اريد خدمة منكم ممكن ؟؟؟؟؟؟

أختي نونا , انا كتبت اسماء الصالونات ... مع اني في ابوظبي بس الواحد ما يعرف شو يصير معاه , وفعلا والله اتفكرين 24 ساعه , لا وبعد ما يطلع الشي اللي كنتي تختطيله

صدقت يا نونه .....اتذكر كان قلبي يدق مع موسيقى راشد الماجد .......الموسيقى تدق وقلبي يدق .......وبصراحه بعد العرس اضحك على نفسي ليش كنت خايفه......
لا تخافون وقوو قلوبكم.....واقرأي في قلبك سورة المعوذات وسورة الكرسي.....كنت كل خطوه احس انه بيغمى عليه ولما اقرأ احس اني احسن.......
يالله اتمنى لكا عروس التوفيق .......وبصراحه كتبت كل الصالونات اللي كتبتوها في المنتدى....
بس بسألك سؤال يا نونهصالون غراشيب كم اسعاره وهل هو في دبي يعني .....

أختي الغالية أم وديمة يعطيك ألف عافية يارب تعبناك معانا مع هالصالونات

بالنسبة لصالون غراشيب موجود في دبي فعلا وياخذ لتجهيز العروس 2500 درهم بس انتبهي 2500 للماكياج والتسريحة فقط لا غير لا تفكرين انها بتسوي مثل بقية الصالونات حمام زيت وبخار وهالسوالف الباقية الي تسويها العروس في ليلة عرسها .
يعني صالون مشكبار لما تروحين تعملين بروفة يشترطون عليج تروحين لهم قبل العرس ب3 أيام يعملون البروفة وحمام زيت وبخار للويه وتشقير وأي شي ثاني انتي تطلبين لأنهم تكفلوا فيش خلاص يجهزونش ليوم العرس . ورغم هذا كله مشكبار ياخذ 2000درهم فقط

وبنت عمي راحت غراشيب الصيف الي فات رائعة بكل معنى الكلمة بس تقول في ان الي في الصالون رفعت ضغطها من كثر ماكانت تبيها تتكلم ولا حرف ولا كلمة وهذا الشي الوحيد الي مب أوكي ولا تعترض .
تقولي قعدت على الكرسي يمكن ساعة بس هي تطالع الويه وترسم عليه حركات بأصابعها بس تطالع لا غير كأنها قاعدة تخطط أو شي تقول أنا شكيت في الأمر قلت ياويلي هذيل ما يعرفون عقب ساعتين قاعدة ترسم وتمسح وترسم وتمسح تقول أول ما قمت من على الكرسي ما صدقت اني أنا الي في المنظرة مكيااج رائع بكل معنى الكلمة .وقتها عرفنا السبب الي يخليها ما تستقبل الا عروسين في اليوم الواحد وايد تطول تطول . بس التجربة خير برهان يا أم وديمة . لا تفكرين تحجزين معها قبل البروفة

السلام عليكم ، حبيت انقل لكم تجربتي في يوم زفافي : انا رحت صالون غصون في دبي وكنت خايفه اول شيء ، بس الله حق المكياج فوق الروعه حتى التسريحه واللي اتحط المكياج و تعمل التسريحه مواطنه ، بس ماء شاء الله على شغلهم مرتب و نظيف ، أهم شيء انهم لهم خلق يتريونج و ايعرفون ايضيفون الوحده مب مثل خواتنا العرب ( ما تحكي لين ما اخلص) ، اتحسين بعد فتره ان الصالون صالونج ، حتى اني سويت عندهم ليزر ، لا وجهي احترق ولا احمر و اسعارهم نص اسعار العيادات ، لان جهازهم نفس اللي عندالدكتوره سميحه لطفي حتى كريماتهم . وخاصه كرم التبييض روعه . ودمتم دوم

السلام عليكم بنوتات
بضيف تجربتي البسيطه
سويت مكياجي و تسريحتي عند صالون غصون للتجميل اللي بدبي ، و بصراحه كنت متخوفه مره ، بس الله حق سوتلي شيء رهيب و يجنن، لاني من النوع اللي ايحط ميك اب 24 ساعه بس غيرتني كاني اول مره احط مكياج .
و اللي حطت لي المكباج اسمها ريما لبنانيه ، و اللي سوت لي شعري رانيه بس ماء شاء الله عليهم حبوبات بالمره .
و الصالون على فكره نظيف و مرتب
خبراتي البسيطه حبيت اضيفها .
اذا بغيتوا شيء حاضرين للحلوين
اممممح ... ثلج دبي