برنامجي للعنايه ببشرتي(من اخصائية البشره)

السلام عليكم ورحمة الله وبركاته
قبل 3شهور رحت لطبيبة الجلديه علشان اعمل تقشير للبشره لان عندي بقع بسيطه لحب شباب قديم
ولما شافت بشرتي قالت لي انتي مايبغى لك تقشير انتي يبغى لك فقط عنايه بالبشره لانه بشرتك تعبانه وانا فعلا كانت بشرتي تعبانه من الدوام بالجامعه والتعرض للشمس يوميا ومن الحر الي عندنا الي غير طبيعي
وحولتني على الاخصائيه ولما شفت بشرة الاخصائيه ماشاء الله صافيه مثل البن ومشرقه قلت لها ابغى بشرتي زيك كذا
عطتني برنامج للعنايه بالبشره والان لي 3 شهور ماشاء الله بشرتي ولا احلى منها وحبيت اكتب البرنامج للي تحب تستفيد وعلى فكره انا بشرتي مختلطه يعني جافه ماعدا الانف والذقن دهنيه
يعمل هذا التنظيف اسبوعيا (يعني حددي يوم بالسبوع للاهتمام بالبشره وعلى فكره ماياخذ ساعه وحده)
1- اغسلي وجهك بالصابونه(صابونة الكبريت للبشره الدهنيه)
2- نظفي البشره بالحليب (من ماركة كليفن الطبيه)
3-استخدمي التونيك (من ماركة كليفن ايظا)
4- اعملي تقشير للبشره(المقشر ايظا من ماركة كليفن)
5-اعملي قناع للبشره بالبيت وضعيه عل وجهك لمدة ثلث ساعه
6- اغسلي وجهك بالماء وجففيه وضعي مرطب كليفن الي بالفيتامينات


الان طرق الماسكات الي تعملينها كل يومين الى ماتحسين ان بشرتك خفت منها الدهون وبدت تتحسن بعدين تخلينها كل اسبوع(يكفي نوع واحد تختارينه):
1-بياض بيضه+ملعقة زيت زيتون +ملعقة ليمون
2- خياره مطحونه +ملعقة زبادي
وعله فكر ه تعملينها كل يومين بالاضافه للمره الي مع التنظيف الكامل وافضل انا الطريقه الاولى
واتمنى اني فدتكم بهالتجربه