كول سلو

السلام عليكم ورحمة الله وبركاته

حضرتلكم وصفة تانية لسلطة اكثر من رائعة وهى الكول سلو او الكرنب بالجزر
والاخوات الى مش عارفين الكرنب هو الملفوف

وبما ان دلوئتى مش موسم كرنب عندنا فمعرفتش اجبلكم صور فريش من صنعي واستعضت عنها بصور جبتها من احد البرامج التليفزيونية



المقادير :



كرنب سلطة مقطع شرائح رفيعة ... ولو غير متوفر ممكن كرنب عادي بس تختاري الاوراق البيضاء الداخلية وتقومي بالطرق على العروق وتنقعى الورق في ماء عليه 3 ملاعق سكر لمدة ساعة او اقل شوية .. وبعدين تقطعيها شرايح رفيعة

جزر مبشور
بصل اخضر مقطع صغير .. انا بفضل وبعمل بصلة صغيرة مبشورة ناعم
معلقتين كبار مايونيز
معلقة صغيرة ماستردة
معلقتين خل
معلقة صغيرة سكر
معلقة كبيرة كريمة لبانى (ممكن الاستغناء عنها )
4 ملاعق حليب
عصير ليمونة ( يمكن الاستغناء عنها ايضا )
ملح وفلفل

الطريقة :

نخلط المايونيز بالمستردة والخل والسكر والحليب والملح والفلفل واليمون والكريمة اللباني حتى تصبح مثل الكريمة


ثم نضيفهم للكرنب والجزر والبصل ونقلب


ونزبط بعد كدة اذا كانت محتاجة ملح او فلفل او مستردة ( كل ده بيكون حسب الرغبة )
ونغطى الاناء باكياس بلاستك تلاجة ونحطها في الثلاجة لمدة ساعة

وبعدين تقدميها
وتلاحظى انك ممكن تضيفي ليها المزيد من الحليب اذا كنتى بتفضليها طرية شوية بمعنى مش متماسكة زي الى في الصورة كدة

ويا رب تعجبكم .. في انتظار ردودكم .. وصحتين وهنا