هل يوجد خلطات طبيعيه تزيل آثار حب الشباب .. (اتمنى؟؟)

**مطيوره** · 13-08-2005, 11:52 PM

اشدعوه وين ردودكــــــم =(

معقوله مافي حل =| !!!!!

**فــــداء** · 14-08-2005, 01:19 AM

هلا عزيزتي مطيوره

مو كانك راده على اموضوعي اللي يشابه موضوعك والا انا غلطانه بلأسم

؟؟

امزح معك

انا عندي لك حل بس ماجربته لكن الكل يمدحه وينصح فيه : جربي عصير الطماطم على الوجه مدة ثلث ساعه يوميا..

وكذلك الملح + الكركم ورح تلاحظين الحب رح يخف خلال اسبوع ( واغسلي وجهك زين بعد الكركم عشان اللون

)

وكذلك : بيضه بدرجة حرارة الغرفه + عصير ليمونه + ملعقة شوفان مطحونه مدة نصف ساعه على الوجه

وانشالله تفيد ووافيني بالنتايج لأني نويت على عمري ورح اجربها وياك

تحياتوووو لك خيتوو

**محبة الرياض** · 14-08-2005, 05:35 AM

هلا ومرحبا فيك هدي تجربتي انا عمري 22اعاني لي 6سنوات من البشرة الدهنيه وحبوب الشباب وعملت طريقه لنفسي والآن جابت نتايج مره حلوه

اولآ في كل اسبوع مره واحده فقط تحطي في وجهك زبادي لمده 20 دقيقه ولبد ان تكوني مسترخيه ثم تغسلينه بما فاتر

ثانياً و في كل اسبوع مره واحده فقط تحطي عسل عايد الموجود البقلات

ثالثاً في كل يوم لبد ان تشربي عصير جزر لوحده اما انا استعمل عصير سيزر باالجزر والبرتقال

رابعاً ان تشتري دواء اسمه oiI-free Acne Wash من شركة نتروجينه وعلى فكره في علبه تضغطي عليه ويصب على شكل سائل وقيمة 30ريال مرتين في اليوم

ملاحضات
استمري على هدي التعليمات مدى العمر لآن مافي دواء ينهي حبوب الشباب نهائياً بسبب بشرتك دهنيه مثلى اناء
اناء استعملت ومازلت استعمل هدي الشياء 80% ازيلت حبوب الشباب واثارهاء السوداء

**مطيوره** · 14-08-2005, 01:30 PM

ياهلا وغلا خواتي فداء ومحبه الرياض ..

فداااااء تسلمين بعد قلبي على الخلطات الطبيعيه راح احاول ابتدي من الأسبوع الجاااااي لأن هالأسبوع ماقدر =(
المهم .. بحاول احط طماطم احسه زين (الله يستر) ههههههه ........ بس يافداء ماقلتيلي اشلون يعني اجيب طماطه واحطها في الخلاط وبس على على وجهي مباشره ؟؟ وكم حبه طماطم ؟؟؟

ثاني شي بالنسبه لكركم والملح (اتوقع ه>ا تقشير طبيعي) بس كم تكون الكميه لكل منهم ..... وكيف طريقة وضعه على الوجه .. هل اخلطهم واحطهم على وجهي او اني افرك فيهم الوجه ؟

وشكرا على الخلطه هذي بعد : بيضه بدرجة حرارة الغرفه + عصير ليمونه + ملعقة شوفان مطحونه مدة نصف ساعه على الوجه .......... بس (ماتخلص البسات مالتها هههههههه) شنو المقادير بالضبط .. والبيضه احط صفراها أو بياضها ؟؟

وسلامتــــــــــــــــــج
بس جيبي لي المقادير بالضبط ونبدأ مع بعض ونطالع النتايج

اختك / مطيوره

**مطيوره** · 14-08-2005, 01:39 PM

محبه الرياض تسلمين على النصايح والخلطات والدواء ..

زييييين الحمدلله .. الله يهنيك ياررررب .. وعقبالي يارررررب

بس انا بشرتي جافه اشووي.. و الحبوب الي تطلع يمكن لأنها حساااسه =(

.
.

