❤ مع بداية رمضان ❤ هدية من مطبخ بيرو ❤ سلطات ومشروبات وحركات ❤ ومطبخ رمضان

**أحلى بيرو** · 13-07-2012, 01:51 AM

سلطة الفاصوليا البيضاء

كوب فاصوليا بيضاء مسلوقة
بصلة حمراء
2 ملعقة كبيرة بقدونس مفروم

الصوص
3 ملاعق كبيرة زيت زيتون بكر
ثمن ملعقة صغيرة ملح
ربع ملعقة صغيرة كمون
ملعقة كبيرة خل

نقطع البصلة جوليان ونخلطها مع الفاصوليا والبقدونس

نخلط مقادير الصوص ونضيفه على السلطة

وبث

وبألف هنا وشفا يارب

**أحلى بيرو** · 13-07-2012, 02:06 AM

سلطة الحمص والطماطم

علبة حمص شامى (أو حمص مسلوق فى البيت)
نصف علبة ذرة حلوة
بقدونس مفروم
2 حبة طماطم مقطعة مكعبات

الصوص
3 ملاعق كبيرة زيت زيتون بكر
ربع ملعقة صغيرة ملح
ربع ملعقة صغيرة كمون
ملعقة كبيرة عصير ليمون
خبز شامى مقطع مكعبات

نقطع الخبز الشامى

نحمره فى الفرن أو نقليه فى الزيت أو نحمره فى ملعقتين زيت زيتون
انا عملت الطريقة الأخيرة

نخلط مقادير الصوص

فى طبق التقديم نضع قليل من الخبز

الذرة

الحمص

الطماطم والبقدونس

وأخيراً الصوص

ويزين بالخبز المحمر
بالهنا والشفا

**أحلى بيرو** · 13-07-2012, 02:15 AM

بينا كولادا

2 شريحة أناناس
3 ملاعق كبيرة سكر
4 مكعبات ثلج
ملعقة كبيرة حليب جوز الهند
ملعقة كبيرة لبن بودر
3 ملاعق كبيرة عصير الأناناس
3 ملاعق كبيرة ماء

نضع فى الخلاط الكأس
الأناناس

السكر والثلج والعصير

اللبن البودر والماء

حليب جوز الهند

ونخلط

يصب فى الكاسات ويزين بشريحة أناناس

ويقدم بالهنا والشفا
ولا أحلى كافيه

**أحلى بيرو** · 13-07-2012, 02:23 AM

عصير الأناناس والزنجبيل

4 شريحة أناناس
قطع من الزنجبيل (المقدار حسب ما تستحملى )
3 ملاعق كبيرة سكر (أو حسب الرغبة)
2 ملعقة كبيرة حليب جوز الهند (يمكن استبداله بحليب جوز الهند البودر)
كوب ماء مثلج
3 ملاعق كبيرة عصير ليمون

ملحوظة (العصير بدون السكر وحليب جوز الهند مثالى لإنقاص الوزن)
بس طبعا انتوا عارفين انا اموت فى زيادة الوزن فحبيت الاضافات

نضع جميع المقادير فى الخلاط الكأس
ونخلط

ويصفى ويقدم بألف هنا وشفا

**أحلى بيرو** · 13-07-2012, 02:35 AM

طرق بسيطة لتزيين كؤوس العصير

هاتى أوراق نعناع وشرائح ليمون مغسولة كويس
وهاتى علبة مكعبات الثلج

وحطى فى كل مكعب بعد ما تمليها بالماء أوراق نعناع أو شريحة ليمون

وحطيها فى الفريزر

ولما تطلع قدميها مع العصير أو المشروبات الغازية

بتدى نكهة وبتدى شكل جميل

اسفة الصور دى قديمة

**أحلى بيرو** · 13-07-2012, 02:54 AM

الطريقة الثانية
معروفة للجميع

هاتى شوية سكر وعليهم الوان طعام ونقطتين ماء

وحطى الكأس مقلوب فيهم

وبعدين حطيه فى سكر بدون اى حاجة

هايبقى بالشكل ده

وحطى العصير

وقدميه

هنا انا عملته وقدمته مع بان كيك البرتقال على الرابط ده

**أحلى بيرو** · 13-07-2012, 03:00 AM

قدمى البطيخ بطريقة جديدة

قطعيه بقطاعات الكوكيز

قطعى فراولة وحطى عليها قشطة وصوص فراولة

وخليها فى الثلاجة من ساعة ل3 ساعات

ودوقى أحلى تحلاية

**أحلى بيرو** · 13-07-2012, 03:13 AM

آخر حاجة احسن تكونوا زهقتوا منى

القهوة بالبندق لعيون الناس اللى عارفة نفسها

ده شكل العلبة والقهوة
بصراحة اخترااااع جامد اوى لمحبى القهوة

فى الكنكة الصغنونة بتاعتنا نضيف مقدار من الماء وسكر حسب الرغبة
وملعقة صغيرة ونصف من مسحوق القهوة

وعلى نار هادئة لغاية ما يطلع الوش الحلو ده

وبالف هنا وشفا

ملحوظة هامة : طقم القهوة ده انا اخدته بالاكراه من مرات اخويا

حبيبات قلبى .. يارب اكون ضيفة خفيفة عليكم
وكل عام وانتوا بخير

ورمضان كريم

**ام جود و جواد** · 13-07-2012, 04:09 AM

**ام جود و جواد** · 13-07-2012, 04:09 AM

**ام جود و جواد** · 13-07-2012, 04:10 AM

**ام جود و جواد** · 13-07-2012, 04:11 AM

**ام جود و جواد** · 13-07-2012, 04:17 AM

عودة قوية جدييييييييييي يا قمر

وبالنسبة للناس اللي عارفين نفسهم انا خليتلهم فنجان.

والباقي

ممنوع الاقتراب.

ههههههههه انا بمزح بالهنا والشفا على قلوب كل الحلوات

وبالنسبة للوصفات بتجنن ومبتكرة وافكار حلوة زيك وماننحرمش منك ومن طلتك المميزة يا جميل

وكل سنة وانت بألف خير يارب وينعادعليكي وعلى حبايبك بالصحة والعافية والعتق من النار امين.

**أم عمورى** · 13-07-2012, 04:06 PM

مشكوره على الافكااااار الحلوه

❤ مع بداية رمضان ❤ هدية من مطبخ بيرو ❤ سلطات ومشروبات وحركات ❤ ومطبخ رمضان

❤ مع بداية رمضان ❤ هدية من مطبخ بيرو ❤ سلطات ومشروبات وحركات ❤ ومطبخ رمضان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق