عملتها ...... الكبة ...... :)
ازيكنننننننننن بنوتات لك
كان طاقق فى دماغى أجرب موضوع الكبة ولو انى عارفه انها غلبه بس قلت ومالو نجرب
قمت جربت فى شوية صغننين وحاقول لكم مقاديرى الصغننه جدا
المقادير :
للعجين :
4/1 ك برغل نقعته فى شوية ميه حوالى نص ساعه
بصلايه صغننه مقطعه أرباع
بالظبط 100 جم لحم مفروم
ملح وفلفل وبهارات وقرفه
للحشوه :
لحم مفروم معصج بالبصل
انا استعملت لوز محمر
قرفه وبهارات وملح وفلفل
الطريقه :
عصرت البرغل كويس اوى بإيدى وحطيته فين ؟
ماحدش يقول لى فى مفرمة اللحمه
لا
لا
لا
حطيته فى الكبه ......... قلت أجرب
وحطيت معاه الصل واللحمه والملح والفلفل والبهارات والقرفه وهات ياضرب لحد ماتعجنت زى الفل
اهى شوفوا
ويادوب زودت معلقتين دقيق وعجنتها تانى بإيدى وسبتها ترتاح فى الثلاجه لحد ماعملت الحشوه
وادى اللحمه المعصجه
وادى اللوز المحمر
وبعدين طلعت العجينة وشكلتها وحشيتها بس ماعرفتش أصور علشان كنت باشتغل بإيدى الإتنين والساعه 3 فجرا وماحدش معايا يصور ....
وآدى واحدايه فى الزيت الغزير المقدوح
وآدى الدواقه بتاعة الطباخ اللى هو أنا والباقى شلته فى الفريزر
وفرحانه بنفسى اوى انى عملتها......
يللا شجعونى وردوا عليا
اعذروني لغيابي 
اشك في كده بصراحة 
تعليق