لو سمحتم اللى عندها حل لمشكله المسمات البارزه تدخل وانا ادعلها ربنا يزقها بالزوج الصا

متزعليش ): انا عندي نفس المشكلة

السلام عليكم

يعني ايه مسامات بارزة ؟؟ بصي لو انتي قصدك ان جلدك منقط كده شويه نقط غامقه أو تحسي الشعر مكتوم تحت الجلد متزعليش انا كمان كدة

البنات في المنتدى نصحوني اني أعمل صنفرة مرتين في الاسبوع و أحط جونسون بابي اويل أو أي بدي لوشون

انا عملت كده و حاسة انها جابت نتيجة شويه

و كمان انا بستخدم ليفه سوري بتدخل في اليد و هيا خشنة شويه مع شور جل

دا كل اللي انا عارفاه و استمري على الحمام المغربي بي مظنش انو كفاية عشان هوا بيتعمل مرتين في الشهر مش كدة ؟ و الموضوع دا عايز على طول عناية كل يوم تحطي بدي لوشن و مرتين في الاسبوع سكرب

اه صحيح و حاجه أخيرة افتكرتها اشربي مايه كتير أوي عشان الميه الكتير بتطري الجلد و ليها فوايد تحفة للكلية و حاجات كده طبية كتير يعني رايحة جاية على المطبخ تشربي كباية مايه أو خلي زجاجه جنبك تشربي منها طول ما انتي أعده

انا جنبي واحدة دلوقتي بشرب منها

أختي هل تقصدين المسامات المفتوحة بالجسم؟

بصى لو تقصدى الحبوب البنى .. اللى بتظهر بسبب إزالة الشعر,. جربى دة

السلام عليكم و رحمة الله و بركاته

أختى الفاضلة
انا كمان مش فهمت انتى تقصدى ايه بالمسامات البارزة , و لو انى أتوقع انهم مادام قالولك على موضع الحمام المغربى يبقى أعتقد ان اللى تقصديه
الحبوب البنى أو الحمراء أو السوداء أحيانا اللى بتظهر على السيقان
و بتبقى شبه الفسافيس الخشنة كدة
و بتظهر بعد إزالة الشعر
و ناس قالوا انها بسبب الماكينة و ناس قالوا الحلاوة
لكن السبب الاعم هو الماكينة

أنا كان عندى نفس الموضع
و عملت موضع فى المنتدى هنا
الرابط بتاعه
أهو


و للأمانة العلمية أنا جربت موضع الحجر الخشن .... إنما بقية الاقتراحات لأ
و كمان شفت ناس كتير فى منتديات جمال نصحوا بالحجر الخشن و المقشر ... السكراب يعنى زى ما تفضلت أختى و قالت

و انا لسة مستعملتش السكراب
أنا استعملت الصابون بس

يعنى ترغى على مكان الحبوب دى بالصابون و بعدين تدلكى بالحجر الخشن
خمس ست مرات فى اتجاه الساعة بحركة دائرية و خمسة عكس اتجاه الساعة و بعدين تشطفى رجلك و بعدين تسيبى عليها مية باردة عشان تقفل المسام
بصى
زى ما هتلاقى مكتوب فى الموضوع
انا جربت و من أول مرة لاحظت الفرق

بس بعد كدة كنت ساعات بحس ان مفيش تطور
بس عشان كنت بزهق

بس دلوقتى الحمد لله و سلام على عباده الذين اصطفى
الموضوع خف كتير , رجلى رجعت شكلها بناتيتى تانى
بس أهم نصيحة اعمليها من مرة لمرتين فى الاسبوع و متزهقيش و هتحسى بالفرق
حاجة كمان
متدعكيش قوى عشان متعوريش نفسك
براحة دلكى بهمة بس مش كحت يعنى

و ربنا كريم ان شاء الله و يتم شفائنا جميعا على خير

و أسألك الدعاء بأن يفرج الله عنى ما أنا فيه إن استفدتى بما أخبرتك به

رغم أننى لا أطمع فى الدعاء يعلم الله و إنما أنا حاسة بحالتك قوى لأنى عارفة انها متعبة نفسيا فحبيت أساعدك
و لو احتجتى تسألى عن حاجة تانية فى الموضوع دة
بلغنيى

أختك
بسبوسة

ميرسى يا جماعه اوى على اهتمامككم وربنا يصلحلكم حالكم ويفرج هموكم ويرزقكم بالزوج الصالح وينجحكم ان شاء الله

بس انا اقصد شوفتم لما الواحد بيحس بالبرد او بالقشعرينه مش مسامات تبقى بارزه وقتها انا بارزه طول الوقت

ميرسى يا بسبوسه على تعبك معايا انتى وكيرلى ونورهان وجزاكم الله كل خير

انت دعيتي الله يرزها بزوج صالح
طيب المتزوجة وما عندهاش اولاد تدعيلها بايييييييييييييييييييييييييييييييه هههههه