عالعموم يالغاليه .. بجرب احط زبادي لأني فعلا سمعت انه زين وايد .. والعسل بعد !
والعصير بعد .. بحاول ولو إني ماحببببه =\ هههههههه

بس بالنسبه لـ (oiI-free Acne Wash من شركة نتروجينه ) ماحب استخدمهم .. لأني جرررربت وايييد انواع سواء نيتروجينا وإلا كلين اند كلير وكل هالخرابيط .. مانفع وياااااااي صح إنها تنعم بس تطلع حبوب في بشرتي خصوصاً نيتروجينا من الصابونه إلا الغسول (مأساه) لازم ا>ا اغسل وجهي تطلع لي حبه اليوم الثاني =| لووووول

بس انا الحين استخدم جونسن كغسول .. حلوو الحمدلله متأقلم معاي .. هههه .. طبعاً مايزيل الآثار بس ينظف من قلب !

عالعموم أنا ودي استخدم أشياء طبيعيه أو مقشرات طبييعه مابي اقرب من شي كيميائي ... حتى لو كانت تاخ> فتره طويللللله P=

.
.

وألف شكر لك يالغاليه (F)

اختك / مطيوره

**فــــداء** · 14-08-2005, 01:45 PM

محبة الرياض هلا وغلا ويعطيــــــــك الف عافيه

تحياتووو لك

**فــــداء** · 14-08-2005, 01:46 PM

هههههههههههههههههههههههههههههه

هلا والله عيوني مطيوره

نسيت لا اقولك ان الخلطه (بيضه بدرجة حرارة الغرفه + عصير ليمونه + ملعقة شوفان) لازم تخلينها نصف ساعه بعد ماتخلطينها وبعدين تحطينها على الوجه ( اشوا انك مابديتي اليوم والا كان ابتلشت

) والبيض حطيه بصفاره وبياضه (والله يعينك على الزفره

) بس مافهمت وش قصدك " المقادير بالضبط ؟؟" يعني المقادير مضبوطه بيضه بدرجة حرارة الغرفه + عصير ليمونه واحده + ملعقة اكل شوفان

ومو شرط بس على الوجه حطيه بلأماكن اللي تبين حب الشباب يختفي منها

والكركم مع الملح لاتفركين وجهك فيهم اخلطيهم مع مويه وحطيهم عادي اقل شي ثلث ساعه بعد ناويه تسوين لنا سالفه

والكميه على حسب حجم الوجه

وبالنسبه للطماطم تاخذين اللب و للعدد على حسب حجم الوجه كذلك اذا يحتاج 2 او 3 والا 4 لكن انا اليوم حطيت 1 وكفتني انتي عاد ماادري

كذلك انصحك بصابونة ديتول بصراحه كذا

لأن فيها مركبات طبيه وتخفف كثييييييير من حب الشباب وانا مجربتها وماضرتني ابد ولها ريحه متقبله

وسامحيــــــــني على القصور واي سؤال انا حاضره

تحياتووو لك

**مطيوره** · 14-08-2005, 03:58 PM

ياحياتي انتي والله شكرا لج على التفاعل

اي صابونة ديتول .. صح ممتازه (بس كل مره اشتط واروح اشتريها) مادري وين تروح يستخدمونها البيت كله يا تروح عند المسبح أو لغسيل اليد أو انساها في بيت جدي او تضيع

ههههههه
وأنا ماستخدمها إلا أول مرتين بعدين انسى عنها (عمري ماشريت شي وأستخدمته لمدة اسبوع متواصل مافيني صبر

) ههههههههههههه

انزين يالغاليه .. بالنسبه لخلطة البيض واليمون ومادري شنو (فهمت عليج) خلاص ماله داعي مقادير
ونفس شي الطماطم .. اتوقع انا بعد تكفيني طماطمه وحده وسط او كبيره مادري

.
.

بس بالنسبه للكركم والملح .. ........ انتي قلتي على حجم الوجه .. يعني كم مثلا برأيك .. ملعقه كركم صغيره الي ياكلون فيها الحلى + ملعقة ملح صالي ياكلون فيها الحلى (كل اشوي تعيد) ههههه

+ فنجان ماء ؟؟؟؟؟
<<--- على كبفها من قلب =|
ههههه

انتي شقد حطيتي ؟

.
.

