لعيون الحلوة وعود جبنا احلى تششششش
البطاطس بطريقة المطاعم
شوفى .. الطريقة دى علشان بتاخد وقت
ممكن تعملى كمية كبيرة وتحطيها فى اكياس وعلى الديب فريزر
ولما تحبى تاكليها يادوب تطلعى كيس وفى الزيت وتششششش
دقيقتين تكون جاهزة
يلا نشوف الطريقة سوا
انا استخدمت البطاطس الحمرا
قشرتها
قطعتها وغسلتها
حطيتها فى حلة وغطيتها بماء ورفعتها على النار
وحطيت عليها نصف كوب خل ابيض
وبخليها تتسلق على النار حوالى 3 دقائق لـ 5 دقائق حسب الكمية
وبعدين اصفيها على مناشف المطبخ << مهمة الخطوة دى << يا واد يا مهم
وبعدين ناخد شوية شوية فى مصفى القلى
وننزل فى الزيت ونعمل تشششششششش << كف من وعود
وبس دقيقتين نطلعهم على طوول
انا اتحمروا منى شوية
نطلعهم على ورق نشاف تانى وندخلهم الثلاجة لحد ما يبردوا تماما
ونجهز الثلاثى المرح
دقيق - بيض - بقسماط
ناخد البطاطساية فى الدقيق
وبعدين البيض
وبعدين البقسماط
كدة الكمية خلصت
ممكن تحطيها فى اكياس على قد القلية الواحدة وتشيليها فى الفريزر
وهنا النتيجة بعد القلى
بالف هنا يارب
الصوص معاها (مايونيز وكاتشاب)
.
تعليق