حلوه وعلى فكره لون السيراميك ابيض مش ذهبي واللي جبتها كانت بالقطع وصيني وب 70 جنيه

مكواة الشعر السيراميك (الدخول للمصريات فقط)

مكواة الشعر السيراميك (الدخول للمصريات فقط)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق