ازالة الوووووووووووووبرمن الملابس
السلام عليكن اخواتي الفضليات
كل عام وانتن بخير
انا بحثت كتير على طريقة لازالة الوبر مش لقيت خالص طريقة فعالة تنفعني وده ضايقني اوي لاني عندي ملابس كتير غالية اصبح فيها وبر ومش بقيت بستخدمها بسبب كدة المهم عشان مش اطول عليكم ان فكرت كتير في طريقة لحد ما فكرت اني اشيل الوبر واحدة واحدة بس ده عايز وقت وصبر كتير فتعرفوا وصلت لأيه؟؟؟؟
مكنة حلاقة زوجي!!!!
ايوة والله حلقت الوبر
قلت الوبر عامل زي الشعر والقماش زي الجلد يبقى احلقه!!
وفعلا فردت قطعة الملابس الي فيها الوبر كويس يعني ثبتها كويس وبعدين بدأت امشي عليها بماكينة الحلاقة كما لو كنت بحلق شنب زوجي ولقيت الوبر بقى يطلع في المكنة وبعدين نفضت الوبر من على الملابس واتخلصت من الوبر....ورجعت الملابس حلوة ورجعت البسهم تاني بفضل الله..اتمنى فكرتي تكون مفيدة واسألكن الدعاء
بس المهم انكن تاخدوا بالكوا لما تشتروا حاجة جديدة انكوا تحفظوها من حدوث الوبر وده ازاي ؟
للوقاية من حدوث الوبر:
1- لازم نفصل الغامق عن الفاتح عند الغسيل.
2- تجنب وصول الملابس لدرجة كبيرة من الاتساخ.
3- الملابس الي قماشتها من النوع الي بيوبر تغسل مقلوبة.
ارجو من الله ان افيد بمعلوماتي البسيطة دي ولو مسلمة واحدة ويكون نفعي لها شفاعة لي يوم القيام ارجو ان تدعو لي برضا الله وحسن الخاتمة ومرافقة سيدنا محمد صلى الله عليه وسلم في جنة الفردوس الاعلى
اللهم امييييييييييين
لا اله الا الله محمد رسول الله
سبحان الله وبحمده سبحان الله العظيم
لا اله الا الله محمد رسول الله
سبحان الله وبحمده سبحان الله العظيم
[
تعليق