وصفات جدتي

مشكورة علي الوصفات بس كنت عايزة وصفة طبيعة تقوي جهاز المناعة عند اطفالي وخصوصا علشان دخول المدرسة علشان الانفلونزا الخنازير

هنده حبيبتى
بقى انتى بتشكورينى فى اول مشاركه ليكى هنا و انا أتأخرت ده كله لحد ما دخلت الموضوع بتاعك و الله أتكسفت من نفسى اوى
انا اسفه بعتذرلك و الله على الغياب الطويل ده
بس كنت بنقل مع دخول المدارس و الكمبيوتر اللى عليه حاجاتى ضرب أثناء النقل و بشتغل على كمبيوتر تانى و يا دوبك النهارده و انا برتب الفيلات بتاعتى عرفت الاقى اللينك بتاع موضوعك علشان كان ضايع منى دخلت وقرأته كله و كتبت وصفات منه كمان

جزاكى الله كل خير وصفات جميله و طبيعيه و أرجو انك متكونيش زعلانه منى

موضوع حليب جوز الهند للشعر ده عجبنى اوى ان شاء الله ادور عليه و اجربه بس لى سؤال أنتى دايما بتنصحى منغسلش الشعر بالشامبو بالميه بس . طيب و هل كده الشعر ينضف دا انا بغسل بالشامبو وشامبو كتير كمان بس ببقى مخففاه بميه قبل ما احطه على شعرى
ايه الأفضل علشان التقصف و الشعر يبقى ناعم و مش هايش؟

كمان شجعتينى اوى على موضوع الليفه المغربى ديه انا كنت بشوف الناس عماله تشتريها و ببقى مستغربه و معرفش ايه فرقها عن العاديه لكن انتى فهمتينى الحمد لله

فى كمان حاجه اسمها ملح حليب الناس بتشتريه برده و تستخدمه بعد الحمام تدعك بيه جسمها و بيقولوا انه بيشيل الخلايا الزائده عندك فكره عن الموضوع ده؟

وصفتك لخشونه الكعبين ان شاء الله اجربها لأنى بعد النقل و التنضيف و لالى حصلى فيه رجليه باظت خالص للأسف و عماله احط فى كريمات بدون فايده لما يأست ان شاء الله اجرب وصفتك و يبقى فيها الشفا

جزيتى خيرا حبيبتى و منتظره ردودك الجميله