تويت
ادوات اساسية للمكياج ما استغنى عنها ابدا.. تعالي شوفي عندي..وقولي ايش عندك..
اليوم حابة اتكلم في موضوع جديد..
موضوع انا احب اعرف عنه كل جديد دايما
واحب اخد خبرات غيري فيه…
واكيد انتم كمان مثلي
واللي هو ادوات في المكياج ما تستغني عنها في كل مرة…
ما راح اتكلم عن الماركات زي اغلب المواضيع اللي زي كده..
لاني بصراحة ما افهم فيها كثير
بس احب استعمال المكياج واقدر اطلع بنتيجة حلوة الحمد لله فيه
….غير عن المواضيع اللي تتكلم عن مكياج ماركة كذا رقم كذا ما احس يفيدني بشي…
لان اكيد كل وحدة يناسبها لون وماركة معينة…
لا رقم دلوني عليه ينفعني ولا حتى ماركة معينة تنفعني….
بالتالي اساسيات مهمة هي اللي تنفعني…
خلوني من الكلام الكثير المش مفيد..
وخلوني اعرض لكم صور شوية من الادوات اللي عندي صورتها لكم..
واللي لازم استعملها في كل مرة اسوي فيها مكياج..
طبعا في منها للاستعمال اليومي وبعضها للاستعمال الموسمي اقصد المناسبات…
راح احط صورة كل شي واكتب تعليقي عليه وملاحظاتي وايش استعمالاتي فيه…
واذا عجبك اي شي اساليني ادلك على محل اختي تاخديه منها
خافي العيوب الاخضر…
هذا المستحضر جدا روعة لاخفاء الحبوب الحمراء في الوجه..
وكمان لو كان وجهك زي وجهي محمر بزيادة
…استعمله على البشرة قبل كريم الاساس..
وادمجه عادي بعدين بمجرد ما احط كريم الاساس بيكون لون البشرة موحد وبدون اثر للحبوب الحمراء…
اشتريته من محمود سعيد اعتقد 29 او 39 ريال مش متاكدة..
بودرة الاطفال..
دايما للمكياج في البيت ما احط كريم اساس بالمرة..
واستعمل بودرة الاطفال عشان تخفي اللمعان اللي في الوجه
..مرات كمان استعملها تحت الحاجب برضو وانا في البيت…
يمكن كثار يقولو بيضاء ما تنفع بس انا افضل اللون الابيض لاني زي ما قلت من شوية وجهي محمر واحب اخفف من الاحمرار اللي فيه….
وفي حال سويت مكياج ثقيل في العين احط منها تحت العين بكثرة عشان لا يفضل في اثر للظلال المتناثرة تحت العين…
ولا تنسو اني استعملها كمثبت للكحل زي ما قلت في موضوع قبل كده …
خافي العيوب (الكونسيلر) بلون البشرة..
بالنسبة لي استعمله لغرض واحد فقط..
احط منه على العين قبل وضع الظلال بيساعد كثير في الدمج..
واللون يكون اوضح بكثير…
وكمان يثبت لفترة طويلة جدا….
اعواد تنظيف الاذن…
استعملها دايما في توزيع الظل على الجفن …
اضغط العود بين الاسنان حتى يصير مسطح…
بعدها استعمله بكل بساطة افضل بالنسبة لي من اسفنجات الظلال…
استعمال مرة واحدة بس وارميها…
وبكده اضمن العود كل مرة نظيف والالوان ما تختلط علي….
وكمان حجمه صغير اقدر ارسم بيه في الاماكن الصغيرة .. مثلا تحت العين وبيكون روعة جدا…..
ظلال سائبة بلون وردي فتح جدا ولمعة بسيطة…
هذا الظل اساسي جدا عندي في كل مكياج منزلي اعمله او اي مكياج خفيف..
استعمله في الاغلب كاضاءة تحت الحاجب..
شكله طبيعي ولونه حلو جدا….
مرات استعمله هو كمان كظل لكامل الجفن…
وكمان لانه في شكل رول استعماله سهل جدا ….
اضاءات تحت الحاجب….
دول اللونين عندي احلى اضاءة استعملها للمناسبات..
اكره الاضاءة اللي تكون قوية وواضحة زي المراية
افضل شي طبيعي مع لمعة بسيطة وخفيفة…
وهذول الاثنين بيعطوني لون وشكل ولا اروع..
طبعا مرات استعمل الظل الابيض كاضاءة كمان…..
لون ظل جميل جدا…
يعطي مظهر طبيعي جدا جدا جدا….
ولونه حلو على اي عين جربته
…اسويه انا واختي وكمان زوجة اخوي وفي كل مرة بيكون احلى من اللي قبلها…
من جد احبه جدا….
علبة ظلال مخملية…
هي علبة وحدة بس فيها تقريبا كل الالوان…
وما احب استعملها كثير الا في المناسبات….
طبعا في كمان ظلال عادية في علبة وفي ظلال موزعة لحالها في علب صغيرة …
حسب المناسبة استعمل منها….
..
..
تعليق