سؤال عن الكبيس (العسل الاسود بالبلح الاسود )لو سمحتم

عزيزتى سؤالك هو عن دبس البلح
لان اختلط عليه اسم كبيس ارجوا التوضيح
وساحاول البحث والاخوات الخبيرات سيقومون بمساعدتك

شكرا لكى يا غاليه على اهتمامك
هيا مكوناته
عسل اسود
بلح اسود موضوع فى الشمس لونه يشبه العجوة
سمسم
جوز هند
ممكن فول سودانى (حسب الرغبة)
وجزاكى الله خيرا

بانتظار أخواتنا الكريمات

للأسف ما عندي اي فكرة
وان شاء الله ساحاول البحث عنه

انا حاولت ابحث عن المقادير اللي انتي كتبتيها و لقيت هاي الوصفه بس مش متأكده اذا هي طلبك


بلح
ملعقة دقيق( طحين)
نصف كوب زيت
كيلو عسل أسود
ثمن كيلو حلبة مطحونة
سمسم وسوداني

ملحوظة الحلبة المطحونة هنا هي الحلبة التي نشتريها من العطار مطحونة و عليها إضافات أخرى وليست الحلبة الحصى مطحونة بمفردها لأنها تكون مرة جدا.


الطريقة:

ضعي الزيت في إناء ثم الدقيق وقلبي حتي يحمر قليلا ثم ضعي العسل الأسود واتركيه يغلي دقيقتين فقط لا أكثر ثم ضعي الحلبة ودعيه يغلي ثلاث دقائق أخرى ثم ابعديه عن النار وضعي البلح و عدة ملاعق من السمسم المحمص والسوداني وبعد أن تبرد ضعيها في البرطمانات.

ملحوظة:
إذا تم غلي المكونات كثيرا ستتصلب المفتقة ويصعب أكلها فإذا حدث ذلك يمكنك إضافة قليل من العسل حتى تلين.

حبيبتى واضح انك بتسالى عن طريقه عمل المفتقه المصريه
صح ولا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ممكن توضحى اكثر

lonle
تسلمى على مرورك وبحثك

دسوسن تسلميلى يا غالية الحقيقة مش دى بس شكرا لكى على بحثك وتعبك يا حبيبتى

noorelhoda
ايوة هيا دى يا غالية يا ريت تجبيلى طريقتها وشكرا لكى لاهتمامك

انتظرينى اختى ساحضر لك طريقتها بالتفصيل الممل

شكرا لكى حبيبتى نور الهدى وجزاكى الله خيرا

مساء الورد جنى

انا لسه بحاول ادور على الوصفه

شوفي هاي وصفه تانيه

((((((((((((((((((((((((((المفتقة ( الحلاوة السودة )
دى مقادير متناسقه بمعنى ممكن نعمل نصها او ضعفها حسب الرغبه
7 كيلو عسل اسود كثيف من السرجه (وليس البقال)
كيلو ونص زيت ذره و معلقة صغيره ملح ليمون
25 جرام كتيره و 50 جرام حبه خضرا وربع كيلو كركم
200 جرام تحويجة مفتقة و ربع كيلو حبة بركه مطحونه ( عجينه)
البنود الخمسه الاخيره من عند العطار عادى
نص كيلو سمسم وربع كيلو جوز هند
نص كيلو مشكل عين جمل وبندق ولوز مجروشين خشن
نحط حبة البركة والحبة الخضرا فى 2 كيلو عسل ونقلبهم قبل الشغل بيوم
ونحط الكتيرة فى نص كوباية ميه كبيره
تانى يوم ....
هانجيب حله كبيره بحيث لما نحط العسل لا يزيد عن التلت
الحله دى هانحطها على النار فاضيه ونحط الزيت كله
لما يغلى نحط السمسم والمكسرات والكركم
واول ما يصفروا نشيل نصهم بره ونحط عالباقى العسل كله
ونحط العسل اللى بايت فيه الحبه الخضرا وحبة البركة
ثم نضيف الكتيره المنقوعه بميتها
ونسيب الكل عالنار حتى الغليان ويبدأ العسل فى الفوران ويزيد
علشان كده قلنا حله كبيره علشان تتقبل الزياده فى الحجم
و يستمر الغليان مع التقليب المستمر وبعد نص ساعه نضيف ملح الليمون
ونستمر فى الغليان والتقليب
هانلاقى الخليط بيتخن شويه شويه ولونه بيسود مع تركيز العسل
لغاية مانقطى الخليط تسقط من المعلقه بالراحه وليس سريع
ونلاقى فجوات الغليان بتتجمع فى النص ( اسمها مرحلة عين الكتكوت)
ودى علامة السوى
ونطفى النار ونسيبها لتانى يوم علشان تبرد
ونكون مجهزين البرطمانات الجافة تماما ونعبيها ناقص سم
ونضيف على وش كل برطمان معلقة كبيره من خلطة المكسرات اللى حجزناها من الاول
وبالف هنا
معلش الطريقه طويله شويه لكن تستاهل فى الشتاء البارد
ومساء الفل))))))))))))))))))))))

شكرا ليكى يا د سوسن
ربنا يخليكى وما يحرمنى منك ابدا

لا شكر على واجب يااااااااااااااااا عسل

سعيده جدا انه هاي الوصفه المطلوبه (مع اني مافهمت نص المكونات ههههههه)

عزيزتى سوسن
بارك الله فيك وجزاك الله كل خير

بصي يا ستي ادي طريقه الكبيس زي ما بنعمله..جربيه وان شاء الله يظبط معاكي ولو عاوزه اي استفسار ابعتيلي ...

-كيلو عجوه
-2الي 2 ونص كيلو عسل اسود
-ربع م ص قرفه مخلوطه بقرنفل
-2ملعقه جوز ناعم محمص في معلقه سمن بلدي
-قشر 3حبه سوفندي مقطعه ناعم جدا
-ربع كيلو سمسم
-عصير ليمونه كبيره


الطريقه
-قطعي العجوه قطع صغيره
-حمصي الجوز في السمن وحمصي السمسم علي نار هادئه
-اغلي العسل غلوه علي نار هادئه ومجرد ما ان يغلي ضيفي العجوه
-اتركيها تغلي 10 دقايق حتي تنضج العجوه ثم ضيفي عصير اللليمون والسمسم والجوز وقشر السوفندي واتركيه دقيقه علي النار ثم ارفعيه..
-اغرفي معلقه في طبق واتركيها تبرد تماما لتختبري سمك الكبيس لو حابه يكون سائل أكتر اغلي عسل وضيفيه... ولو عاوزاه متماسك اكتر اغليه مره اخري سريعه جدا..بس ان شاء الله يكون مظبوط
...وياريت لما تخلصيه تبعتيلي نصيبي بما اننا طلعنا جيران بقي...