تويت
الله يسر امرج اختي
-
-
انا باعانى من نفس المشكلة وذهبت لدكتور امراض جلدية قاللى مااقدرش اعالجك بالهرمونات لأن العلاج بالهرمونات خطير جدا وادانى برشام وكريم اسمه نو هير
No hair ,موجود بالأسواق المصرية بيقلل ظهور الشعر شوية .
بس بصراحة ماداومتش عليه
فى وصفة فى موقع عروس عن حلاوة باضافات معينة تخلى الشعر ما يظهرش غير بعد شهر والعهدة علىالرواى لنى لسه ما جربتهاش
حابقى اكتبك المقادير عشان مش معايا دلوقتى وربنا معاكى ومعاناتعليق
-
حبيبتى انا باعانى من نفس مشكلتك ورحت لدكتور امراض جلدية وتناسلية قاللى ما اقدرش اعالجك بهرمونات لأن العلاج بالهرمونات خطير جدا وادانى برشام وكريم اسمه No Hairحتلاقيه فى الصيدليات بتدهى منه يوميا بعد إزالة الشعر مرة صباحا ومرة مساءا اعتقد جاب نتيجة شوية بس بصراحة مليت وما داومتش.
لكن فى وصفة شفتها فى موقع عروس عن حلاوة توقف نمو الشعر لمدة شهر بس لسه ما جربتهاش الحقيقة
الوصفة كالآتى:
1 كوب سكر
1كوب ماء
نصف ليمونة
فاسوخة بحجم حبة البندق ( من العطار هى نفسها الفاسوخة اللى بيحطوها ع البخور)
ربع معلقة صغيرة مستكة مطحونة (من العطار)
3 ملاعق صغيرة شبة مطحونة (من العطار)
اتمنى تجربيها وتبقى تقوليلى النتيجة وانا كمان حاجربها واقولك
على فكرة كمان بيقولوا سلك ابيل الجديدة كويسة
شكراتعليق
-
على فكرة يا دينا انا بعانى من نفس المشكلة رغم انى عمرى ما استخدمت حاجة غير السويت
وموقع الدكتور عادل مش هيفيدك لانى بقالى اسبوع بحاول اعرف سعر الكورس وازاى اقدر اجيبه بس مفيش اى رد لكن انا هقوله يمكن تقدرى تعرفى انت او احد الاخواتhttp://www.tebbadil.com/index.asp وعلى فكرة الاسئلة هتلاقيها فى المنتدى ولازم تشتركى اولا فى المنتدى علشان تقدرى تتصفحيه
معلش طولت عليكى بس اتمنى اكون افدتك وعرفينى عملتى ايه ضرورىتعليق
-
على فكرة يا دينا انا بعانى من نفس المشكلة رغم انى عمرى ما استخدمت حاجة غير السويت
وموقع الدكتور عادل مش هيفيدك لانى بقالى اسبوع بحاول اعرف سعر الكورس وازاى اقدر اجيبه بس مفيش اى رد لكن انا هقوله يمكن تقدرى تعرفى انت او احد الاخواتhttp://www.tebbadil.com/index.asp وعلى فكرة الاسئلة هتلاقيها فى المنتدى ولازم تشتركى اولا فى المنتدى علشان تقدرى تتصفحيه
معلش طولت عليكى بس اتمنى اكون افدتك وعرفينى عملتى ايه ضرورىتعليق
-
بجد ياجماعة كلكم اسعدتونى بردودكم واهتمامكم مش تصدقوا قد اية الموضوع دة المنى نفسيا
انا رحت لدكتور فعلا وعندى لخبطة ف هورمونات بس مش الانوثة ولا الذكورة هورمون الغدة الكظرية
وبدات ف جلسات الدقن وكلفتنى الجلسة 300 جنية وهاخد 8 جلسات وسالت على بقية جسمى تخيلوا كدة
4000 للقدم الواحدة يعنى 8000 للقدمين فى الجلسة الواحدة
