تويت
❤ كلاكيت تانى مرة ❤ SeaFood Soup ❤ من مطبخ بيرو ❤
أهلا بكل الحبايب
النهاردة جايبة طبق كنت قدمته من فترة
هنـــــا
والنهاردة نعمل كلاكيت تانى بصور جديدة وباضافة كانت مش متوفرة عندى وقتها
والطبق محجوز لوعود يعنى اللى يلطش يتصرف معاها انا ماليش دعوة
SeaFood Soup
و
المقادير على مراحل
أول شئ البحريات (المقادير نسبية)
استخدمت (سمك فيليه - جمبرى - كالامارى)
قطعت السمك والكالامارى قطع متوسطة والجمبرى زى ما هو
وغسلتهم
وفى ملعقة زيت زيتون ورشة فلفل اسود رفعتهم على النار لغاية ما تنشف المية اللى فيهم
ونخليهم على جنب
مقادير المرحلة الثانية
بصلة متوسطة مفرومة
حبة جزر مقطعة مكعبات صغيرة
ملعقة ونصف دقيق
كوب حليب - كوب ماء - كوب شوربة (لحم او فراخ)
قطعة زبدة + ملعقة زيت زيتون
فى حلة على النار نضع الزبدة والزيت
نشوح البصلة حتى تصفر بس
اضيف الجزر واقلب لمدة دقيقتين
وبعدها أضيف الدقيق واقلب حتى تروح ريحة وطعم الدقيق النىء
وبعدها اضيف الأكواب الثلاثة (الحليب والماء والشوربة)
واقلب حتى لا يتكتل الدقيق
وأول ما يغلى اضيف البحريات المشوحة فى الزيت
مقادير المرحلة الأخيرة
نصف كوب كريمة
شبت وكزبرة (الأصل كان كرفس بس بالشبت والكزبرة الطعم احلى)
اخيراً اضيف الكريمة
والشبت والكزبرة
وأقدمها
وبألف هنا وشفا
تعليق