تبولة بالبصل الاخضر

التبولة الحقيقية عزيزتي لازم تكون بالبصل الأخضر.
محسوبتك خبيرة تبولة، يالله تعالي وذوقي
- ضمة بقدونس
- نص ضمة أو اقل من البصل الأخضر
كنت زمان أعمل ضمة بصل كاملة مقابل ضمة البقدونس الكبيييرة.
الآن البقدونس انكمش، فصرت أعمل الضمة قدامها حوالي 4-5 بصلات خضر طبعاً كل البصلة القسم الأبيض والأخضر.
- حبتين بندورة كبار
- كمشة برغل مغسول وممكن تنقعيه كم دقيقة.
- ملح وحامض وزيت زيتون
- وأنا بحب أضيف رشة صغيرة كمون حب غير مطحون، بيعطي نكهة رائعة.
واللي بيضيف خس وخيار وغيره، هذه صارت سلطة
في أسرار لتطلع التبولة رائعة:
1- السر بطعمة التبولة تكون طيبة إنك تفرميها بإيدك مش بالمطحنة وإلا بتعصر ماء كثير وبتطلع مرة. ولازم تصغريها قد ما تقدري.
2- والسر الآخر البندورة تكون واضحة حتى تعطي حموضة.
3- وسر آخر تكون حامضة، طبعاً ما تزيدي عن الحد، لكن الحامض لازم يكون واضح.
4- وأخر سر يكون زيت الزيتون طيب وحقيقي من لبنان وما يكون مغشوش من الوالمارت هههههههه
وصحتين وهنا.

مشكورة اختي ايمان بس انا سمعت البعض يحطون نعناع انتي ما تحطين نعناع

شكرا لك ايمان باين ان التبولة حقتك غير شكل

لكن المهم في النهاية تطلع لذيذة وهذا اكيد

ياعينى على أسرارك يا أمونه
خذى سر آخر من أسرارى
أنا أنقع البرغل مع الليمون والزيت والملح والفلفل الأبيض
وأضيف إليها ملعقه من دبس الرمان
ثم أضيفها الى البقدونس والبصل الأخضر مع قليل من النعناع لأضفاء نكهه مميزه
==
جربيها وأعطينى رأيك
تسلمين على هالوصفه الشهيه 0

يسلو إيديك يا إيمان رووعة ولكن زيت طبيعي ...من لبنان .يا حسرة .؟؟؟