ادخلو بسرررررررعه

"ساسو" مصممة أزياء من نوع خاص عندها إصرار وتحدٍ كبيران... مهمتها الأساسية هي تنفيذ أحلام البنات وتحويل فستان العمر اللي كل بنت بتحلم بيه إلى واقع ملموس، وأحيانا وكما تقول بيطلع أحلى مما كانت تتخيل العروسة...
واحنا كمان بنحاول نساعد كل البنات على تحقيق أحلامهن..

موضة عرايس 2007؟
لسه الأبيض متربع على عرش موضة فساتين الأفراح.. لكن الموضة الآن دخول ألوان مع الأبيض زي الروز والذهبي والفضي.. صحيح كان الذهبي والفضي والأوف وايت موضة الموسم الماضي لكن الأبيض رجع بقوة مرة تانية
الموضة جدا في فساتين الأفراح دخول خامة تطريز اسمها "خوشخان" وهي شبه الكريستال، لكنها ذهبية وأشكالها طويلة وتستخدم مع فساتين الخطوبة كمان. ومن الحاجات الموضة الستان والأورجانزا الإيطالي لكن المطفي.

موضة السواريه وفساتين الخطوبة؟
الألوان الموضة الذهبي والبستاجات والروز... ده الموضة، لكن رأيي إن مافيش لون مش موضة في فساتين الخطوبة، وكمان مافيش حاجة اسمها لون مش مناسب عشان لون البشرة فاتح أو غامق.. المهم قصة الفستان والتطريز هايكون شكله إيه؛ لأن اختيار درجات ألوان التطريز له تأثيره على جمال وأناقة التصميم وهو كلمة السر اللي بتخلي اللون يناسب أي بشرة... أنا ضد اختصار السواريه في الأسود فقط.. البعض قد يلجأ للون الأسود لإخفاء عيوب الجسم.

ولكن عيوب الجسم مشكلة حقيقية أمام اختيار الفستان ولونه؟
ده صحيح.. ولكن وجهة نظري إن مافيش بنت وحشة.. كل واحدة فيها حاجة جميلة، ودور مصمم الأزياء إظهار جمال الجسم ... مثلا فيه واحدة خصرها نحيف، واحدة تانية أكتافها مدورة واحدة طويلة، واحدة قصيرة، بس جسمها تقاسيمه حلوة... وهكذا كل واحدة فينا أكيد فيها حاجة مميزة.. بس احنا بنركز على العيوب فقط.
على فكرة قصة الفستان المظبوطة لها دور في إخفاء العيوب أو إبراز جمال الجسم... مصمم الأزياء ممكن ينفذ القصة أو الدرابيه بما يتناسب مع شكل البنت.. لكني مازلت مصرة إن مافيش لون مش موضة، وكمان مافيش تصميم يستحيل تنفيذه عشان البنت نحيفة أو مليانة شوية.. الشطارة في التنفيذ والتحايل على العيوب.

التطريز مشكلة بتواجه أي عروسة.. خاصة إنه بيرفع من ثمن الفستان جدا؟
المشكلة الحقيقية في من ينفذ التطريز... "الشغل اليدوي" هو اللي بيرفع السعر مش الخامات.. لأن الخامات الموجودة في مصر واحدة عند كل الناس سواء قماش أو كريستال أو أحجار أو خرز أو أي خامة تستخدم في التفصيل..نصيحتي المخلصة اختاري حد ثقة يطرز فستان فرحك..

السواريه عند المحجبة مشكلة على أساس إن جمال الفستان في الأجزاء المكشوفة.. المحجبة إزاي تختار تصميم حلو للسهرة؟
المحجبة مع الأسف بتختار تصميم فستان سواريه مكشوف، وبعد كده تبدأ في البحث عن بدي لون الفستان يغطي الجزء المكشوف من "الكورساج" وتكون النتيجة في النهاية غير مرضية بعد ما تكون صرفت كتير على الفستان..

نصيحتي إن المحجبة تختار فستان للمحجبات، وبلاش حكاية "البدي"؛ لأنها بتقلل من قيمة الفستان جدا.. يعني تختار تصميم مقفول.. ولو اختارت تصميم كان في الأصل مكشوف يخلي مصمم الأزياء يقفل لها الجزء المكشوف، بحيث يكون في النهاية الفستان متجانس وشكله حلو وكمان له قيمة..

نصيحتك للعروسة من واقع خبرتك؟
بصراحة لازم العروسة تحضر للفستان قبل الفرح بوقت كافِ عشان تختار الموديل براحتها؛ لأن تأجيل الفستان مخاطرة؛ لأنها قد تختار موديلا غير مناسب... رأيي إن الصورة اللي هاتبقى من الفرح هي صورة فستان الزفاف، وأعتقد إنه يستحق من العروسة تهتم به جدا..

نصيحتي إن العروسة تحسن اختيار مصممة الفستان وتثق فيها وبلاش تقلق وتكون متأكدة إن كل حاجة جميلة جواها هتظهر على وجهها في الفرح.


تِفضَّلي العروسة تعمل ريجيم؟
أنا ضد الريجيم القاسي قبل الفرح؛ لأن ده بيأثر على شكلها في الفرح، وبيدي إحساس إن شكلها تعبان وشاحب حتى لو كان المكياج كويس جدا... لكن لازم تعمل رياضة، وتقلل أكلها شوية، وتاخد وقتها في إنقاص وزنها؛ لأن فيه بنات قبل الفرح بأسبوعين بتعمل ريجيم قاسي جدا وأعتقد أن ده خطر...

ودى مجموعه من تصاميم ساسو بعد م ظللتها طبعا