اى واحدة عايزة تسال عن ماركة مكياج او شعر تتفضل ومش هاتندم0000000(الجزء الثالث)000000

**toty_lovey** · 11-04-2008, 02:39 PM

المشاركة الأصلية بواسطة الوفاء مع الله

السلام عليكم ازيك ياتوتي يارب تكون ي بخير بقولك يااقمر بصي انا بجيب معظم الميكب بتاعي من اوريفلام ايه رايك حلو ولا فيه احلى لو عندك تعليق قوليلي ها اوريفلام ولا اغير ميرسي ليكي

بصى يا جميل اورفلم شركة كويسة ونضيفة بس طبعا فى حاجات وماركات كتير انضف واحلى
ولو هاتجيبى من اورفلم هاتى الغالى منها افضل بلاش الحاجات ا لرخيصة منها
اوكىىىىىىىىىى يا جميل

**toty_lovey** · 11-04-2008, 02:54 PM

المشاركة الأصلية بواسطة lovez vous

هاى توتى ازيك
انا سؤالى ايه رايك فى حاجة اوريفليم وبالذات حاجة البشرة مضرة للبشرة ولالا
زى كريم النهار وكريم الليل حلوين ومفيدين للبشرة؟ولا الاحسن بدل ما اشترى ب100 جنيه حاجة من اوريفليم اشترى من ماركة نظيفة احسن

انا عمرى ما استخدمت كريم نهار او ليل وحاسة الايام دى انى بشرتى بهتانة وجهدة ففكرت اشترى كريم نهار وكريم ليل عشان بشرتى تتغذى وصحبتى بتشكر فى اوريفلام اوىىىى فلقيت عندهم عينة كريم نهار وعينة كريم ليل بس قلت اسالك الاول احط الحاجات دى على وشى ولا اشترى ماركة نظيفة احسن

انا 20 سنة وبشرتى دهنية
ياريت تقوليلى ماركة كريم نهار وكريم ليل تكون حاجة نظيفة وسعرها مهاود يعنى كريم النهار ميزدش عن 100 جنيه وكريم ليل بردو فى نفس السعر
بس يشيلو البهتان والاجهاد اللى فى بشرتى لانى بصراحة بخاف احط اى كريمات على بشرتى لتسببلى تجاعيد مبكرة او تخرملى وشى

سؤال كمان؟ ايه رايك فى حاجة برجوا الاصلية
انا الايام دى عايزة اغير البلاشر فايه رايك ايه احسن اماندا تقليد ولا برجوا اصلى من العزبى عشان هما اللى واخدين توكيل برجوا
ومتعرفيش حد الاقى عنده اماندا الاصلى لانها بتنطق بشرتى جدااااااااااا رغم انها تقليد ب20 جنيه

اخر سؤال اوريفليم منزلة عرض الشهر ده ظلال جفون كريمى فى صفحة 39 فى الكتالوج..ايه رايك فيه حلو ولا لا
وهل وضع الايشادو من غير بيس للعين مضر ولا عادى والبيس ماهو الا انه بيثبت الايشادو؟لانى معرفش فايدة البيس بتاع العين ايه؟

بصى حبيبى انتى سنك صغير يعنى محتاجة عناية خفيفة وبسيطة لبشرتك
يعنى تستعملى الروتين اليومى للبشرة والاسكراب مرة اسبوعيا كفاية اوى وممكن ماسك مغذى مرة اسبوعيا
وانتى اللى ينفغ مع سنك ماركة نيفيا فيزاج للصبايا تحفة هاتى منها الغسول الاخضر للبشرة الدهنية والتونيك لقبض المسام وكريم النهار منها ب55ج وكريم الليل ب65ج وممكن تجيبى كريم الليل من لوريال حلو اوى برضة ب90ج
وكريم للعين من نيفيا فيزاج ب70ج
وسكراب اسبوعيا من نيفيا فيزاج او من اورفلم للبشرة المركبة اللى لونة اخضر optimals وتعملى ماسك طبيعى مرة اسبوعيا للبشرة الدهنية من الطمىا لمغربى مع الزبادى او المورد و حتى تعجنية بماء فقط
فهمتى الروتين لبشرتك يا قمر ودة هينور بشرتك وهيزيل تدريجيا البهتان والاجهاد واى مشكلة فى بشرتك صدقينى
اما ماركة بورجوا فهى حلوة جدا الاصلى منه طبعا واماندا كويسة
بس بورجوا انضف
واماندا تلاقيها فى العزبى او محلات فورتشن وفروعها للتجميل و فاسس و مزايا فى اسكندرية او القاهرة
وعلى فكرة بورجو يا حبيبتى مش فى العزبى بس لاء دى فى اماكن كتير معاهم توكيلها زى المحلات اللى قولتلك عليها واكتر منها كمان
وبالنسبة لظلال الجفون دة من ورفلم حلو اوى هاتية
وممكن تضعى الايشادو عادى من غير بايس المهم تكونى حاطة كريم العين والروتين لبشرتك
عشان الميكب يظهر شكلة حلو
يارب تكونى فهمتى كلامى
ماااااااشى حبيب قلبى

**mama2010** · 11-04-2008, 03:21 PM

ممكن اعرف افضل سيروم للشعر ومن وين اشتريه ...
وافضل كحل اسود فحمي ثقيل وما يسيح ابدا" ...
وافضل مسكار للرموش تكثف وتطول وتكون ضد الماء افضل والا العاديه ...

**rooooony** · 11-04-2008, 04:26 PM

معلش يا جماعه انا ليه سؤال بسيط هى اماندا فى منها اصلى وفى منها تقليد
انا اعرف ان اماندا مصرى ياريت حد يوضحلى المعلومه

**toty_lovey** · 11-04-2008, 09:25 PM

المشاركة الأصلية بواسطة mama2010

ممكن اعرف افضل سيروم للشعر ومن وين اشتريه ...
وافضل كحل اسود فحمي ثقيل وما يسيح ابدا" ...
وافضل مسكار للرموش تكثف وتطول وتكون ضد الماء افضل والا العاديه ...

بصى حبيبى افضل سيرم طبعا من ماركة كاريستاس بس غالى شوية
وفى سيرم حلو برضة من كاريتية او بروفيتامين او ميدا فيتا

وافضل كحل من لانكوم طبعا و شانيل وفور ايفر بس برضة غاليين
فى كحل من جفنشى حلو جدا وب100ج بس تقيل وسوادة حلو

والماسكرا من لانكوم اسمها هيبنوس ودى تحفة لكثافة الرموش وغالية كالعادة
فىمن جفنشى ايضا ماسكرا حلوة جدا ومن ريفلون وبورجوا حلوين اوى وفى منهم ضد الماء وفى عادى
هاتى اللى يتناسب مع طبيعة بشرتك

**toty_lovey** · 11-04-2008, 09:27 PM

المشاركة الأصلية بواسطة mama2010

ممكن اعرف افضل سيروم للشعر ومن وين اشتريه ...
وافضل كحل اسود فحمي ثقيل وما يسيح ابدا" ...
وافضل مسكار للرموش تكثف وتطول وتكون ضد الماء افضل والا العاديه ...

بصى حبيبى افضل سيرم طبعا من ماركة كاريستاس بس غالى شوية
وفى سيرم حلو برضة من كاريتية او بروفيتامين او ميدا فيتا

وافضل كحل من لانكوم طبعا و شانيل وفور ايفر بس برضة غاليين
فى كحل من جفنشى حلو جدا وب100ج بس تقيل وسوادة حلو

والماسكرا من لانكوم اسمها هيبنوس ودى تحفة لكثافة الرموش وغالية كالعادة
فىمن جفنشى ايضا ماسكرا حلوة جدا ومن ريفلون وبورجوا حلوين اوى وفى منهم ضد الماء وفى عادى
هاتى اللى يتناسب مع طبيعة بشرتك
اوكىىىىىىىىىىى حبيبى

**هنودة هنانيدو** · 12-04-2008, 09:20 PM

الف شكر يا قمر على مجهودك وذوقك في الرد
كنت عايزة اسئلك على بلاشر rimmel ايه رايك فيه ؟؟؟؟؟ انا عايزة نوع بلاشر حلو على روز وعلى برونزى اجيب ايه ؟؟؟؟؟

**ام اشوش** · 12-04-2008, 09:35 PM

هلا الله يعطيج العافيه ياربي انا عايزه استشيرك كنت من اسبوعين استخدم رتن اي وبعدين حسيت بحروق فويهي و ع طول تركته بس احس في سواد فوشي وخايفه مايروح وانا فيني نمش ع اخدودي وكنت حابه اصفي ويهي بس اعكس عو الي صاار وانا والله مضايقه واايد بسبب هاي المشكله انا عمري 30 وبيضه واستعمل كريم ليل والنهار والغسول بتاع ماركة كلينك من زمان وماتصفي النمش وحبيت اسوي تقشير وياريت ما عملت شو الحل ؟؟؟؟ انصحيني اختك ام اشوش

**دوللى 80** · 12-04-2008, 09:38 PM

حبيبتى توتى
اولا بشكرك ياجميل على ردك على اسئلتى ربنا يكرمك يارب

ثانيا كنت عاوزة اسالك عن السيروم بتاع البشرة بيتحط ازاى واجيبه منين .
وكمان كت عاوزة اعرف اجيب الطمى المغربى منين فى اسكندرية .

**للحياة معان** · 13-04-2008, 12:20 AM

انا مش عارفة اقولك اية بصراحة على مجهودك غير جزاك الله الف خير

بعد اذنك عندى كام سؤال

انا عايزة اعتمد روتين لشعرى وبشرتى

فعايزة اعرف انواع شامبوهات والبلسم بتاعهم ولو حمام كريم واسعارهم لو تكرمتى انا عاجبنى لوريال وفى او فايف

وانا قريتلك كذا مشاركة عن نيفيا فيزاج انا بشرتى دهنية وعمرى 25 كنت عايزة اعرف استخدم اية من مجموعة نيفيا فيزاج واسعارهم بعد اذنك

**ام اشوش** · 13-04-2008, 11:25 AM

للرفع نبغي الرد

**kind_heart2008** · 13-04-2008, 05:39 PM

جزاكي الله خير ياتوتي
أنا عندي 21 سنه وبشرتي دهنيه وعايزة اعرف منك افضل نوع ل
كريم الاساس
البودرة
الماسكارا
كريم الليل
كريم النهار
شامبو وبلسم للشعر الجاف الضعيف المتقصف
ياريت تساعديني
وجزاكي الله كل خير

**Dr.marri** · 13-04-2008, 06:03 PM

سؤال لو سمحتي

ممكن لو سمحتي تقوليلي علي ماركة تكون حلوة و رخيصة شوية لاي بارفان انا بجهز نفسي لزفافي و ايضا شن رايك في بودرة PuPa. و احسن ماركة لاي شادو بليز لوسمحتي بسرعة شوية و مشكورة و يعطيك الصحة .

**toty_lovey** · 13-04-2008, 07:16 PM

المشاركة الأصلية بواسطة hhislam

الف شكر يا قمر على مجهودك وذوقك في الرد
كنت عايزة اسئلك على بلاشر rimmel ايه رايك فيه ؟؟؟؟؟ انا عايزة نوع بلاشر حلو على روز وعلى برونزى اجيب ايه ؟؟؟؟؟

بصى حبيبتى بلاشر ريميل حلو
وفى بورجوا حلو جدا ايضا والوانة رائعة وهادى على البشرة ممكن تجيبى الدرجة دى من الروز رقمها=\\\\\\

Cendre de rose brune 48
والبرونزى واحد من دول حلوين جدا على الخدود\\\\

Brun illusion 11

Brun poudré 12

**toty_lovey** · 13-04-2008, 07:25 PM

المشاركة الأصلية بواسطة ام اشوش

هلا الله يعطيج العافيه ياربي انا عايزه استشيرك كنت من اسبوعين استخدم رتن اي وبعدين حسيت بحروق فويهي و ع طول تركته بس احس في سواد فوشي وخايفه مايروح وانا فيني نمش ع اخدودي وكنت حابه اصفي ويهي بس اعكس عو الي صاار وانا والله مضايقه واايد بسبب هاي المشكله انا عمري 30 وبيضه واستعمل كريم ليل والنهار والغسول بتاع ماركة كلينك من زمان وماتصفي النمش وحبيت اسوي تقشير وياريت ما عملت شو الحل ؟؟؟؟ انصحيني اختك ام اشوش

بصى يا جميل بالنسبة للسواد و الغمقان اللى ببشرتك نتيجة اللى عملتية ممكن تستعملى المستحضر دة من كلينيك\\\\\
ACTIVE WHITE LAB SOLUTIONS™ INTENSIVE ESSENCEيعمل على تسريع عملية التفتيح وتحسين الصفاء. يساعد على تقليل ظهور البقع ويزيد من تناغم لون البشرة. تصبح البشرة عبر الوقت أفتح وأكثر إشراقاً وتألقاً.

والنمش لااازم تروحى لدكتور متخصص جلدى ويكون كويس لانة بياخد وقت فى علاجة وصعب شوية مع انى شايفة انة بيعطى جمال واللة للبشرة
المهم واستمرى على الغسول والروتين اليومى من كلينيك حلو جدا وبيحسن البشرة
وانصحك تروحى لدكتور تجميل للتقشير بس يكون متخصص وكويس