نرجع لموضوعنا
انصحك بالسنفرة يعني السكرابل ة داومي عليها و ما تمليش و انشاء الله حتشوفي النتيجة
اي نوع من المقشر بس يكون للجسم مش للوجه عشان بكون اخشن شوية

السلام عليكم
مشاءالله الاخوات افدوكى وان شاءالله مشكلتك تتحل
وجسمك يبقه جمييييييييل من غير ولا حبه
بس انا عايزة دعوتك مع انى ماجبتلكيش حل

ههههههههههههههههههههههه معرفش ايه اللى هيموته على الجواز دول من جماله اوى اانا لس ه مجوزتش بس الكل بشرنى
om habash ربنا يجوزهملك انتى متتجوزيش تانى ربنا يهديلك جوزك اى خدمه اهوه

الأخوات افادوك الله يجزيهم الخير يارب

حبيبيتي انصحك بالصنفرة وبالاستمرار علي الحمام المغربي ولكن لازم تكون الليفة اللي بتستعمليها خشنة شوية بدون ما تجرحي جسمك واهم حاجة بعد الاستحمام بالشاور المخصص في اخر شطفة لجسمك حطي عصير ليمون علي ماء الشطف الاخير لانه فيه قابض وهذا يساعد علي قيض وتضيق وتنظيف المسام وكمان بيخلي ريحتك حلوة كتييير الله معك ويوفقك واذا ما حسيتي بتحستن فانصحك تروحي للدكتور المتخصص لانه هو بيفيدك اكتر ولكن في الاول جربي زي ما قلتلك الطبيعة هي احلي من اي شئ وجزاك الله كل خير بس بالله عليك ادعيلي بعريس اطول مني شوية لحسن الرجالة خلالالالالالالالالالاص كلهم بقوا قصيرين ههههههههههه

حبيبتى انا كان اشعر بنفس المشكلة ووجدت تحسن جبااار فى استعمال ليفة خشنى او حجر ابيض صغير يباع فى المحلات يكون فيه صلابة الحجر لكن مش خشن الملمس لدرجة انه يجرح البشرة
ده اثناء الاستحمام ووجدت نتيجة احسن و احسن كمان مع استخدام صابون استحمام سائل مثل لوكس او دوف و تكون معاه ليفة طرية جدا بيضاء تستعمليها قرب نهاية الاستحمام لانها بتطرى الجلد و تعطيه كمان ريحة حلوة
لا تستعملى ماء ساخن جدا عند الاستحمام و ده عموما دى نصيحة عاامة لاى حد و الله عن تجربة كنت باستعمل ماء ساخن جدا و النتيجة الشعر بيقصف و ينشف و البشرة بتتبهدل يعنى حاولى ان يكون الماء دافىء لكن ليس ساخن جدا لدرجة انه يطلع منه بخار لان ذلك يجفف البشرة جداااا و لاحظت انه بيتسبب كمان فى الخطوط البيضاء او ال
stretch marks
اللى بتظهر فى الجسم فى الارداف او الفخذين او البطن
لما تنتهى من حمامك انزلى ماء بارد على جسمك لانه يقفل المسام و يشد الجسم و كمان فوايده للشعر تحفةةةة بيخلى له لمعةة طبيعية و فعلا مجربة و ووجدتها على موقع اجنبى بيقول ان الطريقة دى بديل فعال جدا للمنتجات اللى بتضيف لمعان للشعر لان مجرد نزول الماء البارد على الشعر بيخلى الشعرة تنكمش مرة واحدة فتفقد قشرتها الخارجية الميتة الباهتة
(و المية لا تكون باردة جدا ثلج يعنى علشان ميحصلش جفاف للبشرة فخير الامور الوسط)

- ثم بعد الاستحمام تجففين نفسك بطريقة الطبطبة على الجلد بالفوطة و ليس دلك بعنف

ثم الخطوة المهمة استعمال اى لوشن للجسم او كريم و احسن حاجة جربتها كان لوشن بسيط جداا مكتوب عليه لوشن بماء الورد و الجلسرين و متهيالى اصلا فكرته بسيطة جدا و ممكن تحضرية بنفسك رااائع للجسم و انتظرى قليلا حتى يمتصه الجسم ثم البسى ملابسك
و كل ما تفتكرى حطى اى كريم عندك على المناطق اللى مسامها بارزة دى بالذات و ان شاء الله حتحسى تحسن واااضح جدا
و طمنينى
و يا رب تكون النصائح دى نفعتك

متنسيش الدعاااء بقى يا جميييل
; )

بصى لو انتى قصدك على الحبوب الصغيرة الخشنة دى اللى عامتا بتظهر فى الذراع من فوق فانتى ممكن كل يوم تغسليها بلوفة مغربية موجودة فى الصيدليات وبعدها حطى كريم جليسوليد بينفع اوى وانا مجرباها

نفس مشكلتى تحسى ان الجلد كدة شبة جلد الفرخة بعد تنضيفها تحسى انو محبب بلون الجلد