حشوة للسمبوسه اغنتني عن اللحم جناان ما ابي لا دعواتكم

1-صدور دجاج مقطعه الى قطع صغيره او ممكن دجاج مفروم

< الكمية حسب الرغبه والحاجه>

2-حبتين بطاطس مقطعه الى مربعات صغيره <مقليه ومقرمشه>

3-بقدونس تكون الكمية وسط لا كثير ولا قليل مقطع وليس مفروم

4-جزر مبشور اذا وسط حبتين واذا كبيره حبه كفايه

5-كوسه مبشوره حبه ان شاء الله كفايه<انا ما احب الكوسه كثير بس هنا وربي جنان يعني اللي ما تحبه تجرب وتشوف وجايتكم بالطريقه>

6-طماطم مفرومه حبتين

7- كمون وملح وفلفل اسود

الطريقة,,

يقطع الدجاج الى قطع صغيره جدا او مفروم دجاج ثم يسلق بماء فقط
يبشر الجزر والكوسه كمان تبشر توضع على النار مع قليل من الزيت<ملعقتين او ثلاث ملاعق> ويحرك جيدا على نار هادئه حتى يخرج لون الجزر
ثم يوضع فوقها الطماطم والدجاج المسلوق ثم يضاف ماء عشان الكوسه
وكمان الدجاج يتشرب الطعم والخلطة
ويضاف الملح والكمون والفلفل الاسود طبعا انتو تقدرون تضيفون التوابل اللي تبوها
اللي يبيها حاره يزيد توابل حاره<حاره بصراحه ما جربتها ابدا>
بس انا افضلها ملح وكمون وفلفل اسود فقط انصحكم بطريقتي واذا ما عجبتكم وقتها براحتكم عدلوا فيها
بعد ما تنشف المويه يرفع عن النار وتضاف البطاطس المقليه والبقدونس
ثم تحشى في رقاق او سبرنغ رول وتقلى وربي جنااااااااااااااااان
جربوها وقولولي أرائكم ولا تحرموني من دعواتكم وربي محتاجه