طلبتكم........قولوا تم..........

ياليت اعرفها كان سويتها واعطيتك الطريقة

انا ادور عليها من زمان بس مالقيتها..

تكرم عينك حبيبتي أم شهلين حاعلمك الكبة الشامية يعني اهالي دمشق وفي كبة حلبية لذيذة بس مابعرفها إليك الطريقة
المقادير كل كيلو برغل ناعم بتجيبي نصف كيلو لحمة هبرة مافيها دهن ابدا










بصلتين
ملح فلفل بهار
بطاطا حبة واحدة مسلوقة
الحشوة
لحمة ناعمة تكون هبرة من غير دهن كيلو
وشي خمس بصلات مفرومة
الطريقة سهلة كتير
نغسل البرغل ونضعه في مصفاية حتى لا يتشرب الماء لانه يعذبنا بالطحن نطحن البرغل بالماكينة ونطحن اللحمة معها والبصل والبطاطا معهم جميعا ولازم نطحنها مرتين حتى تصبح البرغلة ناعمة نفرك البرغل جيدا بعد الطحن وجهيين ونضيف رشة ملح فلفل حسب الرغبة
نعجنها حتى تتماسك وتصبح طرية طبعا الكبكبة اكيد بتعرفيها وإذا ما بتعرفي في قالب خصوصي لقرص الكبة مع ماكينة الكبةبالنسبة للحشوة بتقلي اللحمة حتى تنضج وبعدين بتقلي البصل وبتخلطيهم مع بعض وإذا حبيت ضيفي المكسرت فستق وصنوبر ولوز بتعرفي تقلي اللوز طبعا بعد سلقه

بس تخلصي من الكبكبة طبعا بتقلي الكبة بزيت الذرة يكون نظيف حتى لا يطعم
خلصنا من الكبة المقلية
اللبنية بتكبكبيها صغيرة جدا قد الزيتونة وكل ما كانت ضغيرة كانت ألذ والحشوة نفسها عندنا بالشام بيحطو دهنة مع اللحمة لحشوة اللبنية وجوز عواض الصنوبر واللوز إذا اردت ساوي هيك
بس تخلصي الكمية بدك تطبخي اللبن احضري ثلاث علب لعشرين قرص من الكبة الصغيرة
شوي اللبن ......... انخلي اللبن وضيفي له ملعقتين نشا صغيرة واخلطيهم بشوية ماء وحركيهم وسقطيه فوق اللبن المنخول وضيفي رشة ملح وبيضة وحركي اللبن جيدا قبل ا شعال النار
لينخفق منيح شعلي النار واستمري بالتحريك حتى يغلي اللبن سقطي اقراص الكبة في اللبن واستمري بالتحريك ونوصي الغاز وخليه شي عشر دقائق لتستوي الكبة انقري عليها وبالنظر بتعرفي وإذا بدك ذوقي واحدة واحكمي إذا استوت ام لا وبعدين اطفي النار واسكبيها وقدميها بجانب الكبب المقلية وشو فيها شو لذيذة وبالهناء والعافية وشهيتيني قوم ساويها واعزم بنات المنتدى كلهم أبتداء بالمشرفات الغاليات شرفوني وتجدوا والله مايسركم وانتهاء بالعضوات الحبيبات
وإذا بدك أي سؤال تفضلي أ سألي

ماشاء الله شطورة ورقه ليمونة والله يعطيكي الف عافية وانا من حلب ولي رجعة ام شهلين لعطيكي الطريقة ولكن طريقة ورقة ليمونة لذيذة كمان

اختك ياسمين