طبعا مستحيل اعملة بس سؤال للمتزوجات؟
فى فترة تنبيت الشعر بتعملوا اية؟ وهى الفترة الى مش ينفع تتعمل بحاجة حتى ماكينة براون لان الشعر تحت الجلد؟تعليق
-
اختى egyptiangirl
اشكرك ع اهتمامك لكن اسم الفاسوخة بالمصرى اية بافكر اعملها اوى ولو جابت نتيجة هاعرفك ان شاء اللةتعليق
-
اختى دينا المصرية كلامك صحيح اسواء مكان عندى هو الساقين لانى كنت ف المدرسة اعملها بالمكنة كنت لسة 12 سنة مش فاهمة
وانا ع استعداد لنار الحلاوة لانها فعلا ممتازة لكن المشكلة انة بيظهر بسرعة مش بلحق اتهنى وكمان فترة التنبيت هى المشكلة
بالنسبة للجلسات 300 جنية للجلسة فى منطقة الدقن وعلى 8 جلسات او اكتر
اختى حياة امها اشكرك ع اهتمامك بجد بتطمنونى لكن سؤال لكل لمتزوجات بتعملوا اية فى فترة التنبيت وياترى الشعر بيقل بعد الجواز فعلاتعليق
-
تابعي هذا الرابط لتحضير الحلاوة بالمنزلالمشاركة الأصلية بواسطة tonta
تعليق
-
اخواتى asrar3 و lovely_maro
اشكركم ع اهتمامكم انا فعلا رحت لدكتور وباخد دوا لهرمون الغدة الكظرية
لكن الدكتور قالى ان العلاج يمنع تفاقم المشكلة لكن الشعر الموجود مالوش حل غير الليزر ودة فلوسة مش معايا مبلع كبير
انا عايزة اتعايش مع المشكلة بالحلاوة لكن شعر جسمى بياخد فى وقت التنبيت وقت طويل مش باعرف اعملة بالحلاوة ولا ماكينة بروان
بيبقى تحت الجلد
مش متخيلة ان راجل يشوف منظرى كدة الى عندهم مشكلتى ازاى ع طول بيحافظوا ع نظافتهم
انا مش ببالغ فى مشكلتى انا عارفة انى زيى كتير بس عايزة اعرف تعايشوا مع المشكلة ازاى
كتير اتعرضت لمواقف محرجة من والدى وانا فى فترة التنبيت لانى ببساطة ناصعة البياض والشعر كثيف السواد
وانا متجوزة اقعد لة بالعبايةتعليق
-
بس ان شاء اللة انا هاستفيد بكل نصيحة هنا وانفذها بس عايزة اعرف معنى فاسوخة بالمصرى وربنا يكرمكم كلكم فرحتونى بجدتعليق
-
حبيبتى انا هقولك نفس الاسطوانه برضه انا زيك وحاسه بيكى قوى على فكره فيه دكتور تجميل كويس انا عملت عنده عمليه شفط دهون وكونت ناويه اشيل الشعر بالليزر بس اجازى كانت قربت تخلص فقررت انى استنى للاجازه الجايه بس هو قاللى انه بيعمل الوش كله على جلستنين اول جلسه بتتكلف 2000 جنيه وتانى جلسه الف جنيه ولو وشك احتاج جلسات تانيه بيعمل الجلسه التالته مجانا
بس زى ما انا قولت لك انا معملتش لسه عنه بس هو دكتور معروف في مصر لو حبيتى ممكن ابقي اكتبلك اسمه ورقم تليفونه وانت ممكن تروحى تستفسرى بنفسك
وربنا معاكى يا اختى ويرزقك بابن الحلال اللى يهون عليكى ويتفهم المشكله زى ما جوزى عمل
باىتعليق
-
في فترة اتنبيت خليكي لابسه بناطيل وفساتين وقمصان نوم طويله أنا عن نفسي أعمل كده لنه صعب الراجل
