خطوات سهلة لعمل احلى مكياج..

اولا السلام عليكم ورحمة الله وبركاته..
طبعا هاذي مشاركتي الاولى انشاء الله تعجبكم.

اول مانبدأ طبعا نستخدم الأساس (السائل او الجاف) بس يفضل الاساس للمسهرلت او الاعراس اما اذا حبيتي ان يكون مكياجك هادىء تقدرين تستخدمين البودر وهو عملي جدا.

اولا (طريقة وضع المكياج للعين الضيقة او الصغيرة):
1- قبل ماتبدئين اختاري لونين متقاربين او مناسبين لبعض يعني لون فاتح ولون اغمق منه بدرجتين او ثلاث.(مثلا البيج والبني)او (البحري والازرق)او (الوردي والماروني)او (الفضي والرمادي) وفي النهاية اختيار الالوان بيكون على حسب اللبس.

2- للمبتدئات يقدرون ان هم يحددون زاوية العين بالكحل (القلم) من بداية زاوية العين الىنهاية العين.

3- نستخدم الكونسيلر فوق جفن العين كامل الى حد الحاجب(يفضل عدم استخدامه للمكياج الخفيف)

4-نبدأ باللون الفاتح ويفضل استخدام فرشاة العين(للمبتدئات الاسفنجة الصغيرة العادية) ونبدأ من بداية زاوية العين الى نهايتها مع مراعاة ان اللون الفاتح يغطي الجفن المتحرك فقط.

(يفضل عمل العينين معا خطوة بخطوة)

5-وبعدين يجي دور اللون الغامق وبنفس الطريقة نبدأ من زاوية العين بخط دقيق شوي ونحاول نوسعة كل ما نوصل الى نهاية العين طبعا اللون الغامق بيصير فوق الفاتح مباشرة.

نحاول ان مايكون الخط الفاصل بين اللونين واضح بس نمزجهم مع بعض بطريقة حلوة وناعمة.
وبعد لا تخلين اللون الغامق يوصل للحاجب خلي مسافة صغيرة عشان تحطين اللون الصدفي اللامع لأنه لون حلو ويعكس ظلال العين وبنفس الطريقة حاولي ان الخط الفاصل مايكون واضح بين اللون الصدفي واللون الغامق.

6- ارسمي حواجبك اذا كانوا خفاف بشرط ان يكون لون القلم بني غامق وليس اسود ( يستخدم ظلال العين ايضا للحواجب لتغطية الفراغات ويعطي نتيجة افضل من القلم )

7- ارسمي خط دقيق من الآي لاينر فوق الرموش مباشرة ويفضل دمجة بالفرشاة عشان مايكون شكلة مبهدل وخاصة للمبتدآت لأن الخط ماراح يكون مستقيم معاهم.

8- الحين يجي درو الماسكرا تحطينها بطريقة التمشيط من الاسفل للاعلى .
ملاحظة: للحصول على رموش كثيفة حطي طبقة وخليها ليمن تجف وبعدين حطي الطبقة الثانية والثالثة.

9- وزعي البلاشر بفرشاة كبيرة توزيع خفيف(للوجه العريض ابدئي من بداية الوجنة الى نهاية الاذن بشكل مائل هاذي الطريقة تقلل من عرض الوجه)او(للوجه الضعيف ابدئي من بداية الوجنة وحتى منتصف الاذن بشك رأسي تقريبا هاذي الطريقة تعرض من الوجه)

10- ضعي احمر الشفايف بحيث يكون مناسب لظل العين وغطيه بلمسة من الغلوس اللامع عشان يعطيك رونق حلو.

ارجو اخواتي ان انتوا تستفيدون من الطريقة لأن جدا عملية وسهلة وتعطي نتيجة روعة ولا تخافون لأني فنانة مكياج وعندي صالون تجميل واي وحدة عندها استفسار او مساعدة في طريقة وضع المكياج ترى بس تطلبون وطلباتكم اوامر..

اختكم الشوووق.