تويت
وصفة وااااااااااااااااااااااااااو
السلام عليكم احبتى فى الله الفتوكات القمرات
بصراحه انا بحبكم ومش بحب اجيبلكم وصفات كتير غير لما اجربها بنفسى
زى باقى اخوتى الفتوكات بارك الله فيهم وفيكم
المهم نتكلم جد انا طول عمرى السويت (الحلاوه) بتموتنى
خصوصا وتحديدا الاماكن الحساسه(البكينى)
وجع شديد بعدها كمان حبوب واحمرار وممكن تشكيله من الجروح
يعنى بتبقى مجزره هربت منها بالكريمات
واشتريت ماكينه براون مخصوص للمكان الحساس اياه
لانى سمعت انها بتشيل الشعر من الجدر بالملاقيط
واستعملتها ويا نهار ملاقيط شعره شعره وبراحتها وعلى مهلها
ماهو مش جلد ابوها وانا طبعا مع كل شعره اموت واصحى
المهم كفايه رغى وخدوا المفيد انا طبعا قريت مواضيع المخدر
على منتدانا هذا وغيره اعجبتنى الفكره ولكنى خفت وحسيت
ان ممكن اتعور من شده الشد وانا مخدره محسش صح
فكرت بمخدر طبيعى شويه واحسن مخدر للاسنان هو القرنفل
وانا اسنانى كلها فى الضياع يعنى استخدمته كتير
جبت من الصيدليه زجتجه صغيره فيها زيت قرنفل مركز
ودهنته قبل ما اعمل السويت بربع ساعه
وكنت مجهزه السويت (العاديه الجاهزه فى الصيدليه او فى محلات 2ونصف)
وبعدين مسحت الزيت بفوطه ناشفه وبدأت اشيل بالحلاوه
شويه وخز خفيف لا يقارن بالمرات السابقه
والله العظيم شده والتانيه ماتحسيش بشئ خالص
ده حصل معايا قلت اقولكم وان شاء الله يجيب نفس النتيجه معاكم
وبعد كده ممكن تعملوا وصفات الترمس المطحون
او وصفه جين صبرى بتاعه نبات السعد اللى بتأخر نمو الشعر
وعلى فكره متحطوش زيت كتير مسحه صغيره وتدعكوا كتير لغايه ما يشربه الجلد
فى الاول هتحسوا بحرقان خفيف يشبه المنتول
وبعدين تمسحوه بفوطه جافه او تشطفوه هو فى زيت طيار مش هيزحلق السويت
معاكم وربنا يكرمنا جميعا واللى تجرب الوصفه تدعيلى دعوه
منقول
تعليق