يشوف حاجه زي كده واستخدمي زيت جونسون بعد الحمام يعطي جسمك نعومه
قبل مايطلع الشعر تكون المسام مفتوحه إستخدمي كريم أساس للجسم عشان يكون منظر السيقان حلو
وسلامتكتعليق
-
اشكرك حياة امها طمنتينى وهاحاول اعمل وصفات الاخوات بس نفسى اعرف معنى فاسوخ لو حد عرفة يقولىتعليق
-
البنوتة بنت بلدنا الامورة monanoran ... اولا عايزة اطمنك .. واقولك ان معظم البنات زيك كده ... فمش عايزاكى تقلقى خالص يعنى كل اللى انت بتسالى عليه .. انا بسال ناس كتير متجوزين عليه ... عشان الواحد فعلا مش متخيل ان زوجه يشوفه بالمنظر ده ... تقولى عادى هتعملى ايه البسى طويل ساعتها ... الحمد لله ... عارفه ممكن نعمل ايه ... مكن لحد ما الشعر يطلع عشان نعرف نشيله .. نخليهم يغضوا البصر عننا طبعا بهظر اوعى حد يصدقنى ...الله المستعان ...
احنا بس نستعين بالله ... ونسال ربنا يعينا على نكون باجمل شكل فى عين ازواجنا ... وعايزة اقولك ان باذن الله اكيد ربنا هيكرمك وهيحللك مشكلتلك ومشكلتنا احنا كمان ... يارب .. يارب ... ادام نيتك خالصة لوجه الله ... لانك نيتك انك تبرى زوجك .. وتعفيه عن الحرام بانك تكونى فى احلى واجمل شكل ... وربنا يرزقك ياحبيبتى بالزوج الصالح اللى يسعدك ويشوفك احلى واحدة فى عينه ودينته ... بس اهم حاجة عايزة اقولهالك ... عارفه انا ساعات لما بحمد ربنا على نعمه بحمده على الشعرة الى مضايقانى وبكره شكلها وبقول اكيد ربنا له حكمة فى خلقها ... وبحمد ربنا على كل حبه اللى طالعالى فى ظهرى وغيظانى ... بقول لعله تكفير ذنوب ... فأهم حاجة حبيبتى انك تحمدى ربنا على نعمه كلها وعلى ابتلائاته ... واكيد ربنا هيكرمك ... وهتبشرينا قريب وتقوليلنا ... الحقووووووووووووووونى مش قادرة من الفرحة ... ومستنينك تكميلنا الكلام
... بس اهم حاجة المواظبة ... اهم حاجة فعلا ...
انا سمعت عن الترمس والسعد ... جربيهم ويارب ... يارب تجيب نتيجة معاكى ... وعن نفسى انا عمرى ما بواظب على حاجة ربنا يهدينى ..
على فكرة ياmonanoran ممكن تروحى لحراز العطار اللى فى العتبة او فرج العطار برده فى العتبة ... بس امكانهم مختلفة ... يعنى بعاد عن بعض ... روحى للتعرفيه ... واساليه عن الفسوخة ديه ... اصلا هم عارفين اسماء الاعشاب كلها ... يعنى انا رحت سالته قولتله ايه هو المسمار .. قالى ده القرنفل ... سبحان الله العرب بيسموه القرنفل عشان شكل المسمار ... فمش عايزاكى تقلقى نفسك .. ممكن تروحى للعطار وهو هيريحك ... وربنال يصلحلك الاحوال .. ويصلحلنا جميعا الاحوال ..
ادعوا معايا حبيباتى
اللهم انصر الاسلام واعز المسلمين ... واذل الشرك والمشركين .. ودمر اعداء الدين
بالله عليكم متنسوش تدعوا للمسلمين فى صلاتكمتعليق
تعليق