وبالنسبه للزبادي اشاريج بعد نحط =) ؟؟

انا ببتدي احط من الاسبوع الجاي كل هالخلطات

من ابتداء من السبت .. (لان انا الحين ماقدر فشيله بيت جدي اسبوع)

وتسلميين ..
عاد لاتنسين تعطيني النتايج وإ>ا ماصار شي قولي ماصار شي (ححلوه صراحتج

) عشان ندور غيرهم -----> جاهزه

هههههههه

اختج / مطيوره

**فــــداء** · 14-08-2005, 11:01 PM

ههههههههههههههههههههههههههه هلا والله حبيبتي مطيوره

اقول صج انك مطيوره داجه ببيت جدك وتقول عطوني وسوو لي

واشتري لك صابونه وحافظي عليها مو تستخدمينها يومين وومدري ووين تطيرينها بعدين

بعد ماتستخدمينها حطيها بغرفتك او بالدولاب اللي بالحمام ( وانتي بكرامه ) او اشتروا كميات مناسبه لكم وكذلك صابونة ( كلير اند كلين ) الصراحه كذا انا جربتها والصراحه احسن من السائل

بالنسبه للكركم انا للحين ماجربته لأني اول ماقريته كنت يائسه من نفسي بس اظن ان تقديرك للكميه صح <<<<<<< تنصح غيرها بالزين ولاتسويه الا بالمقلوب

بس محنا خسرانين شي اذا مانفع ماضر وانا ابجربه اكيد واوافيك بالنتايج

ورح ادور لك على وصفات ثانيه انشالله اذا توفر لي الوقت

تحياتوووو لك

**مطيوره** · 15-08-2005, 01:06 PM

لالالا كلين اند كلير مابي اجربهااا بتطلع لي حبوب اكيد ..

انا قلت مابستخدم ولا صابونه (ديتول تكفي) P:

.
.

بعدين تعالي تنصحيني وماتطبقييين سوي معاااااااااي (( خافت )) ههههههههه ..

لا والله أمزح .. بس وعد أول مارجع ديرتي أسوي كل شي ! =)

وسلامو عليكم

**فــــداء** · 15-08-2005, 05:47 PM

ههههههههههههههههههههههههههه

انا قلت لك صابونة كلير اند كلين مو السائل......الصابونه ماتطلع حبوووب يابنت الحلال بالعكس تنظف الوجه كويس انا مجربتها والصراحه روعه اعجبتني اكثر من اي صابونه وللحين انا مدوامه عليها ولو الله ثمن هي مدري وشلون وجهي بيصير

وثانيا :ووش فيها لو سويت ميكس بين الديتول وكلير اند كلين؟؟ مره هذه ومره ذي لأن كلير اند كلير لازم فتراتها متباعده شويه يعني لو بتستخدمينها بالصباح ثاني مره خليها بالمساء.... وبين الاوقات حطي الأقنعه او استخدمي ديتول...وخلصنا

اسفين للأطاله

تحياتووو لك

**مطيوره** · 17-08-2005, 02:55 PM

ممم اووكي .. شورانــا نجرب ،،

بحاول اخذها في اقرب فرصه

مشكووووووووووره

**اللؤلؤةالبيضاء** · 21-08-2005, 02:15 AM

اختى مطيورة مرحبا

عندى ليك طريقة مجربة ولكنها توريد النضام
نصف برتقالة مسلوقة + ليمونة مسلوقة واحدة + حبة واحدة بطاطا مسلوقة +
اربع بياض بيض + 50 ملميتر زيت زيتون + ملعقة كبيرة نشا
نخلط جميع المقدير فى الخلط حتى يصبح كريمة ويوضع على الوجة
لمدة نصف ساعة يوميا

انشاء الله تلقى نتيجة

**مطيوره** · 14-09-2005, 01:02 PM

المشاركة الأصلية بواسطة اللؤلؤةالبيضاء

اختى مطيورة مرحبا

عندى ليك طريقة مجربة ولكنها توريد النضام
نصف برتقالة مسلوقة + ليمونة مسلوقة واحدة + حبة واحدة بطاطا مسلوقة +
اربع بياض بيض + 50 ملميتر زيت زيتون + ملعقة كبيرة نشا
نخلط جميع المقدير فى الخلط حتى يصبح كريمة ويوضع على الوجة
لمدة نصف ساعة يوميا

انشاء الله تلقى نتيجة

ياهلا وغلا ..

يمممه هذي الوصفه شكلها مخييفه .. اخاف اجربها احسها تسوي تقشيرر قوووي ! مو لهالدرجه ترى !

.
.
.
فدااااااااااااااااااااااااااااااء .. بحاول اجرب وحده من الخلطات اليوم (نسيت الموضوع)

.. اي وحده تنصحيني فييهم ؟؟؟؟؟؟؟

.
.
مطيوره

هل يوجد خلطات طبيعيه تزيل آثار حب الشباب .. (اتمنى؟؟)

هل يوجد خلطات طبيعيه تزيل آثار حب الشباب .. (اتمنى؟؟)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق