تويت
وصفه مجربه لنعومة الكعبين
اهلا حبايبي في تانى موضوع لي معاكوا وبصراحة تشجعكوا لى هو اللى شجعنى انى اكتب لكوا تانى 
المرة دى طريقة بجد متجربه وحلوة قوى لنعومة الكعبين خصوصا لان الصيف جاه وطبعا لبس السليبرز بيأثر في الكعوب بشكل كبير
المهم اولا تنقعى قدميكى في ماء دافيء مضاف اليه بعض نقط من الشاور جل بتلعك او حت الشامبو مع قليل من مطهر ان وجد او شويه ملح خشن لمده ربع او تلت ساعة ع الاقل عشان يلين جلد الكعبين لانه بيكون قاسي شويه وبعدين تنشفي رجلك وتدعكى الكعبين بالحجر او المبشرة ( بس ماتكتريش بالمبشرة لان الجلد بيكون بايش وممكن تستحليها وبعدين لما تنشف رجليكي تكتشفي انك بشرت جلد كعبك الحى وماتتحلش المشكله بالعكس) عشان كدة بفضل الحجر ويكون ناشف شويتين احسن من المبشرة وبعدين تدعكى كعبينك بالسنفرة ودى تدى نعومة اكتر وبعد كده تدهنى رجليكى بكريم جليسوليد الاحمر وتتوصي بالكعبين شوية وتلبسي عليهم كيس عشان الكريم مايتمسحش ويستحسن انك تقومى بالعمليه دى قبل ماتنامى برده عشان الكريم يفضل فترة اطول وكمان عشان ماتتزحلقيش وانت ماشيه بالاكياس وبعد ماتصحى تشطفي رجلك كويس وانعمى بالنعومة وكررى العمليه دى مرة كل اسبوع
وومكن كمان تدهنيها كل يوم قبل ماتنامى من غير ماتنقعيها بس تغسليها كويس وده في حاله ان تكون كعوبك حالتها صعبة شويتين
(منقول ومجرب)
تعليق